| ГЕРОИНЯ-ЛЕТЧИЦАТНЕ |
| ПОЛИНА ОСИПЕНКОСЬ, ВАЛЕНТИНА ГРИЗОДУБОВАСЬ, МАРИНА РАСКОВАСЬ[1] |
Октябрть 27-це шистонза Москусь горячайста и радостнайста приветствовандазень замечательнай советскяй летчицатнень Валентина Гризодубовать, Полина Осипенкоть и Марина Расковать, конат „Родина“ самолетть лангса блестящайста пяшкодезь Моску — Дальняй Восток перелетть.
Мирса фкявок ава нинге ашезь тиенде тяфтама полет! 6450 километрат йотасть отважнай летчицатне-героинятне маршрутть эзга, 5947 километрат — видеста. Международнай рекордсь, кона ульсь тя пингс, йотаф пцтай фкя и пяле мархтоксть.
Героическяй перелетть тиеманкса, международнай рекордонь тиемать и тянь пингста няфтьф мужествать и выдержкать инкса летчицатненди присвоиндаф Советскяй Союзонь геройнь звания Ленинонь орденонь максома мархта.
Слава героическяй летчицатненди, конат честь мархта пяшкодезь сталинскяй заданиять!
Шумбра улеза минь большевистскяй партияньке, конац воспитал тяфтама героинят, кода Гризодубовать, Осипенкоть и Расковать!
- ↑ На фото героини-лётчицы располагаются в обратном порядке: слева — Марина Раскова, в центре — Валентина Гризодубова, справа — Полина Осипенко. — Примечание редактора Вики-библиотеки.
