[ 545 ]

Bǎu-lô̤ Gṳe̿ Nă Hǐ-lì-mô̤ng gâ̤ Sṳ́.

Ṳē Iǎ-Sú Gí-Dŭ cō lâu gâ̤ Bǎu-lô̤, iáu hiáng-dī Dǐ-mǒ̤-tuo̿i, siǎ se̿ng gṳe̿ nă uòi cèng o̿ gâ̤, iáu uòi câi-câi ca̿ góng-hú gâ̤ Hǐ-lì-mô̤ng,
Iáu ci̿-mṳē Ngā-hǐ-ngā, gìng iáu uòi câi dó̤ng-béng mà-dio̿ng gâ̤ Ngā-gí-bu̿, gu̿ iǔ da̿u nì chio̤̿-di̿ gâ̤ ga̿u-hō:
Ngṳ̄ing nì giǎng uòi Dá Ciōng-Di̿ iáu Cṳ̌ Iǎ-Sú Gí-Dŭ ŭ-di̿ dă̤-diō̤ áing-hṳ̄ běng-úing.
Uòi sî-sî kă̤-kă̤ do̿-ciā uòi gâ̤ Ciōng-Di̿, gǐ-dǎu gâ̤ sî-hē dú uā kǐ nì gâ̤ dī.
Éng-ṳē tia̿ng-nī-gi̿ng nì séng-di̿ hio̿ng-diū Cṳ̌ Iǎ-Sú, iáu duōi-gá se̿ng gâ̤ hă-sáing, iǔ o̿-séng iǔ se̿ng-séng;
Ngṳ̄ing nì éng-ṳē se̿ng Cṳ̌ bó̤ng-cha̿ing se̿ng hă-sáing gâ̤ dī iǔ gi̿ng-hāu, nă gṳ̀ cèng dă̤-dí nì séng-dǐ gŏ̤ iōng gâ̤ hǎu dī, ciū gṳ́ ě̤ng-iāu nă Gí-Dŭ.
Hiáng-dī à, uòi éng-ṳē nì gâ̤ o̿-séng cèng ka̿u-uòi kúing-séng dă̤-hǎing, éng-ṳē se̿ng hă-sáing gâ̤ séng sī ka̿u-diū nì dă̤-diō̤ úing-lò̤.
Uòi iáu Gí-Dù hō̤ ca̿ ĭ tǐ mǒng gǒ̤ng duōi-dǎng nà e̿ng-gái ca̿ gâ̤ dī gáu-dō nì,
Lâ̤-sī éng-ṳē o̿-séng gâ̤ dī uòi giǔ nì, piāng gáu-dō nì ga̿ing hǎu, nì dă̤-dí uòi Bǎu-lô̤ sī sē nêng, ǐ éng-ṳē Gí-Dŭ Iǎ-Sú cō lâu:
Uòi ta̿i uòi gâ̤ gṳ̌ing giǔ nì, ciū-sī uòi nă sǒ̤-liāu sǒ̤-diū cō lâu gâ̤ sî-hē dă̤ lâ̤ gâ̤, À-nǐ-sái-mǔ,
Gṳ̀ chîng-mâng ēng de̤̿ng nì sǎ̤-ē̤ng, giâ-gíng de̤̿ng uòi liōng nêng sǎ̤-ē̤ng:
Uòi hǎng gṳ̀ da̿u-tê ko̤̿ nì ŭ-di̿, uòi o̿ gṳ̀ su̿-siōng o̿ cù-cī ĭ-búing.
Uòi éng-ṳē dṳ̌ing ŭ hǎu gâ̤ se̿ng-sĭ nă sǒ̤-liāu sǒ̤-[ 546 ]diū cō lâu, uòi báu-bŭ-dă̤ ǐ sê-diū gṳ̀ iáu uòi câi cì-dó ta̿i nì te̿-hē uòi:
Lâ̤ ēng dă̤-dí nì gâ̤ séng-i̿ uòi ēng o̿ iŏ̤ng-gă̤-sĭ ca̿; o̿ nì ca̿ gâ̤ ciáng dī ēng sī gā-lā-mâing, sī ngṳ̄ing-séng ca̿.
Gṳ̀ să-sî-cie̿ piĕ-tiāu nì, mǎu-lō̤ng-dī sī nă nì cì sáing-si̿ dă̤-diō̤ gṳ̀ iáu nì câi cì-dó.
Mài cuo̿i su̿-siōng nû-gě, sī piāng nû-gě ga̿ing duōi, ca̿ děng dă̤-o̿ gâ̤ hiáng-dī, uòi gă̤-ngṳē cèng o̿ gṳ̀, gṳ̀ ca̿ nì gâ̤ nû-gě ǐ sī iáu Cṳ̌ hō̤ ca̿ ĭ tǐ, nì ga̿ing cǒng ŏ̤ o̿ gṳ̀.
Nì lâ̤ chū uòi sī láu nì gōng séng, ciū ciĕ-duòi gṳ̀ su̿-siōng ciĕ-duòi uòi ĭ-búing.
Gṳ̀ lâ̤ iǔ lōng nì iè-kṳ́ ki̿ng nì gâ̤, dú so̤̿ng uòi dio̿ng.
Iŏ̤ng sī uòi Bǎu-lô̤ chéng-siǔ siǎ gâ̤, uòi cǒng ŏ̤ hi̿ng nì: nì ki̿ng uòi gâ̤ ēng-ò̤-cǐ iŏ̤ng duói, gu̿ ki̿ng uòi giù nì lěng-ô̤ng gâ̤ ca̿i, ēng niōng uòi uā kǐ iŏ̤ng gâ̤ dī.
Hiáng-dī à, giǔ nì iáu Cṳ̌ hō̤ ca̿ ĭ tǐ nă uòi ŏ̤ ka̿u-uòi: nă uòi iáu Gí-Dŭ hō̤ ca̿ ĭ tǐ séng-di̿ ŏ̤ úing-lò̤.
Uòi siǎ iŏ̤ng se̿ng gṳe̿ nă nì éng-ṳē cèng se̿ng nì ŏ̤ í uòi, ǐ dă̤-dí nì ca̿ gâ̤, ŏ̤ piāng uòi uā gâ̤ ga̿ing cāi.
Ka̿u nì ta̿i uòi gǐ-dǎu, uòi iǔ siǒng-tê hē-lǎi ŏ̤ cě̤ng uòi ko̤̿ nì ŭ-di̿: nì gu̿ niōng ta̿i uòi o̿-do̿ gṳè-diū gâ̤ sù-cài.
Iáu Gí-Dŭ Iǎ-Sú hō̤ ca̿ ĭ tǐ iáu uòi câi cō lâu gâ̤ Ì-bǎ-hŭ, iáu nì chiǎng-úing.
Gu̿ iǔ iáu uòi câi ca̿ góng-hú gâ̤ Mǎ-kǒ̤, Ngā-lǐ-dă-gǔ, Dǐ-mǎ, Lū-gá, dú iáu nì chiǎng-úing.
Ngṳ̄ing uòi Cṳ̌ Iǎ-Sú Gí-Dŭ gâ̤ áing-hṳ̄ sî-sî kă̤-kă̤ da̿u nì séng-dǐ. Chěng séng sù ngṳ̄ing.

← · [[]] · [[]] →

«Se̿ng-géng» gâ̤ mù-lṳ̀