მუჭოთ ვარდ მიშაძ ნაჭვემერ ქვიშას
| მუჭოთ ვარდ მიშაძ ნაჭვემერ ქვიშას by |
| ორიგინალური ნინა ქორთული. ორიგინალური ჯოხოდვალა სილაჟვარდე ანუ ვარდი სილაში. გინმათანგალი გიორგი შენგელია. |
დიდა ღორონთიშ, წმინდა მარიამ!
მუჭოთ ვარდ მიშაძ ნაჭვემერ ქვიშას,
შარა ჩქინ რინაშ რე სისმარია
ქაქაბიშნერო შორს ცას მიშარსხუ.
გეგნირუმუანს გვალაშ კირდეფი,
გურზუქ მუდგათინ მოგოთანეშა,
სერ ნატახა დო გინნაშუმეფი
ჯვეშ ოსურცალო ქიმულ ხატეფშა!
სერ ნატახა დო გინნაშუმეფი
დუც მა ქიმკობდვა ოხვამეშ კარცუ,
ნოთე სიონშა მინნაჭუმეფი
ქუდაჭყაფუანს ოლარს ვარვალსუ.
თიწკუმა ვთქუა: აჰა! ქუმოვრთი
ოლორ ჭყოლირი ნარტიშ ბაღითჷ!
ქიმკაჯინ, გეჰამ მა თაქ მინოვრთი
შულადირ ხეთ დო ნატრიშ სახეთჷ!
ქიმკაჯინ! გეჰამ! ჩქიმი თოლეფი,
ოწოხ ვალუნდეს ცუნდით, იათუ -
სერ ნატახა დო გინნაშურეფი
ეფშა რე შურიშ ეშაღალათჷ!
გეჰამ! მუთ რენა ჩქიმი ჯგურეფი?
თაში რენანო სქანი მულაშა?
აჸონებული შურ ნაშქურეფი,
სქან ოკუჩხანეს იჸი ღურაშა.
სო ვგორა თეში სამანგიორო?
სო რე თე შური ჟიშე მულირი?
მუჭოთ სამოთხეს ალაგიერი,
მა ჯოჯოხეთით ვორექ ფულირი!
დო მუჟამს ბედიშ შარა ჯანდაბას
ღურუშ აგაგა ქაწმაძირუნი,
ზიარებას დო გინოსვანჯაფას
სქან სახე შურო ვაგმოშინუნი!
გიბწკურა ხელეფს, ცხენეფ ფსუეფით
მორულუანა, მიდაბპანჯუნთუ!
სერ ნატახა დო გინნაშუმეფი
ჩქიმ სამარესუ ქინვასვანუჯუქუ.
დიდა ღორონთიშ, წმინდა მარიამ!
მუჭოთ ვარდ მიშაძ ნაჭვემერ ქვიშას,
შარა ჩქინ რინაშ რე სისმარია,
ქაქაბიშნერო შორს ცას მიშარსხუ.