ინგირი (ლაშა გვასალია)

by ლაშა გვასალია

please do not remove empty parameters (see the template documentation).

ინგირი by ლაშა გვასალია

ინგირ ზღვაშა მეუნთირ
მუნაფას დო ხურჩინით
წყარ-ნოჸელეფ ეკოთხოზუ
სისმარეფიშ ხურჯინით...

მეურს, მეურს მიღვარქალუ
ნირსიშ ტომბა ოგურეთი,
ღორონთეფი, ქომწით ათე
ინგირს ბირა დაგურეთი,

ვარ-დო ქუაშ კარკალით
მიკილოთ დო მესეფის
შურშე თოლეფ ეკუზინდ -
მაკითხირე ლერსეფიშ...

ვარ-დო ონწეს არამხუშ
აშახართილ ბორიას,
უზღვინდუანს ჭვემაშ ზღვენდი
აშნახვილა ჭურიას...

ინგირ ზორღას მეუნთირ
მუნაფათ დო ხურჩინით -
ჸა - ნოჸელეფ ეკოთხოზუ
არიკეფიშ ხურჯინით!..