Валда ян/1931/04/Тундань видемать эзда уйфтемс анокламать сьоронь урядама пинксти

From Wikisource
Jump to navigation Jump to search
Валда ян (1931), № 4, Апрель ков edited by Бажанов Л. Е.
Тундань видемать эзда уйфтемс анокламать сьоронь урядама пинксти
Валда ян. Светлый путь. Эрьковонь общественно-политическай и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 4 №, Апрель ков, 1931 киза. — с. 4—5
[4]

Тундань видемать эзда уйфтемс анокламать сьоронь урядама пинксти

Минь сембе, содасаськ, што тундань видемати эряви пяк кемоста анакламс, штоба улельхть цебярьста аноклафт кода ломань вийсь, станя жа машинатне, алашатне, плугатне и сьора видьмотневок улест анокт, кода колхоснень эзга, станяжа башка эряйхнень йоткоса. Задачась, кона путф иньгольнок, кода эрь колхозть и башка эряй сокайти инголя ащи ся, штоба келептемс видьма паксесь и касфтомс сьоронь шачемась. Эряви азомс, што тя путфксь, ингольнок ащи задачась пяшкедеви пяк цебярьста, йотай кизось, пяк лама вастова, няфтезя што сьороське сяда шачсь, а ниньге сяда шачсь колхозга и видема паксяське ульсь келептьф.

Но тундань видьмать мархта, тяниок эряви анокламс пря сьоронь урядамати, штоба тундань видема планти улель путф сьоронь урядама планске. Коданга аш кода нолямс стама мяльхть — васенда кигя шумордасаськ тундань видьмать, а тоса кярмоттяма аноклама сьоронь урядамати.

Эряви азомс, што тундань видьмать мархта, фкя васца ащи и сьоронь урядамась, а сембодонга пяк колхоснень, совхоснень и артельхнень эзга.

Аф эряви юкстамос иотай кизонь сьоронь урядама тевть колга; а минь Мокшэрзянь облазцьа сон пяк лац лятфтави ся сьоронь урядамась сяс, мес минь сьоронь урядама тевть эса путф задачатнень пяшкодейнек пяк лафчста; лафча вастонекя ульсть тоса, што минь афпяк кемоста анокламя тя урядама тевти, васендакигя минь аф стама цебярьста урядама тевть перьф пуроптыйнек крдатнень, аф эсь пиньгова ульсь уйфтьф анокламась урядама пиньгти, сяс минь летфтасаськ, што лама вастова пяк лама сьора изь урядав а тоса, танга, сонць урядамась ульсь ладяф станя, што пяк лама сьора юмась-арась урядама пингста. Минь Мокшэрзянь облазьца ашельхть лувфт мзяра юмай—арай сьора урядама пинкть эзда а вов „Ленинонь лемса“ велень козяйственнай академиясь лувнцы, што сембе культуратнень эзда урядама пингста юмай-арай сьорода 16 17 миллион тонна а эрь тоннать эса 61 пуд Вов няйсаськ мзяра сьора юмай—арай. Вов тяста лисеньди, што тейнек пяк эряви ваномос сьорось, сянкса эряви урядама пиньгть эзда тя мяльть ланкс шарфтомс пяк оцю мяль.

Йотай кизонда, кода лия райотнень эса, а станя жа минь Мокшэрзянь обласьцонок сьоронь [5]урядамать ланкс ульсь шарфтаф афсатомшка мяль. Сьоронь урядамати апак уйфтель анокламась тундань видемать эзга; платтне сьоронь урядамста ульсть тийфт пяк позна, аф машинатне ульсть ладяфт цебярьста урядати: лама машинада апак петтельхть, аф ломань вийсь ульсь пуроптф цебярьста; штоба эрь ломанць эсь тевонц содальхце, труць станежа апак пуропттоль кода эряви лама лия афсасыкста. Сяс минь лятфтасаськ, што сьоронь урядам пингсь ульсь явштаф тяляма пиньгть эзда, и танга койкоса ульсть нолдафт оппортунистическай мяльхт ся тевть эса, што лама простой машинада аш исть уль пользовозндафт, ды тяконь мархта лама машина изь уль цебярьняста сувафтф сьоронь урядамань тевти.

Коданга аш ков юкстамс сянь, што сьоронь урядама пинкста апак ладяколь политическай массовой работась, кой-коса кулацкай агитацияти и марнек кулакти апак макстоль эрек отпор, колхоснень эса лама вастова синць колкозникне изезь сода кода ули явонтф уражайсь, сянкса кулацкай агитациясь кой-коса ульсь ладяф вишкста сембе совецкай мероприятиятнень каршес и сембодонга пяк колхоснень каршес

Пяк лятфтамшка кулацкай агитациясь, коса корхнесть — „вов яцеде колхозс, ды наксафцайньть сьоронтень, анцек лодырхне яцекшнихть колхозс, колхозса сьоротнень явомс сембонь и едакса“... И лия лама ульсть шовда кулацкай басняда, а тя корхтай сембе сянкса, што сьоронь анокламати ульсь аноклаф лафчста и ульсь тя тевть эса нолдаф оппортунизмань мяльхть-тефт

Минь йотай кизонда лятфтасаськ тан а сянь, што сьоронь урядама пинкста колхозу сувамась мольсь лафчста, а тя корхтай сянь иНкса што апак макстоль эсь пингова оппортунизмати отпор, ашоль шарфтаф большевиконь мяль, штоба сьоронь урядама пинькти ниньгя сяда вишкста кармамс люпштама кулакнень эса, тапамс оппортунизьмань мял»хнень кой кона работникть эзда и крдатнень пуроптомс тя большевиконь мяльнь йотафтомаса сьоронь урядама пиньгть.

Тя кизоть эса ашихть стапт особенность сьоронь урядамать иотафтомста, пялешкац сьоронь паксять ули марстонь хозяиствань кяца (колхоснень-совхоснень), а тя корхтай сянь колга сьоронь урядама тевть эса, што марстонь хозяйствась кармай вятема руководящай сьоронь урядама тевса. Сяс отвественнозсь ули путф сьоронь урядама тевса тя марстонь хозяйствать секторнц ланкс и аф аньцек совхознай—колхознай паксятьнень урядамаснонкса а и башка эряйнь сьоронь паксятнень урядамаснон инкса.

Тя уражайть эзда сембе товарнай лишнай сьорось, кода техническайсь а станя-жа зьорнань, тухть кода сырье фабрикатненьди, завотненди, кармайхть пользовондамст экспортонь фонданди и рабочайхненди снабжениянди, сяс эряви пяк лац и цебярьняста кундамс аноклама сьоронь урядама тевти.

Сянкса эряви тундань видемать пинькста ладямс и урядама тевть, эряви тяниок урядама плантть путомс тундань видема плантть мархта, аф нолдамс иотай козонь эльбятькснень сьоронь урадама тевса. Катк эрь совхозонь и колхозонь рябочайсь содасы тяникивок, кама сойнь лангознза путф тев, катк эрь районць, велесь, колхозсь пецазь усксема—урядамань киснон, конат-ба дяльхть уль шоряйкс васток машинатненди и алашатненди, станяжа катк эрь машинать сембе виенц, сувафтомс работас, штоба тяфтак дяль ащекшня.

Тя тевсь ащи эрь районть, велеть, совхозть и колхозть иньголя. Тя тевть, ланкс тяниок эряви шарфтомс пяк оцю мяль сембе партийнай, комсомольскай, профсоюзнай организациятненди и сембе советцкай общественности. Эряви аф нолдамс иотай кизонь эльбятькснень ладямс цебярьняста, кода жовой станя и тягловай вийсь, кеподьмос труд дисциплинась, аф кадомс фкавок сьора паксяти наксадма, а йотай кизонда тяфтама безобразияда ульсь пяк лама, и синь лиссть сяс, мес аф эсь пиньгова ушетфоль сьорань урядама пингти анокламась и ульсть нолдафт тя тевть эса оппортунизмань мяльхть.

Кулачествась, анок содаф, кармай вятема эрь васца контрреволюциянь агитация, штоба сяземс сьоронь урядама тевть пуроптоманц. Штоба тя тевть эса тага кармаль эрь лаца нолямс шовда пуста баснят колхоснень колга, сянкса зада-


Касыхть социалистическай паксятне

Валда ян 1931-04 07стр изобр1.jpg

Лиссть видема...


чась ащи ингольнок, штоба максомс отпор кулацкай агитацияти и марнек кулакти, штоба сьоронь урядама пиньксь улель ладяф большевикокс, эрь васца цебярьняста ладямс массовой—политическай тевть вятеманц, а сембодонга пяк аватнень йоткова, эрявииазомс што, аватнень йоткова ладямс масовай политическай тевнь вятемась пяк кемоста сьоронь урадама пиньгста, минь содасаськ, што сьоронь урадама пинькть эзда минь облазьцонок марнок аватне работайхть, а иотай кизнда лама вастова аватне сяда лац и цебярьста уредазь сьороть, алятнень коряс (Кужонь колхозса, Зубово Полянань районца) сянгса масовай тевть инкса эряви пякь кемоста ваномс эрь организацияти, штоба улель ладяф цебярьняста.

Кда йотай кизнда сьоронь урядама пинкста колхозу сувасть кржа, то тя кизнда, эряви ладямс тя тевсь станя, штоба сьоронь урядама пинкста няфтьф цебярь тевса улель башка эряйхненди няивикс, што колхозса сяда цебярьста ладяф эряфсь, башка эряйть коряс и катк эрь башка эряись цебярь тевть вельде яци колхозу, а кулакти максомс инь оцга отпор, штоба колхоснень цебярь тевснон вельде люпштамс марнок кулакть.


Тяниок кундамс сьоронь урядамать анокламанцты!