*მარტის კაბა სახათეცო

From Wikisource
Jump to navigation Jump to search
please do not remove empty parameters (see the template documentation).
მარტის კაბა სახეთეცო
by სოსო კაკუბავა

      
მარტის კაბა სახათეცო
ქუმკოუქუნუ ოდიშიშა,
თეშ მაჯინე გაბჩემებექ,
ჭიჭე მემიძ ბორდიშიშა.

თი სისქვამე, გოლვაფირო,
ოხვამურ დო ოჸოროფე,
მა მაღრიბის ბგორუნდინი,
ინგერ-პიჯის, ამარ, ჸოფე.

ამარ ჸოფე მაფშალია,
დიდ ჸოროფათ გური ჭვილი, -
ვარია უწუ ჸოროფილქჷნ,
გურ ამდღათ ვაფ ეკორდილი.

სიორ ვათხუ ჸუმურიშ ჯას,
ჸუმურიშ ჯა ხათეცი რე, -
მითინ ვაკო, თიშ იქილე
თოლშა მითინ ვამაძირე.

ვამაჯინე მათ უგურეთ
ეფუნაფილ აფუნიშა,
ვამაგორე ჸოროფაშენ
კირდეშენო სხაპუნ თიშა.

დიხას - წყარი, წყარს - პეული,
პეულს - ცა და ცას - ჩხორია -
ჸოროფილ გაფ, სი ქჷგგალე,
ქუგოკონდა, განჭყორია!”