Кона пиксосы, Корхтайхть; — стаданьконь Мезса идесы? — Стадань ваномда Кирдезь сёронянц, Максозь баярти Стирьнянц Полюнянц. Сюдуф постуфкять Сярядсь сединяц, Куломшка ужяль Кельгома идняц. Веледа велес Атясь яксекшесь, Кенкшка, вальмава Кшинят анцекшесь. Веле пеняти Шава лядсь куднясь, Шава паксяти Кулось атянясь. Шинясь валдопни Олаф шаманянц, Тишесь кяшезе Солаф ловажанц.
Кизонда шинясь Псиня, валдоня, Морай менельса Мази нармоння. Нармонь мороти Полюсь аварди, Кинди пеняцяй, Горянц азонды?: Стакаль тейнза Баярть паксяса Сери розь нумась, Стак работамась. Нуй сонь вакссонза Сире бабаня, Корхтай Полюти Йофси саворне: — Стирняй-мазиняй Эздон тят пеле, Монга тонь лацот Улень од стирня. Нинге ёмлалень Кулось алязе,
