ჯოღორ ლალჷნდჷ, ფურკი ეურდჷ

by სოსო კაკუბავა

ჯოღორ ლალჷნდ, ფურკ ეურდ
მიკიკაკჷდ ჯალეფს კჷდ
დო ემხვარიშ ნოხორის
ბორია გილეპოტიკჷდ.

ბჟა ეურდ დო ილუურდ
ობზაკალეს ზესქვ კუთანდ,
ამდღა თაში რდჷ, ჭუმან თეშ,
დღა გინძე რდჷნ, სერ კუნტა რდჷ.

ცხაცხუშ მანგო, ოქუმ-წყარც,
ბოგათ ჭყონიშ ჯა გოძჷდ,
გალე თჷნდჷნ, ჩქინ ბუხარს
დაჩხირ მითიბორბონჩჷდ.

აფუნც პეულს გატვიტვანდ,
სიორს ჸუმურს მუს უხარდ
დო დამორჩილს მარდუალი
დიხაშ ლებიშ შურ უნთხანდ.

ჯოღორ ლალჷნდ,ფურკ ეურდ,
ჟამს ბრელ მუთუნ ულამუდ,
დო ემხვარიშ ნოხორის,
ბორია გილეპოტიკჷდ.