ཞོལ་རྡོ་རིངས་ཕྱི་མ།
བྱང་ངོས་
[編輯]
1 ༇ བློན་སྟག་སྒྲ་ཀླུ་ཁོང།
2 དཀུ་རྒྱལ་གཙིགས་གནང་
3 བའྀ་མདོ་རྡོ་རིངས་ལ་ཡྀག་གྲུ་
4 བྲྀས་པའ་༎
5 ༇ བཙན་ཕོ་ཁྲྀ་སྲོང་ལྡེ་བརྩན་
6 གྱི་ཞ་སྔ་ནས་དབུ་སྙུང་གནང་
7 སྟེ་།བློན་སྟག་སྒྲ་ཀླུ་ཁོང་གི་བུ་ཚ་
8 རྒྱུད་འཕེལད་ལ་ནམ་ནམ་ཞ་ཞར་
9 དངུལ་གྱྀ་ཡི་གེ་ཆེན་པོ་གཅིག༎
10 ན་མྱྀ་དབབ་པར་གཡུང་དྲུང་།
11 དུ་སྩལད་ཕར་གནང་ངོ༎
12 བརྩན་པོ་སྲས་དབོན་སྐུ་ཚེ་རབས་
13 རེ་ཞིང་ཡང་།ཟླ་གོང་གྀ་བུ་ཚ་རྒྱུད་
14 འཕེལད་ལས་གཅྀག།ཞམ་འབྲིང་
15 ན་ནང་ཀོར་ཡན་ཅད་དུ་གཞུག
16 ཅིང་ཚལ་ཟར་རྟག་དུ་མཆྀས་པར་
17 གནང་ངོ༎ ཟླ་གོང་གི་བུ་ཚ་རྒྱུད་
18 འཕེལད་ལ་རྗེ་བླས་གྱྀ་རྔོ་ཐོག་པའྀ་
19 རྣམས་ཇྀ་ཙམ་དུ་རྔོ་ཐོག་པར་བཀས་
20 བཀུར་ཞྀང་བསྟོད་པར་གནང་ངོ་།
21 ཟླ་གོང་གྀ་བུ་ཚ་རྒྱུད་གྱིས༎བཙན་པོ་
22 ཞ་སྔར་༎ གློ་བ་མ་རྀང་ན། ནོངས་
23 མྱིག་གཞན་ཅྀ་བྱུང་ཡང་རུང། སྲོག
24 སྲིད་ལ་མྱྀ་དབབ་པར༎ བཀའ་གྱོད་གྱི་
25 ཚིགས་ཅྀ་ལ་བབ་པ་ལས༎ བཀའ་གྱོད་
26 ན་གཅྀག་གིས་སྨད་ཅྀང་བསྐྱང་བར་
27 གནང་ངོ༎ ཟླ་གོང་གི་བུ་ཚ་པེལད་ལས
28 ལ་ལ་ཞིག། རབས་ཆད་ན་རབས་ཆད་
29 གྱྀ་ཁོལ་ཡུལ་དང། ནོར་ཕྱུགས། གླར་མྱི་
30 བཞེས་པར། བུ་ནུ་བོ་གང་ཉེ་བ་སྩལད་
31 པར་གནདོ༎ བློན་སྟག་སྒྲ་ཀླུ་ཁོང་།
32 གི་བུ་ཚ་རྒྱུད་པེལད། དཀུ་རྒྱལ་གྱི་ཡི་གེའ་
33 ལག་ན་འཆང་འཆང་བ་ཞྀག་རབས་ཆད་
34 དམ་བཀྱོན་བབ་ན་ཡང་། དངུལ་གྱྀ་ཡི་གེ་
35 གླར་མྱྀ་བཞེས་པར་། བློན་སྟག་སྒྲ་ཀླུ་ཁོང་
36 དང་། ཟླ་གོང་གི་བུ་ཚ་རྒྱུད་གང་ཉེ་བ་གཅྀག
37 དངུལ་གྱྀ་ཡི་གེ་ཆེན་པོ་གཡུང་དྲུང་དུ་སྩལད་
38 པར་གནང་ངོ༎ བློན་སྟག་སྒྲ་ཀླུ་ཁོང་གི་
39 ཕ་ཟླ་གོང་གི་བུ་ཚ་རྒྱུད་འཕེལད་གྱི་རྣམས་
40 ཞང་ལོན་ཡི་གེ་པའྀ་ཐང་དང། དམག་སུམ་རྒྱར་
41 གནང་དོ༎ སྐུ་སྲུངས་འཕན་ཡུལ་བའི་
42 སྟོང་དཔོན་དུ་གཞན་སུ་ཡང་མྱི་གཞུག་པར་
43 བློན་སྟག་སྒྲ་ཀླུ་ཁོང་གྀ་མྱེས་པོ་གསས་སླེབས་
44 གྱི་བུ་ཚ་རྒྱུད་པེཁད་ལས་གང་རྔོ་ཐོག་པའ་།
45 དམངས་འདྲང་བ་གཅིག། སྐུ་སྲུངས་འཕན་
46 ཡུལ་བའྀ་སྟོང་དཔོན་གཡུང་དྲུང་དུ་སྩལད་
47 པར་གནང་ངོ༎ ངན་ལམ་གསས་སླེབས་
48 གྱི་བུ་ཚ་རྒྱུད་འཕེལད་། ནམ་ཞར་གྱང་སྡེ་སྐུ་
49 སྲུངས་སུ་གནང་བ་ལལ། སྡེ་ཆ་གུདུ་མྱྀ་སྤོའ་མྱི་
50 བསྒྱུར་བར་གནང་ངོ༎ ཟླ་གོང་གི་བུ་ཚའ
51 རྒྱུད་འཕེལད་གྱྀ་ལག་ན་བྲན་ཞིང་འབྲོག་སོག
52 ཚལ་ལས་སྩོགས་ཏེ་དབང་ངོ་ཅོག་། བླར་མྱི་བཞེས་
53 མྱི་དབྲྀ་གཞན་གྱིས་མྱི་དཕྲོག་ཁོང་ཏ་བདག་མྱྀ:
54 དགའ་ན་ཉེ་རིང་དང་བཟང་ངན་མྱྀ་བརྗེ་བར་
55 གནང་ངོ་༎ ཟླ་གོང་གི་བུ་ཚ་རྒྱུད་འཕེལད་ལ་
56 ལ་ལ་ཞིག་གྀས་ཤ་ཁོན་གྱི་བག་དུ་སྲོག་སྲིད་ལ་།
57 དམའ་བར་བྱེད་ཞྀག་ཡོད་ན། བཀའ་ནོན་བླ།
58 ནས་མཛད་པར་གནང་ངོ༎ ཟླ་གོང་གི་བུ་ཚ་
59 རྒྱུད་ཕེལད་གྱྀས་གློ་བ་མ་རྀངས་ན་ཕྲ་མ་མྱི་གསྩནྡ
60 གླན་ཀ་མྱི་བཙལ་མྱྀ་བཀྱོན་བར་གནང་ངོ༎
61 བུ་ཚ་འཕེལད་གྱྀ་ནང་ནས་ལ་ལ་ཞིག༎ བཙན་པོ་
62 ཞ་སྔར་གློ་བ་རིངས་ཡང་དག་པར་གྱུརད་ན་གང་
63 ཉེས་པའྀ་སྒོར། བཀའ་གྱོད་རྨའོ༎ ཕུ་ན་བོ་གཞན
64 ཁྲིན་ལ་མྱྀ་གདགས་སྲོག་སྲིད་ལ་མྱྀ་དབབ་པར་གནང་
65 ངོ་༎
66 ༇ མདོར་ནའ་བློན་སྟག་སྒྲ་ཀླུ་ཁོང་གི་ཕ་ཟླ་གོང་
67 གི་བུ་ཚ་རྒྱུད་ཕེལད་སྲོག ...... དང་སྲིད་ནེ་བར་ཐུགས་
68 གོང་མཛད་དེ ... ... ... ... ... ... ... ... ... ...
ཤར་ངོས་
[編輯]
1 ༇ བློན་སྟག་སྒྲ་ཀླུ་
2 ཁོང། ནང་བློན་ཆེན་
3 པོ་དང་ཡོ་གལ་འཆོས་
4 པ་ཆེན་པོར། བཀའ་
5 སྩལད་ཀྱིས་ཀྱང་།
6 བཀའ་ལུང་དང་འདྲ་
7 བར་རྗེ་བླས་དཀའ
8 དགུ་ཉམསུ་བླངས་
9 ཏེ་ཕྱི་ནང་གཉྀས་གྱི་
10 ཆབ་སྲིད་ཁབ་སོ་
11 དཔེནད་པ་དང་ཆེ་
12 ཆུང་གཉིས་ལ་དྲང་
13 ཞིང་སྙོམས་ཏེ། བོད་
14 མགོ་ནག་པོའི་སྲིད་
15 ལ་ཕན་པ་ལེགས་
16 དགུ་བྱས་སོ་༎ །
ལྷོ་ངོས་
[編輯]
1 ༇ བཙན་ཕོ་ཁྲྀ་ལྡེ་གཙུག
2 རྩན་གྱྀ་རིང་ལའ་༎
3 ༇ ངན་ལམ་ཀླུ་ཁོང་གིས༎
4 གློ་བ་ཉེ་བའི་རྗེ་བླས་བྱས་པ་
5 ༎ འབལ་ལྡོང་ཙབ་དང་།ལང་
6 མྱེས་ཟིགས་། བློན་པོ་ཆེན་ཕོ་
7 བྱེད:བྱེད་པ་ལས། གློ་བ་རིངས་
8 ནས༎ བཙན་ཕོ་ཡབ་ཁྲྀ་ལྡེ་
9 གཙུག་རྩན་གྱི་སྐུ་ལ་དརད་ཏེ་
10 དགོང་དུ་གཤེགས་སོ༎
11 བཙན་ཕོ་སྲས་ཁྲྀ་སྲོང་ལྡེ་བརྩན་
12 གྱི་སྐུ་ལ་ནི་དརད་དུ་ཉེ༎ བོད་
13 མགོ་ནག་པོའི་སྲིད་ནྀ་འཁྲུག་དུ་
14 བྱེད་པ་ལས། ཀླུ་ཁོང་གིས། འབལ་
15 དང་། ལང་གློ་བ་རིངས་པའྀ་གཏན་
16 གཙིགས༎ བཙན་ཕོ་སྲས་ཁྲྀ་སྲོང་
17 ལྡེ་བརྩན་ཀྱི་སྙན་དུ་གསོལད་ནས་
18 འབལ་དང་། ལང་གློ་བ་རིངས་།
19 བདེན་པར་གྱུརད་ཏེ་། ཁོང་ཏ་ནྀ་
20 བཀྱོན་ཕབ་སྟེ༎ ཀླུ་ཁོང་གློ་བ་ཉེའོ་
21 ༇ བཙན་ཕོ་ཁྲྀ་སྲོང་ལྡེ་བརྩན་གྱྀ་རྀང་
22 ལ༎ ངན་ལམ་ཀླུ་ཁོང་གློ་བ་ཉེ་བ་ལ་
23 བཀའ་གྲོས་ཆེ་ནས། ཐུགས་བརྟནད་
24 ཏེ༎ ནང་བློན་བཀའ་ལ་གཏོགས་
25 པར་བཅུག་ནས༎ རྒྱའི་སྲིད་གྱྀ་ཉམ་
26 དྲོད་རྟོག་ཅིང། ཁར་ཙན་ཕྱོགས་སུ་
27 ཐོག་མ་དྲངས་པའི། དམག་དཔོན་
28 དུ། བཀའ་སྩལད་གྱིས་ཀྱང། དགྲའ
29 ཐབས་མཁས་ལ་གྲོས་གྱིས་སོང་དེ་།
30 རྒྱའི་ཁམས་སུ་གཏོགས་པའི་འ་ཞ་
31 དང་པོ་བསྡུས། རྒྱ་ལས་མནངས་ཕལ་
32 ས་ཆ་བཅད་པས། རྒྱ་སྤ་གོང་སྟེ༎ རྒྱའྀ་
33 ཁམས་སུ་གཏོགས་པོ་དབྱར་མོ་ཐང་།
34 ༞༞༞༝ན་དང་། ཙོང་ཀ་ཕྱོགས་
35 ༞༞༞དང་ནས་ལས་སྩོགས་
36 པ་༝༞༞༞ང་ཕོ་གཅལད། གླུ་
37 ཁོང་གིས་༝༞༞འཁྲུགས་པའྀ་དགྲ་
38 ༞༞༞༝ཆབ་སྲིད་ཆེན་ཕོ་མཛྡ
39 ༞༞༞བཀའ་གྲོས་ཆེན་ཕོ་གསོལད་
40 ༞༞གློ་བ་ཉེ་ཞིང་ཆབ་སྲྀད་ལ་དཔེནད་
41 པའི་སེམས་དགའ་པ་བྱས་སོ༎ བཙན་
42 ཕོ་ཁྲྀ་སྲོང་ལྡེ་བརྩན་ཐུགས་སྒམ་ལའ་
43 བཀའ་གྲོས་གྱྀ་རྒྱ་ཆེ་བས། ཆབ་སྲྀད་གར་
44 མཛད་དོ་ཅོག་དུའང་ལེགས་སྟེ། རྒྱའི་ཁམས་
45 སུ་གཏོགས་པའྀ་ཡུལ་དང་མཁར་མང་པོ་
46 བཅོམ་སྟེ་བསྡུས་ནས༎ རྒྱ་རྗེ་ཧེའུ་འགྀ་ཝང་
47 ཏེ་རྗེ་བློན་སྐྲག་སྟེ། ལོ་ཅྀག་ཅྀང་རྟག་དུ་དཔྱ་
48 དར་ཡུག་ལྔ་ཁྲི་ཕུལ་ཏེ། རྒྱ་དཔྱའ་འཇལ་དུ་
49 བཅུག་གོ༎ དེའྀ་འོག་དུ། རྒྱ་རྗེ་ཡབ་ཧེའུ་འགྀ་
50 ཝང་དེ་གྲོངས་སྟེ། རྒྱ་རྗེ་སྲས་ཝང་པེང་ཝང་
51 རྒྱལ་པོར་ཞུགས་ནས། བོད་ལ་དཔྱའ་འཇལ་
52 དུ་མ་རུང་སྟེ༎ བཙན་ཕོ་ཐུགས་སྙུང་བའྀ་ཚེ་
53 ངན་ལམ་ཀླུ་ཁོང་གིས༎ རྒྱ་ཡུལ་གྱྀ་ཐིལད་། རྒྱ་
54 རྗེའྀ་ཕོ་བྲང་ཀེང་ཤིར། བོད་གྱྀས་དམག་དྲང་
55 བའི་བཀའ་གྲོས་གྱྀ་མགོ་ཆེན་པོ་གསོལད་ནས་
56 ཀེང་ཤིར་དྲང་བའྀ་དམག་དཔོན་ཆེན་ཕོར༎
57 ཞང་མཆིམས་རྒྱལ་རྒྱལ་ཟྀགས་ཤུ་ཐེང་དང་༎
58 བློན་སྟག་སྒྲ་ཀླུ་ཁོང་གཉྀས། བཀའ་སྩལད་ཏེ།
59 ཀེང་ཤིར་དྲངས་ནས༎ ཅིའུ་ཅྀར་གྱི་རབ་ངོགས་
60 སུ་རྒྱ་དང་ཐབ་མོ་ཆེན་ཕོ་བྱས་ཏེ། བོད་གྱིས་གཡུལ
61 བཟློག་ནས༎ རྒྱ་མང་པོ་བདུངས་པས༎ རྒྱ་རྗེ་ཀྭང་
62 པེང་ཝང་ཡང་། ཀེང་ཤྀའི་མཁར་ནས་ཕྱུང་སྟེའ
63 སྴེམ་ཅིའུར་བྲོས་ནས། ཀེང་ཤྀ་ཕབ་སྟེ་རྒྱ་རྗེའྀ་ནང་
64 བློན་འགྱེའུ་འྀན་ཀེང་ལས་སྩོགས་ཏེ་དོང་ཀྭན་དང་
65 བོ་ཀན་ཡ༝༞༝༞༞༝བཙན་པོའི་
66 འབངས༝༞༞༞༞༝བོད་༝ུ་གང་
67 དང་ཁྲ༝༞༞༞༞༞ཏེ་། ཀིམ་ཤེང་ཀོང་
68 ཅོའི་མིང་པོ༞༞༞༞༞འཁྲས་ཤྀང་
69 ༞༞༞༞༞༞༝བློན་པོ་
70 ༞༞༞༞༞༞རྒྱལ་ཕོ་ཆེ་ཆུང་
71 ༞༞༞༞༞༝སྲིད་ཕུགསུ་
72 གྲ་བ་དང་གཏམ་ཡུན་དུ་སྙན་པར་བྱས་ཏེ། ཀླུ་ཁོང་གློ་
73 བ་ཉེ་ཞིང་ཆབ་སྲྀད་ལ་དཔེནད་པའྀ་སེམས་དགའ་
74 བ་བྱས་སོ།