Священная история Ветхого завета (мокшень)/О/06
| ←5. Адамть дъ Евать грехс прамда меле эряфсна. | Священная история Ветхого завета на Мокшанском наречии Мордовского языка (1900) by 6-це главась. |
7. Потопа.→ |
| Священная история Ветхого завета на Мокшанском наречии Мордовского языка. Издание Православного Миссионерского Общества. — Казань, типо-литография Императорского университета, 1900. — с. 7—9 |
6. Адамть иденза.
Райста панемда меле, Адам мархта Евань шачсть кафта идьсна: оцють лемоцоль Каин, ёмлать Авель. Каинсь видендсь сёра, Авельсь ванондсь учат. Весть синь кафцке кандсть озкст. Каинсь кандсь эсь сёродонза, а Авельсь инь цебярь учанц. Авель ломансь цебярель, сон озкстьке кандозе цебярь седиса, сяс Шкайсь сонь озксонц пърняндазе. Каин ломансь аф цебярель, сон озксонцка кандозе аф цебярь седиса, сяс Шкайсь сонь озксонц ашезе пърнянда. Каинсь сельме каясь брадонц лангс: тердезе сонь паксяв дъ тоса шавозе. Шкайсь ёралексольхце сонь каендафтомс; тихтедсь теенза дъ кизефтезе: Каин, коса тонь Авель братце. Каин Шкайть каршес кяжиста мярьгсь: деряй мон брадозень ваныецан? Мон аф содаса, коса сон. Эста Шкайсь мярьгсь теенза: Каин! мезь тон тиеть? Мезенкса тон шавить братцень? Тонь братцень вяроц Мондиень модаста пешкоды. Сянкса тон улят сюдоф дъ кармат масторть ланга тевфтома шарома. Каинонь эзда шачсть аф цебярь ломатть. Синь мяльсостоль, кода ба аньцек цебярьняста эрямс тя шиса ды танцтиняста симомс-ярхцамс, а Шкайть кувалмова ашесть арьсе; сянкса теест мярьгольхть ломанень цёрат.
Авельть вастс Шкайсь макссь Адамонди колмоце цёра. Сонь лемоцоль Сиф. Сифть эзда шачсть цебярь ломатть; синь кулхцондсть Шкайть эса дъ пельсть эздонза. Сянкса теест мярьгольхть Шкаень цёрат. Сифть родса ульсть цебярь ломатть.
Энох, конанц цебярь эряфонкса Шкайсь живста сявозе менельти; Мафусаил, конац эмбода ламос эрясь масторть лангса (вейхкса сятт кодгемонь вейхкса киза); Ной, конанц Шкайсь ванозе потопать эзда.