Page:Валда ян 1931-12 03стр.jpg

СВЕТЛЫЙ ПУТЬ Декабрь ков 1931 к. № 12.

Сембе масторонь пролетариатне, пуромода марс! ⁠Эрьковонь общественно-полити- ческай и вель.-хоз. журнал. Нолдаец ⁠Мокшэрзянь ВКП(б)-нь обкомсь, облисполкомсь и облпрофсовець.

---

ленинтть знамянц ала вишкста кярьмот-
тяма болЬшевиконь колмоце тундати
аноклама.

краень сембе колкосненди, ударнай колхозонь краевой слетть
обращенияста.

Колхозник ялгат!

М

алачни тундань видимась минь крайсонок кармай йотафтома од условияса. Сплошной коллективизациясь райотнень ламоснон эса шумордаф. Кулачествась кода класс основнойста машфт. Колхознай, марстонь труць тевса няфтезя цебярь ширенц. Тяддень тундань видемати минь суватама содама шинь (опытонь) мархта

Тяддень тундань видемать крайнеськя васьфнесы стака условияса. Минь кальдявста шачсь сьороньке, конань коряс стакалгафневи тевсь видьмотнень мархта. Лама колхозга афсатнихть видьмотне, лафчста ащи тевсь механическай и живой ускси вийть мархта. Вов мезень инкса, тейнек эряви инь цебярьста, сембе вийса анокламс колмоце большевиконь тундати

Минь ударнай колхозонь председательхне пара мяльса васьфнесаськ Хатаевичень лемса колхозть ушотксонц, кона примась тундань видемати развернутай план. Тянь эряви йотафтомс сембе колхосненди.

Колхозонь трутть цебярь шинц инкса.

Т

яддень тундань видемань кампаниять, минь крайсонок колхосненди, конат фатязь 3/4 талекада лама сьора види хозяйства, эряви йотафтомс тюрезь колхознай трутть цебярьгафтоманц инкса

Минь урожайнекя ниниге йомла. Вов мезень инкса, тяни мзярда сплошной коллективизациясь основнойста шумордаф, минь инь оцю задачаньке, тюремс сьороть шачеманц инь оцюста касфтоманц инкса Аф эряви мзярдонга юкснемс сянь, што трутть цебярь шинц инкса тюрезь сьоронь шачемать касфтоманц инка тюрезь, минь кемокснесаськ эрь колхозть, эрь колхозникть положениянц.

Мезе ся тюремась трутть цебярь шинц инкса? Тя ся, што тейнек эрявихть содамс и йотамс агроминимумть эзда агротехническай наукать сядонга оцю вешксонзонды. сядонга оцю кизефксонзонды. Тянди тейнек эрявихть одукс анокламс колхознай производствань вастонь (низовой) командирхнень. Минь пуропнетяма зсь колхозганок курст полевоттнень бригадирхнень звеньянь руководительхнень видихнень, сокайхнень алашань ваныхнень, табельщиксень анокламаснон инкса.

Тяконь мархта ряц, минь нолдасайнек нюрьхкяня пингонь кувалма курсонь и конференциянь пачк сембе колхозникнень.

Кирьдемс ловть 50-70-нь проценц

А

гротехническай тевть эса, оцю вастокс, ащи паксяса ловонь кирдемась. Минь лифнетяма васедикс план йотафтомс ловонь кирьдемать аф 25 проценц сембе витцеви паксять ланкса, кода мяьгонди крайсполкомсь, а 50—70-нь проценц.

Ловонь кирьдемати тейнек эряви анокламс тяниок, сувафтомс тя тевть йотафтоманцты сембе вийхнень, йотафтомс эряфс сембе возможносттнень тя тевть пяшкадеманц инкса.

Качествать инкса тюремась анай минь ширденок штоба эсь пингова йотафтомс работать видьмотнень эсь пигова* анокламасоон* инкса. Лама видемань паксяс йотамась и специализациять сувафтомац арси инь оцю тевкс эрь колхозть инголя.

Тундань видемать тейнек эряви йотафтомс трутть цебярь ширенц касфтомать инкса. Тянь инкса эрь колхозникти эряви пачфтемс, што минь выработкань норманьконь коряс, трудо шинь путомста кармай лувондовома аф аньцек путф труць но и сонь цебярь ширецка. Кальдяв работанкса трудошинь путомась ули йомлалгафтф, а цебярь работанкса касфтф.

Пуропттама видьмонь фонда большевиконь видемати

С

я сталмотнень колга, конат улихть минь видьмотнень мархта, содасы, эрь колхониксь*. Катк эрь колхозниксь содасы, што ня сталмотне машфтовихть аньцек эсь виеньконь вельдя. Надиямс видьмонь лезксонь получамать ланкс государствать ширьде, сави аньцек исключительнай случайса. Тейнек аф лоткамс мезеньга инголя и пуроптомс видьмонь фонтт, афлотксемс нылхтай эсь продовольственнай фондать кирьфтаманц инголя. Тянди минь тернетядязь колхозник ялгат! Сяс колхоснень эса, коса аф сатнихть видьмотне, каямс 10—20 процент продовольственнай фондать эзда колмоце большевиконь тундань видемати. Хатаевичть лемс колхозсь тиезя тянь, и сонь мельганза эряви мольмос лия колхосненди.

Колхосненди, конатнень сатомшка видьмодост, эряви максомс лезкс ся колхосненди, конатнень видьмосна аф сатнихть. Волгать, эзда види кядь ширеса ащи райоттненди, коса сьорось шачсь цебярьста, эряви максомс видьмонь лезксь кяржи кядь ширень райоттненди.

Но кочкамс видьмотнень ся ниньгя кржа. Эрявихть синь анокламс, йотафтомс синь ароптомас-