ჰე,ბაბაია
Jump to navigation
Jump to search
თოლიშ ონჭაფუ გოშქვართელე მოვირვილერი,
გეგნოჸვინთელე ოშა–გოშა შიშკა ბაია,
აკა აგაფა კინახონათ ევარვალერი,
ჰე, ბაბაია, ჰე, ბაბაია.
ჭურაშ კისერი ხარხუნტელი დო მოკარკალე
ხურხის რხიოლი, მუ უზიმუ ოტომბაია.
ჩელას დო ბუსკას ცაშ ლაკვშორო ქეუკარკალე,
ჰე, ბაბაია, ჰე, ბაბაია.
ცაშე ცჷმ ჭვათანს, ბჟა ცარიატას გილენაველუ,
ა, დედაჩიაშ ორზოლი, დო ა, ბაბაია.
ელაპოეტე ქელაჸუნუ ოჩეს მეველე,
ჰე, ბაბაია, ჰე, ბაბაია.
ბაიაშფერი ჩქიმ სითელე სქანი სანთელო
ქუგალუაფუ ალაზონი თელა ბაიას,
დო დიფარფალუ ბუცუციაცალი ნოთელო.
ჰე, ბაბაია, ჰე, ბაბაია.