Пильсуцкайсь пуропни война С.С.С.Р-ть ланкс.
Германскай „Монтагс Пост“ буржуазнай газетась сьормады, што Пильсуцкайсь пуропнесь совещание Парижса французскай и английскай военай крукнень эзда.
Пильсуцкайсь азозя, што касы угроза С.С.С.Р-ть ширеста вете кизонь плантть вишкста пяшкочнеманц мархта, а сяс и макссь предложение сувафтомс антисовецкай фронту Литвать и Венгриять, и тиемс сянь, штоба Германиясь кирьдель апак тюрьхть, ащель фкя лаца. Пильсуцкайсь макссь предложение, штоба Германиясь эсь масторонц ланга нолдалезень военнай груснень Польшав и штоба германскай промышленносьць активнайста работаль оружиянь анокламста, штоба лездоль Польшати. Пильсуцкайсь азозя, што тянкса сон анок максомс мезе-мезе Германияти.
Газетась сьормады што Пильсуцкайсь нят предложнтнеьня е, кучезень Германияв оцю промышленностень кирьдихненди.
Газетась сьормады: „Польшась сяда вишкста и кемоста вооружение вяти С.С.Р-ть* границанзон тейса, сяда лафчста Германскай границатнень маласа. Восточнай ширеса (С.С.СР.-ть маласа) тиевихть крепостть, ладцеви од артилерия, кона саф францияста.
Китаень Якстерь армиясь шави генералонь войскатнень эса.
Гоминданскай буржуазнай газетатне азонцазь синьць, што генералонь войскатненди ашесть шавов якстерьхне наступлениянь ветемста.
Якстерь войскатне тийсть оцю поражение нанкинскай войскатненди, конат ульсть вачкафт эрявикс припасса и тюрьсть германскай офицерхнень рукаводстваснон вельдя.
Якстерь армиясь сявсь пленц 20 тьожянь ломатть, сявсьь 7 орудият, 50 пулеметт, 40 бомбометт и лия военай оружият. 18-це дивизиясь командирнек-марнек повсь пленц Якстерьхнень шири.
Хунань и Хубейскай Совецкай райоттне кассть сяда оцюста.
Германияса.
Гамбургса кепоцть забастофка портовай рабочахне.
Реформистне сембе вийса тяряфтыхть сяземс забастофкать и согласиндасть примамс третейскай решениять, кона кирьфтай зарплатать эса Реформисттне надияхть полициять ланкс. Забастовочнай комитетонь помещениятнень эса полициясь тийсь вешендемать. Лама помещение занясть полицейскихне. Забастовочнай комитетонь члеттне арестовадафт. Арестовандаф 25 портовой рабочахть.
Бременаса ульсь портовой рабочаень пуромкс, коса гамбургскай рабочайхнень сообщенияснон коряс лифцть путфкс тиемс забастофка.
