Page:Колхозонь эряф 1940-03 42стр.jpg

---

---

40	М. Безбородов

---

---

 

(Пропкась ёрдасы газетать,
фатясы Каворсь и морафты)

КАВОР

 

Пьянця Пропкать
Колга кафта-колма валня.
Труд шинь ланкс сон рамси стопкат,
Сускомс куя тувонь палня.
Сяс и Келюфнень, Седойхнень
4—5 сятт труд шисна.
Колхозникнень, паксянь геройхнень,
Сядонь-пялень. Сяс и кшисна
Аньцек тундать малас сатни.
Пизось кеме. РКК-ти
Шарфтомс мяль.

 

(Сембонди)

Сембе. Кулесть? Кода, пара?

СЕДОЙСЬ

Вов тя да.

КЕЛЮ

Тя вов карась.

ТОМ

Арьсесть, мезе тяни тиемс?

ПРОПКАСЬ

Улемс анок. Пяк аф пелемс.
Газетась мокшень, тя пяк пара.
Районць аф шарьхкодьсы. Тоса
Мокшекс лувихть аяш. Саламс
Ляды экземплярхнень. Косот?

ТОМ

Сави ласькомс школав.

ПРОПКАСЬ

Кулят велева аф нолямс.
Газеттнень машфтомс.

СЕДОЙСЬ

А райкомсь?

ПРОПКАСЬ

Тоза анокламс Нувайть.