სისმარ ცხადო გემჸუნი!
Jump to navigation
Jump to search
მაღალი დო კისერშიტა,
მუ თანგით რე ენაჭკირა,
ჩქიმი გურიშ მაჸვილარო,
მუ დიდაში ენარჩქინა.
მიკე–მიკე გორთხოზჷქ
მარა ვაბძირ სქანდა შარა.
გურიშკარი დოიკჷლუ დო,
ჭიჭე გამკანჯი, ვაგმანწარა.
თუთარჩელა უკმელა რე,
მუნაფილი ბჟა დო ჩხანა
სქან გორუას დობშურდი დო
გჷშასარსილ მაფუ ჭყანა.
ართშა დუდი ქჷმოძირე,
ქჷგმოგონე სქანი ხუმა,
ჩქიმ კჷლეშა დუდი გეიძჷდ,
თაში გიმასისმარ ღუმა.
სისმარ ცხადო გემიჸუნი,
სი მართალო ვაგმანწარა,
ვარდა ქოიფურინჷნქ შორშა,
უკული მა სი ვეკმანგარა!