Page:Колхозонь эряф 1939-05-6 26стр.jpg

From Wikisource
Jump to navigation Jump to search
This page has been proofread.


 Г.  Ельмеев.
 
Сталинти

Шиське монь лангозон
Пейдезня ваны,
Сьормады кядезьти
Йорясь лучат.
Эх, и мон келькса
Шить золотань валдонц,
Седезе радостти
Мяштьсон стукась.
Кефкие киза мон
Эрянь нужаса,
Попонь малитватне
Седизень порсть.
Тяни мон сьормадан
Панчфнень кучкаса,
Сьормадан радостнай
Мокшень од морхт.
Сьормадан паксетнень,

Ляйхнень и вирьхнень,
Конат трудяйхненди
Вечна синь максфт.
Сьормадан тяниень
Радостнай стирхнень,
Сталинонь садса синь
Мархтон монь кассть.
Лиеда, валне, тинь
Киньте аф перяф,
Азода Сталинти
Кельгома вал.
Тись сон трудяйхненди
Павазу эряф.
Дуцятнень фталда сон
Штафтозе валдть.

1938 кизоня.
 


Ник.  Лушкин.
 
Тялонда

Куттнень инголи и фталу,
Шуфттнень пряс и коза повсь,
Вишкста пизесь вярде алу
Вата лаца — акша ловсь.
Марнек акша: паксясь, велесь,
И лугась, и сембе вирсь.
Модать вельхтязе ловсь келес,
Шиське ламошкада кирсь.
Марнек удыхть вирсь и шяйсь,
Поюсь, тумось и исась.
Эчке эйста вельхтясь ляйсь —

Ширезонк минь тялось сась.
Вишкста чокайхть кузенцяса;
Кшнитнень эждьсынь палы седсь.
Мянци, тапай кшнитнень тяса
Таза кядьсонза кузнецсь.
Плугат пети, мянди шинат,
Штоба аньцек тундась сай:
Нолдамс паксяти машинат,
Сявомс оцю урожай!

1939  к.
Retrieved from "https://wikisource.org/w/index.php?title=Page:Колхозонь_эряф_1939-05-6_26стр.jpg&oldid=851366"