Сембе журналхнень, газетнень и сембе национальнай литератураса сатомшка васта макссеви и минь обороннай работанеконденгя минь Мокшэрзянь областень условиясонок.
Боевой политическай тонафнемать, Якстерь армиять эряфонц и бытонц, сонь боецонзон социалистическай строительстваса работамаснон, минь Якстерь армиянь резерванеконь — осоавиахимонь организациять работанц колга боевой очеркт, стихть и расскаст — улендихть печаца и национальнай литератураса.
Васеньце инь цебярь организаторкс обороннай литературать пуроптомаса арси „КОЛХОЗОНЬ ЭРЯФ“ журналсь.
Якстерь армияв призывть, переменникнень учебнай сборснон „Якстерь армеецнень семьяснонды льготатнень, эряйхнень сембе военнай подготовкаснонь колга работать, Осоавиахимонь лагернай учебать, минь Якстерь армиянеконь эряфонц, бытонц и техническай кеме шинц и социалистическай строительствати сонь лездоманц — сембонь тянь „КОЛХОЗОНЬ ЭРЯФ“ журналсь, эсь вете кизонь работастонза пяк цебярьста, большевикокс няфнезе эсь страницанзон ланкса.
Но эряви азамс, што журналсь ниньге аф пяшкочнесыне сембе нят вешфкснень, конатне путневихть партиять и Якстерь армиять мархта художственай обороннай литературань пуроптомаса, но киндингя аф сьопови ся факць, што сон тийсь пяк оцю аськолкс минь Якстерь армиянеконь кемокстама тевса, сембодонга пяк минь Мокшэрзянь автономнай областеньконь обороноспособностенц кемокстмааса*.
„Колхозонь эряфть“ вете кизонь юбилейстонза журналти и сембе сонь сотрудниконзонды минь кучтама якстерьармейскай спасиба.
ВОЕННАЙ
| Паронь арьсема. |
„Колхозонь эряф“ журналть вете кизонь топодеманцты ингольде тевонь молеманцты арьсян виияма и сядонга пек касома.
Вете кизонь пинкс „Колхозонь зряфсь*“, инголи „Валда Ян“ лемса лисеньдись ащесь мокшонь культурань ды соцыализмань строямань касфтыкс. Вете кизот кода сон ульсь кода ванома, коса няевсь и няеви мокшонь культурать касомац. Сон, тонафнемазь кулакть мархта тюреме, од эрямань соцыализмань строяма; сьормадомонга тонафнемазь — мокшонь кяльса корхтама.
Надиятама, што инголинге, коммунистонь партиять вятемаса „Колхозонь эряф“ журналсь кармай тонафномонок колхозань эряфть ладяма, марстонь тевонь тиеме, социализмань строяма. Виияфцы и вяри кепоцы мокшонь кяльса литературать.
И. ЧЕРАПКИН.
5
