Колхозонь эряф/1932/12-13/Сьоронь аноклама кампаниясь 1932-це кизоня
| Сембе масторонь пролетариятне, пуромода марс!
|
| 31-це июль 1932 киз. 12-13 № |
|
Лисенди ковти кафксть, обще- ственно-политическ. и вель-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець |
| Сьоронь аноклама кампаниясь 1932-це кизоня |
„Сатфксне, конат тифть колхознай и совхознай строительствать эса и сонь техническяйста переворужандамац велень хозяйствать Мокшэрзянь облазса, йофси лиякс полафць энономическяй структурац и тя мархта полафцть вастнонь мархта классовай вийхне мокшэрзянь велеть эса“. (Мокшэрзянь ВКП(б)-нь обкомть и облКК-ть марстонь пленумснон резолюцияста).
Велесь тусь-ни од социалистическяй кигя, велень сире эряфсь, велень сире кись лаць ичкози фталу. Тя од кить эса велесь лиссь ся стака эряфть эзда. Тяниень велень эряфсь ащи марнек сяскомаса совхоснень и колхозснень велень эряфса, марнек велень эряфсь ащи колхозснень и совхозснень ланкса. Минь Мокшэрзянь облазсонок колма полатнень эзда кафта полатнень видезь колхознай-совхознай секторсь. Я тяста и лисеньди, што 1932 кизонь сиоронь анокламать эсонга лисенди оцю значениякс, тя и путни марнек ооганизациятнень иньголи пяк оцю задачт. Ня задачатне лисеньдихть ЦК-ть и Совнаркомть мекпяльдень решенияснон эзда сиоронь аноклама кампаниять йотафтома кампаниять иотафтомста. Эрявихть лацкас лувомс и тиемс сиоронь анокламань платт, лувомс эрь районть башка условиянза, а районца колхозснень совхозснень и велетнень. Практическяйста ЦК-ть и СНК-ть путфкснонь эряфс иотафтомасна ащи сянь эса, што ся колхозсне и совхозсне, конат лац, афкукс большевикокс, видемать, кеподезь паксять шачоманц и лац пяшкодезьне государственнай платнень, синьдейсти лядоза сяда лама сьора эсь распоряжениязостка.
Тяста неньга эряви максомс пяк кема отпор види шири моли оппортунистонь мяльхненди, кода башка ВКП(б)-нь члетнень ширьде, а тяфтане и башка районнай работникнень эзда, прянь шавомаста, штоба кирьфтамс сьоронь анакламань платне, кяшеме афкукс ся, мезе ули районца товарнай излишкатнень, штоба петемс материальнай ширеснон колхозникнень. Тяфтама мяльхне эрхтемат и эрхтемат, штоба тяст шорьсе пильга ала, тяст сязеньде партиять и правительствать путфксонзон пяшкодемаснон.
Обласценок коллективизациясь эсь ушотксонза шумордаф, 1 июнь шити 1932 кизоня областенека коллективизировандаф 63,4 проценц (бедняцка середняцкай хозяйстватнень эзда), а тя базать мархта и иотафневи и кулачествать кода класс машфтомац. Видема паксясь кассь 1,115,000 гаста 1931 кизоня мяк 1,186000 гас 1932 кизонда, кассь 6 проц. Тя мархта вихцек обласцонок кассь совхозонь паксяська 125 тиожянь га 1931 кизоня, 229 га 1932 кизоня, кассь 83 проценц.
Тя марнек велеса обстановкась, аш месть корхтамска максы цебярь обстановка и условият сьоронь анокламать пяшкодемс иотай кизоть коряс. Сон максы семба возможностнень курок пяшкодемс максф сьоронь аноклама планть, но улель оцю эльбятьксокс арсемс, кули улихть тяфтама цебярь условият, то планц пяшкодеви аф стакаста и классовай тюремафтома.
Кда тяфта арсемс, то лиси эряви ащомс види шири моли оппортунистонь планца и учемс эсь отям сьоронь анокламать. Виде, што колхозсне и созхозсне тисть оцю сатфкст велень эряфть эса. Сявок виде, што вастова маштфт кулакне кода класс. Но ненга улихть, лацть кулаконь пулапет, марнек изь машфтов кулацкяй влияниясь башка эряйхнень иоткса, аф колхозьнекнень, тяфтама жа влияниня неньга ули аф сознательнай, шава, фталу лятф, колхознекнень лувксонга. Аф эряви юкснемс, што Мокшэрзянь обласцонок ненга фкя полась, колматнень эзда ащихть колхозса; аф эряви юкснемс сявок, што „колхозснень эса улихть неньга башка эряйнь и кулацкяй мяльхть, конатнениньга исть машфту, но конат машфтовихть, кода ушодыхть кемокстама колхозсне и сынь машинизавондавихть“. (Сталин).
Лац сьоронь шачемась конат няйвихть сембе даннайхнень эзда, лам ода сяда лац ащихть, иотай кизоть коряс, тяста лиси ся, што валовой сиоронь кочкамаська ули сяда лама иотай кизоть коряс.
Но тя аф кортай сянь инькса, што сиоронь аноламась иотай эсь отям, лац шачсь сьорось, сяда лама сявф валовой кода якамась. Тя сиоронь шачемась, и ся лама валовой сявомась улихть лац иотафтфт сиоронь анокламась анцек эста, кда иотафтови ЦК-ть и Совнаркомть [ 2 ]путфксоц сьоронь урядамать колга, али тяфтама условияса, кда маштома и маштома эсь пиньгстонза апак юмафт арафт урядасаськ сембе сиороть, марасаськ капас, аф кацаськ пиземть ала наксачнема, и лац сонь тялясаськ.
Государственнай сьоронь аноклама планц колхозснень и башка эряйхнень ланкста кирфтаф ламода, а совхоснень ланкс ламода касфтф.
Сембе сяка аш кода арьсемс што кирьфтаф сьоронь анокламась колхозснень и башка эряйхнень лангста ули мольфтьф сиоронь анокламась эсь отям. Планонь пяшкодемась сьоронь анокламать эзда веши партийнай, совецкяй и заготовительнай организациятьнень ширьде, напряженнай организационно-политическяй работа, тяфтажа пяшкодема, кода касф планть совхозснень ширьде сиоронь максомать государствать сяфтома, штоба кемонксть сяда лац вятемс организаторскяй и политическяй работась совхозснень эса.
Партиять тиф сатксонзон мархта промышленнозть кеподемац и социалистическяйста марнек велень эряфть тиемац, тиезя уликс кода кшинь мишендемать, кода лезксонди ошонь эряйхненьди снабженияснон эса.
Колхознай кшинь мишеньдемась лись стимулкс лац и эсь пингстонза колхозснень ширьде пяшкодемс эсь обязательствасна государствать иньголе тя мархта хозяйственно-организацинно колхозснень кемокстамасна. Но и тя кизефксть эсонга эсь отям молемс аф пчкяй и вреднай. Партиясь няфтезе эрявиксоньди ладямс лацкас централизованнай анокламась колхознай топговлять мархта. Кшиса торгавамать колга ЦК-сь и Совнаркомсь няфтезь, што анцяк кда ули марнек пяшкотьф сьоронь аноклама планц 1932 кизонь, пуроптфт видьмонь фондтне, 15 январста 1933 кизонц, и улеза келептьф колхознай торговлясь сьороса
Аш месть корхтамска, што кулацкяй элеметтне и спекулянтне ушодыхть шавома пря эсь лацост шархкодема и шарфтома колхознай торгавамать эсь ширезост, штоба сяземс государственнай сьоронь акокламать. Тя спекуляциясь ушоцьни вастова келемома и сон неньга изь васфта сатышка каршозонза тюрема районнай и областень организациятнень ширьде, тя тиенцы сиоронь анокламать неньга сяда стакаста 1931 кизоть коряс. Партийнай организациятне, конат аф вятихть тюрема сьоронь срафтомат мархта, эсь пряснон путнесазь аф пяшкодемс эсь пингстонза сьоронь аноклама планть. Тянь аф лувомац канды оцю сталма сиоронь аноклама тевти.
Иотай кизонь сьоронь аноклама опытсь няфнесы, што государственнай сиоронь аноклама платтне и синь явошномасна районга ульсть тиеньтфт эльбятксфтома. Но улель тиф оцю эльбятькс, кда арсемс, кули максф кизонь кувалмова сьоронь аноклама планць вастова, то тя тисы ни, што аф улихть тифт эльбятькст районцта колхозу и вели пачфтемастонга.
Лац арсеф и нолдаф сиоронь аноклама платне (кода няфнезе тень иотай кизотнень эзда) улихть кода лисемс аф пяшкодивиньди ся колхозснень и велетнень эзга, коса ули тиф планонь пяшкодемась уравниловкань „принципста“ механическайста, аф ули лувф эрь колхозть, велеть положенияц (кода иотай кизонда ульсь тиф Темникунь районца, кона велеть эса ульсь лама тише тоста анасть сьора, а коса ульсь сьора, тоста анасть тише Ордажсь и Конаксь). Кодажа аф эряви тиемс оландь колхозти, али велети лацкас апак луфт и сявфт мяльс тяфтама сведеният кодама сонь видеф площадец, кодама сьора видеф и кодама культурать кодама шачемац, кодама валовой сбороц, кодама хозяйствань мольфтемац эрь колхозть, эрь велеть. Анцек эста лац тиеви и арсеви планц, кда лац улихть сявфт мяльс сембе вяри азфне, лац улихть лувфт, лац ули и пяшкотф сьоронь аноклама планцьке. Эряви апак лотксек тюремс сембе ся тефнень мархта, конат арсихть эрек тевонь вятемати полафтомс администвативнай работаса. Эрявихть областень организациятнень эзда кучемс отвественнай работнект, конаттнень ули сьоронь анокламань опытсна лездомс районнай работнекненьди, кода районца платнень тиемозост, штоба лацкас, апак эльбятть, тиемс колхозсненьди и велетненьди и МТС-ди. Пяк лац, планонь тиемста, лездыхть, кда тя платнень арсемса улельхть таргафт сембе районнай организациянь руководительхне (партийнай, советскай, сьоронь анокламань, модань тевонь вятихне, колхознай работнекне, МТС-нь директорхне и алулда колхозса работайхне).
Но тя неньга кржа. Лац ладяф колхоснень эзга планць — тя лац лезды сьоронь аноклама плантть пяшкодеманцты, и тя мархта серцек эряви шавомс пря, ся, штоба „колхозсне, конат лац видеста, лац урядазь эсь пиньгстонза сьороснон, пиньгста пяшкодезь тейст максф государственнай платнень, лядозе эсь распоряжениязост сяда лама сьорода“. Омба ширьде машфтомс уравниловкать планонь максомста районцта, колхозга и велева тя лисеньди, што эряви шавомс пря, улеза сатф копхознекне эряст сяда лац, аф колхознекнень коряс. Штоба тя сяда лац эрямасна аф валса, а тевса няйвост сембе колхознекненьди и сембе трудяй башка эряйхненьди.
Сембе партийнай организациятненди эряви мольфтемс апак лотксек тюрема. Сембе тяряфкснон мархта, конат йорайхть няфтемс сяда кржа видефсь сьорода, кржаш ачсь, тяряфтомс кадомс сяда лама сьора хозяйствати, шавомс пря полафтомс планировандаф сиоронь анокламать, кода мярьгихть „балансса“ и сонь таргамс сяда кувакас, тя сембе тяряфкссь аф партийнай, аппартунистичекяй-кулацкяй и мархтост эряви тюремс и тюремс апак лоткак.
Планонь срокне улест лац арсефт и ня срокне улест лацкас вантфтфт, эрь планонь таргамс тий сянь, ш то лац аф содави и [ 3 ]ладяви ся положениясь, кона арсеф, шорясы колхозть роботанц, кона ушоць сиоронь урядама, тяляма и государствати сьоронь ускома. Омба ширьце аф пчкяй тиеньдемс, тяфтанга, тяряфтомс тумс иньголи, кирьфтамс максф срокне, и фкя-кафта счетста пачфтемс району, районцта колхозу и вели.
ЦК-сь и СНК-сь эсь путфкснон эса, уборочнай кампаниять иотафтоманц, кона няфтезь, што „марнек работать эса улеза путф, юмафкснонь мархта тюремась“. Тякоже путфксть эса пяк лац няфтьфт, кода тюремс мархтост, юмафкснень мархта, тя ащи центральнай задачакс. Тяньци ащихть виде кикс: йотафтомс сиоронь урядамась инь нюрхкяня пиньгова; сьоронь урядамать эзда нолдамс аф анцек сложнай машинатьне но нолдамат и инь простойхневок, сяда куроконя марамат капас марнек нуф сьоротнень и кода аф кода сяда курок тялямат, тяфтома коданга аф йотафтови сьоронь аноклама кампаниясь.
Улихть ни лама факт, конат няфнесазь, што ЦК ть и Совнаркомть пуфксонзон и няфтсфксонзон эряфс аф иотафнесазь. Ниньга тяда лама, улихть ни колхозт, совхозт и велет, коса оппортунистонь мяльхне тяряфнесазь путомс карша, сиоронь урядамать, тялямать, марс сьоронь марамать, сьоронь аноклама планть каршас усксемать, синь лувсазь тянь башка тевкс, фкя тевсь сьорось нумс, марамс, тялямс, а омбоцесь сьоронь аноклама планть пяшкодемац. Аф, тя фкя тев, кона коданги аф сязевихть фкя фкада.
Мокшэрзянь ВКП(б)-нь обкомсь и облКК-ть пленумснЬ путозь: „...Лац сиоронь урадама кампаниять иотафтомац, а тянь мархта и эсь пиньгстонза сьоронь анокламать пяшкодемац, веши пяк напряженнай работа сембе парторганизациятьнень ширде, апак лотксек тюремс демоблизационнай мяльхнень мархта, конат кемокстайхть классовай вракть кулакть позициянц, конат тяряфнесазь сяземс сьоронь урядамать и сьоронь анокламать, конат тяряфнесазь эсь лацост шархкодемс партиять и правительствать путфксонзон уборочнай кампаниять и колхознай торговлять и сьоронь аноклама кампаниять колга. Тя кулаконь тяряфксне сембе сяка, што келептемс сиронь спекуляция. Эрявихть ня сембе тяряфксна массовай работать вельде тапамс парторганизацияти и тяза таргамс келиста колхознай массатьне...“
Кода тяста няйви, максфт кема и виде директиват, кода эряви мольфтемс сьоронь урядама кампаниясь: Аф ладяви лац сиоронь анокламась, тяфтажа, кода, аш кода хозяйственно-организационно кемокстамс колхозсне, кда сьоронь урядамась апак ладяк большевикокс, а нолдаф молема эсь отям. Эряви кемоста мяляфтомс што сьоронь урядама тевсь лисенди инь стака тевкс, инь ответственнай полакс велень работатьнень эзда, а тя мархта вейхцек няфнесы марнек, велень хозяйствань кизоть мольфтеманц.
Сьоронь аноклама кампаниять организовандамац и йотафтомац, эряви пек оцю мяль явоштомс сьоронь анокламань конкретнай методтненьди башка эрь секторс.
Эряви, штоба семба совхозснень эзта, сьоронь максомс государствати атвецельхть аф анцек совхозонь директорхне, наркомземонь контролерхне, участкакс и отделениянь руководительхне и заготавительнай аппараць. Тя ненге кржа. Эряви, штоба марнек совхозонь массатне, партийнай организациять кядь ала улеза мобилизовандафт, эсь пингстонза и марнек сьоронь аноклама планть пяшкодемс, эрь совхозга и эрь башка участкава.
Колхозснень эзга организациясь и сиоронь аноклама пяшкодемась йотафневи ся платнень коряс, конат максфт правительствань платнень коряс, контрактациять коряс, колхозса сьоронь анокламань тевть йотафтомста эряви вяжадемс, васендакига колхознай активть лангс.
Эряви, ответственнай ломаньде башка, конатьнень явошнесы колхозонь правлениять эзда, улест тяфтажа таргафт сьоронь анокламань роботати бригадирхне, марнек колхознай массатне. Тяфтома аш кода вятемс лац тюремась рваческай, кулацкай мяльхнень мархта мелкобуржуазнай кайхнень мархта, конат неньга лацть башка колхознекнень иоткса и саламатьнень каршос.
Сьоронь анокламась башка эряйхнень иоткса государственнай заготовительнай организациятне мольфцазь тяфтажа контрактациень метоца.
Башка мяль эряви явоштомс ся обязательстватнень лангс, конатьнень сявозь эсь лангозост башка эряй хозяйстватьне мимс государствати сиорода эрь гектарста аф колхознекта кржа. Тяфтамажа улеза нежедемась и ся башка эряихненьди, конат исть тиеньде договорхт зоготавительнай оргатнень мархта
Мокшэрзянь ВКП(б) нь обкомонь и облКК нь марстонь пленумсь путозь: ...„Марнек партийнай организациятьненьди мобилизовандамс сьоронь аноклама кампаниять задачанзон перф сембе партийнай, комсомольскяй вийхнень, профсоюзнай организациятнэнь, колхознай активть и совецкяй общественность печать и вишкста тюремс види ширдень оппортунистонь мяльхнень, „кершос“ ширень мяньцихнень мархта, келиста мольтф, массовай робота, колхозснекнень, башка эряйхнень совхозса и МТС-са рабочайхнень йоткса, пачфтемс тя содамась эрь колхознекс, башка эряйс, што васенце задачакс эрь МТС-ть колхозть и башка эряйть лисенди лац сиоронь пяшкодема планць. Шавомс пря, штоба 15 октябрьскай революциять годовщинанцты пяшкодемс Мокшэрзянь облазть эзга сиоронь анокламась“!,
Тянкса сьоронь анокламань кампаниять ушоткстонза эрявихть сяда лацкас пользовондамс сьоронь анокламань боевой лозуноне колхознай, башка эряйхнень совхозонь и МТС-нь робочайхнень иоткса. Шавомс пря, штоба синь лацкас шарходелезь эряви сембода иньголе пяшкодемс сьоронь анокламань планць ся пиньгть эзда, конань максозе Мокшэрзянь ВКП(б)-нь обком облКК марстонь пленумс октябрьскай 15-кизонь празднект васфтомс 100 проц. сьоронь анокламань планонь пяшкотьфста.