სერი, ბორია, თუთა
Jump to navigation
Jump to search
| სერი, ბორია, თუთა. by |
| გინმათანგალი ბეჯით ჯალაღონია |
წამებაშ წამეფ მოურს,
ბედი, იღბალით უნთა?
სოდგარენ ართო მეურს
სერი, ბორია, თუთა.
სერიშ ხვამაში ნერი,
გვალასი ნირსი ეფინ,
მა თიწკმა მიჸორს სერი,
იშირშინ ფურცელეფინ.
მა თი წუნს უშურქალე,
ქიანაქ ერჩქინდ მუჭო?
ვართ სერი იშურქალუ,
ლაჸაფ მიშ მინგარს მუჭომს.
გინა ბრტებ იმენდამი,
მედინ ფირქეფიშ ურდუმქ,
მინთქილიშ პოპორამი
გემათუ ბორჯი ურწუმქ.
წამებაშ წამეფ მოურს,
ბედი იღბალით უნთა?
სოდგარენ ართო მეურს
სერი, ბორია, თუთა.