Page:Колхозонь эряф 1941-01 38стр.jpg

---

---

 

 А.    Пушкин

---

Дон

 

Пиндолдозне степнень ланга
Вов сон ласьки. Шумбрат, Дон!
Тонь казакнень эзда кандонь
Тейть мон ичкозде поклон.

 

Содасазь пяк славнай братокс
Сембе ляйхне сетьме Донть;
Кучсь Араксь тейть и Ефратське
Мархтон радостнай поклон.

 

Шумордамок кяжи бойхнень,
Марямок эсь ширенять,
Симихть лишмотне-донскойхне
Арпачайскяй^[1] шудерькскять.

 

Аноклак, Дон, симомс-андомс
Эсь наездникненди срокс
Шовса лакай и пяк танцти
Винограднай ару сок.

1829  к.

Нянязти

Монь стака, кяжи пингонь ялгай,^[2]
Пяк сире, уле гуленяй,
Тон пиче вирьса пяк кунара
Учсят монь ськамот эрь шиня.
И вальмять ала валда кудсот
Най ащат, часовойкс ризназь,
И салмоксне тонь эрь минутать
Эсь тевснон кядьсот юкснесазь.
Тон ортать эзга афи лотксезь
Коль ванат ичкоздень ки лангс.
Люпштасы мяштцень тонь заботась
И предчувствиясь, и канькссь...

1827  к.

---

1. Арпачай — ляй, конац прай Араксу; Аракссь шуди Россиять и Турциять ёткса границать ланга.
2. — Стихне казьфт поэтть нянянцты — Арина Родионовнанди.