| Шумбра шинь ванфтома тевсь мокшерзянь окрукса |
АТЯШЕВСКИ районца, Вечерлейски велеста больницась 1929/30 кизоть ушадомста сявомок касфневи 5 койкас.
Сяка же районца туберкулезнай диспансерть эса Июнь, Июль и Август кофненьди, пуропневи 30 койкаса идень площадка. Тя площадкаса улихть тонафнефт волчанкань урматне. Тяда башка волчанка урмаса сярядихнень кармахть башка лечиндамость. Площадкать строяманцты Наркомздравсь макссь 1000 цалковай и нинге облазсь максы 2600 цалковай Тяфтама площадка аньцек васенда цанчсеви мокшерзянь окрукса.
АЧАДОВСКИ районца Ширингужса строямда аделаф районнай больница. Больницаса марнек ули 30 койка. А тяни нинге панчф 10 койкат.
ДУБЕНСКИ районца, тя кизоста сявомок, ушотф строявма больница, кона аделави строямда 29/30 кизоня. Больницась строяви мекпяльдень санитарнай техникать науканц коряс 30 койкас. Сяка—же районца панчф пункт первой помощи, кона кармай вятема шумбра шинь ванфтома работа велень и вирень хозяйствань рабочахнень и батракнень йоткса.
ЗУБОВО—ПОЛЯНСКИ районца. Малышевонь больницась касфневи 5 койкас. Тосаже панжови пункт помощи.
КО3ЛОВСКИ районца, Покровски больницась касфтови 7 койкас.
КОЧКУРОВСКИ районца. Строяви од больница 12 койкас, кона ули панчф октябрь ковста сявомок 1929/30 кизоня.
РЫБКИНСКИ районца. 1929/30 кизоста сявомок панжови трахоматознай пункт. Тя пункца кармахть лечиндама трахома урмаса сярядихнень.
ТЯДА БАШКА МАРНЕК ОКРУКТЬ ЭЗГА, тя кизоть панчфт: Иденьди и аванди консультацият.
Май ковста сявомок окрукть эзга кармахть работама кота, сельмонь пчкафтома отрядт и кафта отрядт венерическай урмань пчкафтома отрядт.
Нят отрядтне кармахть работама марнек окрукть эзга, а васенце очереца мокшерзянь велетнень эзга, коса улихть сярядихть сельмя и венерическай урмаса.
| Редактор: И. В. Шотин |
| Издатель: Мордовский окружком ВКП(б) и Окрисполком |
| Окрлит № 264 | Тип. „Красный Октябрь“ Морд. Окр ОМХ | Тираж 3500 |
