ᠰᠠᠨ ᡯᡳ ᡤᡳᠩ ᠨᡳ ᠪᡳᡨ᠌ᡥᡝ
| ᠰᠠᠨ ᡯᡳ ᡤᡳᠩ ᠨᡳ ᠪᡳᡨ᠌ᡥᡝ᠈ |
| 三字經 |
ᠨᡳᠶᠠᠯᠮᠠᡳ ᡨᡠᡴᡨᠠᠨ ᡩᡝ᠈ ᠪᠠᠨᡳᠨ ᡩᠠᠴᡳ ᠰᠠᡳᠨ᠈
ᠪᠠᠨᡳᠨ ᡳᠰᡥᡠᠨᡩᡝ ᡥᠠᠨᠴᡳ᠈ ᡨᠠᠴᡳᠨ ᡳᠰᡥᡠᠨᡩᡝ ᡤᠣᡵᠣ᠉
ᡠᠨᡝᠩᡤᡳ ᡨᠠᠴᡳᠪᡠᡵᠠᡴᡡ ᠣᠴᡳ᠈ ᠪᠠᠨᡳᠨ ᡠᡨᡥᠠᡳ ᡤᡠᡵᡳᠮᠪᡳ᠈
ᡨᠠᠴᡳᠪᡠᡵᡝ ᡳ ᡩᠣᡵᠣ᠈ ᡥᡳᠩ ᠰᡝᡵᡝᠩᡤᡝ ᠸᡝᠰᡳᡥᡠᠨ᠉
ᠰᡝᡳᠪᡝᠨᡳ ᠮᡝᠩᡯᡳ ᡳ ᡝᠮᡝ᠈ ᠠᡩᠠᡴᡳ ᠪᡝ ᠰᠣᠨᠵᠣᠮᡝ ᡨᡝᡥᡝᠪᡳ᠈
ᠵᡠᡳ ᡨᠠᠴᡳᡵᠠᡴᡡ ᠣᠴᡳ᠈ ᡨᡝᡥᡝ ᡳ ᠰᡳᡵᡤᡝ ᠪᡝ ᠯᠠᠰᡥᠠᠯᠠᡥᠠᠪᡳ᠉
ᡩᡝᠣ ᠶᠠᠨ ᡧᠠᠨ ᡩᡝ᠈ ᠵᡠᡵᡤᠠᠨ ᡳ ᡥᠠᠴᡳᠨ ᠪᡳᡥᡝᠪᡳ᠈
ᠰᡠᠨᠵᠠ ᠵᡠᡳ ᠪᡝ ᡨᠠᠴᡳᠪᡠᡵᡝ ᠵᠠᡴᠠᡩᡝ᠈ ᡤᡝᠪᡠ ᠶᠣᠣᠨᡳ ᠠᠯᡤᡳᡴᠠᠪᡳ᠉
ᡠᠵᡳᡶᡳ ᡨᠠᠴᡳᡵᠠᡴᡡ ᠣᠴᡳ᠈ ᠠᠮᠠ ᡳ ᡝᠨᡩᡝᠪᡠᡴᡠ᠈
ᡨᠠᠴᡳᠪᡠᡵᡝ ᡩᡝ ᠴᡳᡵᠠ ᠠᡴᡡ ᠣᠴᡳ᠈ ᠰᡝᡶᡠ ᡳ ᠪᠠᠨᡠᡥᡡᠨ᠉
ᠵᡠᠰᡝ ᡨᠠᠴᡳᡵᠠᡴᡡ ᠣᠴᡳ᠈ ᠰᠠᡳᠨ ᠨᡳᠩᡤᡝ ᠸᠠᡴᠠ᠈
ᠠᠵᡳᡤᠠᠨ ᡩᡝ ᡨᠠᠴᡳᡵᠠᡴᡡ ᠣᠴᡳ᠈ ᠰᠠᡴᡩᠠᡴᠠ ᡩᡝ ᠠᡳᠨᠠᠮᠪᡳ᠉
ᡤᡠ ᠪᡝ ᠴᠣᠯᡳᡵᠠᡴᡡ ᠣᠴᡳ᠈ ᡨᡝᡨᡠᠨ ᠪᠠᠨᠵᡳᠨᠠᡵᠠᡴᡡ᠈
ᠨᡳᠶᠠᠯᠮᠠ ᡨᠠᠴᡳᡵᠠᡴᡡ ᠣᠴᡳ᠈ ᠵᡠᡵᡤᠠᠨ ᠪᡝ ᠰᠠᡵᡴᡡ᠉
ᠵᡠᡳ ᠣᡥᠣ ᠨᡳᠶᠠᠯᠮᠠ᠈ ᠵᡳᠩ ᠠᠰᡳᡤᠠᠨ ᡳ ᡶᠣᠨᡩᡝ᠈
ᠰᡝᡶᡠ ᡤᡠᠴᡠ ᡩᡝ ᡥᠠᠵᡳᠯᠠ᠈ ᡩᠣᡵᠣᠯᠣᠨ ᠶᠠᠩᠰᡝ ᠪᡝ ᡠᡵᡝᠪᡠ᠉
ᡥᡡᠸᠠᠩ ᡥᡳᠶᠠᠩ ᡠᠶᡠᠨ ᠰᡝ ᡩᡝ᠈ ᠰᡝᡴᡨᡝᡶᡠᠨ ᠪᡝ ᠸᡝᠨᠵᡝᠪᡠᠮᡝ ᠪᠠᡥᠠᠨᠠᡥᠠᠪᡳ᠈
ᠨᡳᠶᠠᠮᠠᠨ ᡩᡝ ᡥᡳᠶᠣᠣᡧᡠᠯᠠᡵᠠ ᠪᡝ᠈ ᡝᠵᡝᠴᡳ ᠠᠴᠠᠮᠪᡳ᠉
ᡴᡠᠩ ᡰᡠᠩ ᡩᡠᡳᠨ ᠰᡝ ᡩᡝ᠈ ᡧᡠᠯᡥᡝ ᠪᡝ ᠠᠨᠠᡥᡡᠨᠵᠠᠮᡝ ᠪᠠᡥᠠᠨᠠᡥᠠᠪᡳ᠈
ᠠᡥᡡᠨ ᡩᡝ ᡩᡝᠣᠴᡳᠯᡝᡵᡝ ᠪᡝ᠈ ᠨᡝᠨᡝᠮᡝ ᠰᠠᠴᡳ ᠠᠴᠠᠮᠪᡳ᠉