Ляйге, вишке шудить каршес,
Сембе вийса уян таза;
Аньцек кальдявста пяк шаштан,
Мярьгат, повонь фкя вастс тяза!
Ляй трваса, каршесон монь,
Кузня комси, люкси фалу.
Панян мон венчть эса...Пади
Ведьатясь усксаман фталу!
Ожка, паньца, паньца венчть мон!
Вов сон тусь...волнатнень кады,
Уи, чопафни синь эзгаст —
Тяни фталу кузнясь ляды!
Ожка, паньца, паньца венчть мон!
Мзярс азонкшнень ня валнень,
Вишке ляйть эзга ни меки
Венчкять эса алу валгонь.
Ой, ой, нинге тяка вастса
Шары венчезе монь...потай.
Комболдазь нюряйхть волнатне,
Сайхть и туйхть синь фкя-фкянь йотазь.
