| ВАНЯ
|
Васькафнят, минь саме марса куду.
Содак, сими кельгиняце, сюдуф.
|
| (Нувайти)
|
Келюсь, Зафур, тапарядязь сембонь.
Сембонь, кие ётнесь вакска...
|
| МАТЯ
|
Сюцить Ваня, сюцить лацкас,
Ату прокс синь ваяхть лебоньц.
|
| ЗАФУ
|
Келюсь партияти ащи кандидатокс,
Кода стане каршезонза молемс?
|
| ВАНЯ
|
Зафур, ётась пингонь катоть
Сякокс мялец пакарьхть поремс.
Кда максомс сембе руководствать,
Кода тячимс, Келюнди, Седойти,
Сави эрямс тееньк лоткса,
Кие калма шуви сире койти.
А кода партияв сувась сон,
Сянь колга КК-ти максонь...
|
| НУВАЙСЬ
|
Васькафнят, сон коммунистсь тя пинкнень.
Аф митянза...
|
| ВАНЯСЬ
|
Келю? Афи фатят!
Но минь оржат сельмонеке минцень.
А нувазне сатфкст аф сатат.
|
| МАТЯ
|
Ванцть синь Келюнь, Пропкать лангс,
Лезкс колхозти учсесть ширдест.
А тевса, ванольхть, мезе кандсть?
|
| ВАНЯ
|
Кадсть жувататненди ирдест.
Штоба сяземс омбоце тундать,
Синь исть каяфт фкявок видьме.
Зафурсь «кеме» пиксс кундась:
Фкявок кярядоц аш кильдемс...
|
