Jaz keler me?

From Wikisource
Jump to navigation Jump to search
Jaz keler me?
by Berdaq

Dawıl boldı, u’rgin u’rdi,
Qosımnın’ qamısın tu’rdi,
Duman bastı aspan jerdi,
Puxarag’a jaz keler me?

Tamag’ım joq isherime,
Ko’ligim joq ko’sherime,
To’segim joq to’serime,
Men sorlıg’a jaz keler me?

Ten’iz ashshi, suw sorlıq duz,
Qostın’ ishi bolıp tur muz,
Qattı g’a’zep etip tur qıs.
Qıslar ketip jaz keler me?

Arqam Toqtas, suwı teren’,
Esitpeydi-aw quday geren’,
Aqır zaman usı der em,
Qıslar o’tip jaz keler me?


This work was published before January 1, 1929, and is in the public domain worldwide because the author died at least 100 years ago.