Шинясь кепсесь вирьнять фталда,
Солсесь тялонь акша ловсь.
Веттне мяньцть-ни эйхнень алда,
Марявсь тундань ведень жольфсь.
Лугась валовсь шада ведьса,
Шамац аруняста штавсь.
Атясь калнят кундась сетьса.
Церась яксярьгоня шавсь.
Шинясь пеедьсь, менельсь сенемсь.
Уфсесть лямбе варматне.
Лугаса пиже тишесь венемсь,
Парста морсесть нармоттне!
Штоба тишесь курок лядемс,
Лац урядамс — путомс срокт.
Фкя-фкянь етазь тефне ладямс
Кярьмодема тяньди прокс.
Колхозть омбоце бригадац
Лиссь луга лангс лядема.
Атять ашель мялец илядомс
Сон юкстазе лядомать
Вана няйвихть труженникне —
Лядихть таза алятне
Мельгаст моразь страфнихть рядтнень
Стирьхне — акша палятьне.
„Эй, Иван, тон мес илядоть, —
Ювадьсь Мишась Ваняти
„Вантта мзяра тише кадоть
Няфнесь Митясь Васянди“.
Тишеть лядезь колма шиста
Сяка пингста-же прдазь,
Тишень анокламать вишкста
Син колхозсост шумборадазь.
| 
