Колхозонь эряф/1933/02/СССР-онь и РСФСР-онь совецкай писателень союзонь оргкомитетть парарьсемац
| ←ВКП(б)-нь ЦК-ать парарьсемац А. С. Серафимовиченди. | Колхозонь эряф (1933), 2 (46) № январь edited by Шестов Н. С., Порватов Т. М. СССР-онь и РСФСР-онь совецкай писателень союзонь оргкомитетть парарьсемац. |
Пролетарскай писательти А. С. Серафимовичти→ |
| Колхозонь эряф (Колхозная жизнь). Мокшонь литературно-художественнай журнал. Нолдаец ВКП(б)-нь обкомсь, облисполкомсь и облпрофсовець. Лисенди ковти кафксть. — 2 (46) № январь, 1933 к. — с. 3 |
| СССР-онь и РСФСР-онь совецкай писателень союзонь оргкомитетть парарьсемац. |
Келгома, Александр Серафимович! Тонь сизьгемонь кизонь годовщинастот минь кучтама тейть парарьсема кода писателенди, конац эсь литературнай тевонц васень шистонза ушодомок и мянь тя пинкс молемазонза сембе эсь существанц и сембе творчестванц мархта ульсь рабочай клазть йоткса. Тон няфнить сонь революционнай кепотьф мяленц, тонь протестонь макссема вайгяльце пяк кайгиста кулендевсь инь шовда, инь мрачнай реакциянь пинкста, мзярда революциять эзда явф интеллегенциясь кштикшнесь реакциять мораманц коряс, сельгончнезе революциять. Тон апак модеряк кандыть эсь знамяцень сембе нят кизотнень пачк, мзярда тушонцть, мзярда кафта пяли люксесть пяк ламот.
Тейть нят стака кизотнень ичкиздя кучсь рукопожатие Владимир Ильич Ленинць, конац кулезе тонь мужественнай вайгяльцень реакциянь шеттнень шакалатнень пешкочнемаснон и расхемаснон пачк, Марса рабочай клазть мархта тон сать пролетарскай революцияти, тон пяк цебярьста и кельгозь няфтить сонь эсь „железнай потоксот“
И тянингя тонь нилегемонь ветие кизонь литературнай работадот меле, тейнек ули кода танга весть лятфтамс Ильичть валонзон сянь колга, „конашкава эряви рабочайхненди и сембонди тейнек тонь работаця“.