دیوانی شێخ ڕەزای تاڵەبانی/ت

From Wikisource
Jump to navigation Jump to search
دیوانی شێخ ڕەزای تاڵەبانی by شێخ ڕەزای‌ تاڵەبانی
پیتی ت

٣٣: ئێسترێکی ڕووت و قووت[edit]

میر بە سەد منەت ھەناردی ئێسترێکی ڕووت و قووت دەست و پا سست و سەقەت ئەندامی ھەر وەک عەنکەبووت
خاوەنی ئالیکی ناڵێم پێ نەداوە موتڵەقا داویەتی ئەمما وەکوو بیستوومە قووتی لا یەمووت
پووش لە لای حەلوایە حەتتا گەر پەڵوشەی چنگ کەوێ بای ئەدا، لوولی ئەدا، قووتی ئەدا، مانەندی حووت
گەرچی ناتوانێ ببزوێ ھێند لەڕ و کەمقووەتە دەنکە جۆیەکی نیشان دەی تا قیامەت دێ لە دووت
پشتی ڕیش و شانی زامدار و جەدەو بوو ناعیلاج چەند قرۆشێکم ھەبوو بۆم دا بە نەوت و ئەنزەرووت
سەی فەتاحی مەیتەرم ڕۆژێ بە حوججەت لێی نەوی کلکی دەرھێنا لە بن ئەمجا بە ئاستەم گوێی بزووت
گەر قەڵەو بێ ئەم ئەجننە لێرە تەسخیر ناکرێ غەیری چەند دەروێشی ڕەففاعی بە زۆری جەلجەلووت
مەسڵەحەت وایە ھەتا نەیخواردووم بینێرمەوە زۆر ئەترسم دەفعەیێ قووتم بدا بمکا بە قووت
ئەم مەتاعە چاکە ھەر لایق بە حاجی ئەحمەدە جووتی پێ بکا ھەر وەکوو جووت ھەردوو لنگت کرد بە جووت
لایقی شانی من و شایانی شەئنی تۆ نەبوو چاوەکەم چیت پێ بڵێم چارم نییە غەیری سکووت

٣٤: تەخمیسی شێخ ڕەزا لە سەر غەزەلێکی خواجە حافیزی شیرازی لە ھەجووی مەعرووف ئەفەندی باشکاتبی بیدایەتی ھەولێر[edit]

مەعروفی بێدیرایەت گووت کردە ناو بیدایەت
چیت پێ بڵێم قوڕمساغ ھەردوو گونم بە دایەت
گونمی بە تڕ شەھید کرد کێرم ئەکا ڕیعایەت
زان یار دلنوازم شکریست با شکایت گر نکته دان عشقی خوش بشنو این حکایت
مەعرووف کە حیزی وەک ئەو نەبوو لە نەسلی ئادەم
ئازاری مەقعەدی بوو بۆم ڕاکێشا لە سەر دەم
مردم ئەوەندە سوار بم خۆم کوشت ئەوەندە پیادەم
بی مزد بود و منت هر خدمتی که کردم یا رب مباد کس را مخدوم بی عنایت
خاشاکی دەوری دەبری لێم بوون بە ماری ھەیجا
کێرم بە سەد مەشەققەت ڕۆیی گونم نەگونجا
کێرم لە پەشمی پاشی دانەی کونی ترنجا
در زلف چون کمندش ای دل مپیچ کان جا سرها بریده بینی بی جرم و بی جنایت
رووم کردە سەمتی سمتی یەعنی مەکانی مەعھوود
ئەرزێکی پڕ نەجاسەت دەشتێکی شەھوەت ئالوود
ڕانیم فەرەس چەپ و ڕاست ڕێگەم نەبردە مەقسوود
از هر طرف که رفتم جز وحشتم نیفزود زنهار از این بیابان وین راه بی‌نهایت
دەرمانە سمتی ئەمما نەرمانە وەک بەری دەست
کاروانی کێر بە ناویا ئەڕوا ھەمیشە سەربەست
ھەر مەنزڵێکی سەد میل ھەر میلێ سێسەد و شەست
این راه را نهایت صورت کجا توان بست کش صد هزار منزل بیش است در بدایت
باوکی پیاوێکی چاک بوو زاتێکی زۆر موقەدەس
خۆی پوشت و داکی خۆگێ ھەتا خودا بڵێ بەس
بۆ نەختێ ئاوی شەھوەت جەرگی بوووە بە قەقنەس
رندان تشنه لب را آبی نمی‌دهد کس گویی ولی شناسان رفتند از این ولایت

٣٥: کاتێک مەعرووف ئەفەندی کارەکە بۆ کابرا جێبەجێ دەکات،شێخ ڕەزا ئەم بەیتە شیعرەی بۆ دەنێرێت:[edit]

مەعروفی پڕ درایەت گوڵی باخی ھیدایەت چیت پێ بڵێم چاوەکەم ڕەحمەت لە باب و دایەت

٣٦: ھەجووی مودیری تەحریرات[edit]

گیزەر دەوائیر ئەقلامی ئەرقەسیندە دەوات مەداری ئەھلی قەلەمدر مودیری تەحریرات
نەگوفتە مەن حەزەر کون زوتیغی ناطقە ئەم فأن ناطقتي آفة من الآفات
لە بەر عەباکە «جەب»م کردی ئەی فەقیری خودا ئەوە عەباکەتە کێرم بە قنگی خۆت و ئەبات

٣٧: بە بۆنەی کوشتنی ناسرەدین شاوە[edit]

ئەھلی عیبرەت ماوە گەر بێن با سەیری ناسر شا بکەن دوو لە سی کەم شەھی کرد و کشێکی ڕێ نەھات
ھاتی وا سەیری نەھاتیی کەن کە سەد تیپ و سوپا پاسەوانی بوو لە نێو بەستا پیادەیێ کردی مات

٣٨: لە ھەجووی شێخ ئەحمەد ناوێکا[edit]

مزەی ئەوەندە نەبوو ئاشەکانی جێشانەت ببێ بە قووتی شەوێکت ڕیامە جێ شانەت
بە بێ سەبەب لە سلێمانی شاربەدەر نەکرێ نەکەوتە دەستی عەدووت مەکتەبە و کتێبخانەت

٣٩: شێخ ڕەزا لە ھەجووی شێخ ڕەشیدی ئامۆزایا ئەڵێت:[edit]

رەشە ڕەشاشی کەری ڕەش بە ڕەشت تا ڕەشت ماوە ڕەش و سوور بە ڕەشت
چڵ و چێوی چەمی ڕەشنەش بە ڕەشت بە لەشت ھەم بە بەشت ھەم بە ڕەشت

٤٠[edit]

بەسە بۆ دەفعی ئەعدا چاوەکەم قەڵغانی سیمینت ھەزار مارتین بە قوربانی تفەنگی لوولەچەرمینت

٤١[edit]

تەڵاق گەر بێ بە دەمیا ئەو زلەی چوارپەل قەوی بۆی ئەنێرم سێ زەلام تا بیکەنە پەڵای قەڵات

٤٢[edit]

ئەسپەکەت دەرکرد لە دەستم وای درێغ بۆ ئەسپە کوێت سنگەکەی ماوە کەریم خان پێم بڵێ بیکوتمە کووێت

٤٣[edit]

خورووی نامرێت بە کێری من تڵیشی ناو گەڵی داکت بڵێم چی سەد ھەزار لەعنەت لە خۆت و شیری ناپاکت

٤٤[edit]

کێر ئەگەر مەیلی کونی کرد سەرەکەی بگرە لە مشت همه جا خانه عشق است چه مسجد چه کنشت

٤٥[edit]

ئەی سەروی بڵند و قەدد و برۆ تاق و مەمک جووت فەرقی نەبوو ئەم شیعرە لەگەڵ میز و لەگەڵ گووت