Виенц керозе,
Нужась, простудась
Сельмонц нельгозе.
Тяни покодемс
Эрьгац аф сатни,
Кувать паксяса
Афи ащекшни.
Вов и тянинге
Аванц мельге тусь,
Озась межать лангс,
Идь нюрямнять ваксс.
Кармась уфкснема,
Аванц учсема,
Мзярда танга сон
Кеподи нума.
— Кулхцонтта, аля, —
Авац корхтазевсь, —
Корхтайхть, козятнень
Эряфсна сязевсь.
Бта сокайхне
Волгать малава
Кармасть бояронь
Модань явома.
Корхтайхть, сокайхне
Шавихть баярхнень,
Види-сокайнь
Вийнь салайхнень.
Йотай недялять
Якань Ляй вели,
Эсь сазорозень
Кресналянц пяли.
Пуромксснон вакска
Тейнь савсь ётамс...
Ух, аш виезе
Пяк лацкас корхтамс.
Пуромксса корхтасть
Салаюфть колга,
Кона кяждонза,
Конань пряц нолдаф.
„Саты кирдеме
Кяжензон эса!
Айда пенц сатсаськ
Велень келеса.
Керсаськ вирензон,
Моданц явондсаськ,
А сонцень ляйге
Алу ведть нолдсаськ“,
Вов тяфта, аля,
