Мархтот, муза,
Тонь — хоть коза...
Аньцек виршат [1] мимс аф кучсетяма
Базару и рамайхть аф учтама.
Мархтот мора
Валом моран:
Хоть аф оцю фальшаньке минь ули —
Кивок сонь аф содасы, аф кульсы.
Рахсесаськ сонь лацкас, пакарь вакска,
И тетрадьса вишкоптьсаськ эсь ваксстонк
Толнять минцень
Од каминцта...
Курок, курок (тянди мон пяк кеман)
Сяфтяма минь сяда вишке тема,
И поэмась,
Сай врема,
Няфти равжа шамаснон ханжатнень,
Паразиттнень, суски пяк унжатнень,
Конат рахазь потьнихть ломань верда,
Няфти ломань, конань эса керы
Фалу якшамсь, вачашись и горясь,
Кона райса паваз учемс ёрай...
Аф митя тонь, муза —
Тя тонь мялезт туза!
