| 3-це сценась
|
| КОМАНДОРТЬ ПАМЯТНИКЕЦ
|
| Дон Гуан
|
Тевозе монь тяни сяда цебярьгадсь:
Аф нарошна Дон Карлосонь шавомок,
Кяшень се отшельникокс мон сятявнякс —
И тяни няендьса сяс эрь шиня
Мон пяк мазы эсь в‘давой авазень,
Сонга, теень арам, варжакстсь монь лангс. —
Аердчнемя тячить самс минь фкя-фкада;
Но саты: — тячи карман кортама.
А мезьста ушедса шта? „Смедондан“...
Али аф: „Сеньора“... ба! мезы сай
Эста прязон, сянь и азса, апак
Аноклакшнек — кельгинь моронь ладьцикс...
Пингя теенза и самска, улема.
Соньфтемонза — теень арам — скучна
Командорти. Кода таза ломанькс
Тяса няфтьф сон! Лафтувонза кодамт!
Мезень Геркулес! А сонць покойниксь ульсь
Аньцяй ломання и лафча ваймоня.
Тяса, пильгя сур пря лангс хоть стяль сон,
Сяка афоль сата кядец шалконцты.
Мзярда васедемя Ескурьялть минь фтала,
Пезсь сон шпага пезон апак тыжмордт,
Бта ведь казась булавка пети;
А ульсь сон кяжи, прянь няи, и смел.
А! Вов и сонга сась.
|
| (Сувай Донна Анна).
|
| Донна Анна.
|
Сон тяса тага. (Дон Гуанонди)
Отец, мон шорьсян теенть арьсекшнемс —
Простиндамасть.
|
| Дон Гуан.
|
Прощенья анамс теень
Эряви тинь кядьстононт, Сеньора,
Пади, ризфонтень ризнаманц шорьсеса...
|
| Донна Анна.
|
Аф, отец, монь ризфозе эсь эсон,
Пингстононт тинь менельти монь кепеди
Озондомазевек — тиньгя — эняльдян
Шовордасть эсь вайгяленгень теенза.
|
| Дон Гуан.
|
Теень, теень озондомс тинь мартононт
Донна Анна! Аш монь тяшка паваззе.
Ашень лись мон ендя, штоба мельганонт
Мотерьфтемс эсь модяряф трвасон
Тинь святой молитвантень: — мон аньцек
Ичкозде, ужяльдезь, кельгозь ванондан
Лангозонт тинь, мзярда тинь, прянь комафтозь,
Срафнетяда олаф мраморть лангса
Равжа шяярентень — да и арьсян:
Салаваня ангел сась тя калмоть лангс.
Озондомась коданга аф педи
Смутендаф монь седиезти. Дивандан
И арьсян апак каштордт: павазу
Кинь кельме мраморонц сон эждезе
Шкаень ваймя пожфсонза, и валозе
Кельгемань та сельме ведьса.
|
| Донна Анна.
|
Валхне
Страннайхть кодамот!
|
| Дон Гуан
|
|
|
| Донна Анна.
|
|
|
