Валда ян/1931/02/Революциянь вооруженнай виень вятись

From Wikisource
Jump to navigation Jump to search
Валда ян (1931), № 2, февраль ков edited by Леонтьев С. Б.
Революциянь вооруженнай виень вятись.
Валда ян. Светлый путь. Эрьковонь общественнополитическай и колхознай журнал нолдаец Мокшэрзянь ВКП(б)-нь обкомсь и облик-сь. — 2 №, февраль ков, 1931 киза. — с. 8
[8]

Революциянь вооруженнай виень вятись.

(К. Е. Ворошиловть 50 кизонь топодема шинцты.)

Валда ян 1931-02 08стр изобр1.jpg

Клементий Ефремович Ворошиловсь шачсь 1881-це кизоста, февраль ковть 5 це шистонза Верхнай велеса, ингольдень Екатеринославскай губерняса. Сон уставась работама 6—7 кизоста сявомок: инголи шахтаса работась колчеданонь кочксикс, тоса постуфокс помещиконь пяля. 1896-це кизоста Ворошиловсь сивоць рабочайкс Алчеквскай станцяста заводти 1890 кизоста сонь руковоцтванц ала чугунно литенай цехса крьвязсь забастовка, конань пинкста Ворошиловть арестовандазь

Арест алда нолдамдонза меле сон ульсь 3 кизот работафтома. И аньцек 1903 це кизоня Ворошиловсь кармась роботама Луганскайса Гартманонь завоца, коса сон сувась Российскай социал демократическай рабочай партияти. 1904 це кизоня Ворошилов сувась РСДРП-нь ЦК-ти и эстакигя арась фкя кядь ланкс большевиконь фракцият мархта.

1905 це кизоня Ворошиловсь работай Гартманонь завоца, коса вяти руководства рабочаень забастовкатнень мархта. Завоца пуропневсть депутацкай пуромкст и завоца работась рабочаень профсоюз. Председателькс ня васенце пролетарскай организациятненди рабочайхне кочказь Ворошилофонь. 1905-це кизоня луганецне нолдафтозь Ворошилофонь тюрьмаста, а 1906 це кизоста, партакциять пинкста Ворошилов тусь подпольяв. 1906 це кизоть васенце ковонзон пинкста Ворошилов ульсь кучф партиянь Стокгольмскай пуромксти (с‘ездти) коса сон васець Ленинонь и лия содаф большевикнень мархта. Стокгольмаста самдонза меле работась партийнай организациять боевой дейсвиянзонда анокламасост. 1907 це кизоня Ворошилов, кода Луганскай делегат, работай Лондонца марстонь партийнай пуромксть эса. Сяка жа кизонь июль ковста сявомок, пяртийнай Южно-Русскай пуромкста меле, комац ульсь Киевса, уставасть сонь арестонза, ссылканза, обысконза и мельганза ваноматне.

1917-це кизоня февраль ковста Луганскай пролетариаць кармась вешема, штоба Ворошиловонь мрдафтолезь маки Луганскаи и сонь мрдафтозь. Тяса сон ульсь инголи кочкаф председателькс Луганск ошень думати, сяда меле Луганскаень рябочай депутатонь советти председателькс. Октябрьскай революциять пинкста Ворошилов вииста работась рабочайхнень вооружендамаснон ланкса, штоба пуроптомс якстерь гвардиянь отрядт. 1918-це кизоня Ворошилов тюрини, кода руководитель, эсь вийсонза пуроптф коммунистическай партизанскай отрядть мархта немецкай оккупационнай войскатнень каршес.

Апрель ковста сембе партизанскай отрядтне, конат тюрьсть немецнень мархта ульсть йотафтфт украйинскай 50 це армияти, командующайкс коза ульсь кочкаф Ворошилов. 1918 це кизоня ноябрь ковста Ворошилофонди максф 10-це армиянь командованиясь. Курокста сяда меле сонь путозь Украинань потма тевонь вяти Народнай Комиссаркс. Тяса сонь кочказь ВКП(б-нь) ЦК-нь членкс. 1918-це кизоня май ковста Ворошилоф меки гражданскай войнань фронца работай командующайкс 14 це армиять эса. 1919 це кизоня Ворошилов путневи васенце коннай армиянь Реввоенсоветти членкс.

1921-це кизоня гражданцкай войнать аделамда меле Ворошиловсь путнефоль Северо-Кавказскай военнай округонь войскань командующайкс. Сяка жа кизоня партиянь 10 це пуромксса сонь кочказь ВКП(б нь) ЦК ти членкс и сяда мале сонь эрь партийнай пуромксса кочксесазь ЦК ти. 1924-це кизоня Ворошилов кочкаф СССР нь Реввоенсовету членкс, Москувонь военнай округонь командующайкс. 1921-це кизоста сявомок Ворошилов апак лотксек чочксеви ВЦИК ти и СССР нь ЦК ти членкс. 1926 кизоста сявомок сон работай ВКП(б нь) ЦК нь политбюроса членкс.

Фрунзе ялгать куломдонза меле Ворошилов тертьф Совецкай Союзонь вооруженнай вийхнень ланкс руководителькс, мзярда сон и кармась йотафтомонза эряфс армиять реформанц, конань основной положениянзон вельхксса сон работась нинге Фрунзень пинкста.

28 киза Ворошилов ащи большевицкай партиянь отрядтнень эса. Кода кеме ленинень сон ня кизотнень ащесь кемоста и ашельхть кодамовок мяньдеманза партиять генерельнай китьксонц ланкса. Боевой заслуганзон инкса Ворошилов ялгаи максф якстерь знамянь 4 ордетт и почетнай оружия.