Сетьме ляйнясь савор шуди.
Нолдась шись вирть фталда сартт.
Нинге удозь люкси нюдись,
Расась мазопнесы нарть.
Срадсь шить валдоц паксять келес,
Виресь весяласта ванць,
Нолдась вайгяль сргозьф велесь
Стадав аватне тракст паньцть.
Зойняй мазы нармонь морось.
Молихть мацихть ляйнять ваксс,
Паксять эса вии сёрось
Люкси вармати волнакс.
Срадондсть паксява бригадат,
Марявсь зойфоц „Коммунарть“,
Штоба паксяста урядамс
Питни 8 миллиартт
Пуд. Инь цебярь ару сёра!
Сянкса дружна сембе лиссть,
Штоба сяда оцю паваз
Кандоль мархтонза эрь шись!
