Валда ян/1928/03(4)/Од ломатня революциянь тевса

From Wikisource
Jump to navigation Jump to search
Валда ян (1828), № 3 (4), Май ков edited by Шотин И. В.
Од ломатня революциянь тевса
Валда ян. Эрь ковонь общественно-политический и велень-хозяйствань журнал. Нолдаец "Од веле" газетать редакцияц. — № 3 (4), 1928 кизоня, Май ков. — с. 6
[6]

Од ломатня революциянь тевса.

Кодак яфодезь боярхнень ди буржуйхнвнь власть эзда синь эзк кяжиесть рабочийхнень ди сокай ломатнень лонкс. Кармасть эсь перфкаст кочкама баярнь, буржуйнь, попонь, козя аляннь церат, штоба меки сявмос властть эсь кядезст. Кармасть эсь ширезст васкафнема сокай ломанть эса.

Синь корхтасть, што советскай власць куваць аф эряви, што сон пяк лама эряй ков, или кафта, а тоса калады. Вастозонза арайхть синь-боярхня ди буржуйхня. Попня сембя арасть баярхнень ди буржуйхнень шири и кармасть советскай власть эса сюдома.

Кепоць фкяфкянь йоткова вайна. Ифкя ширеса тюрьсть боярнь, буржуйнь ди попонь-козя алянь цератня, а обмоця шири арасть рабочийхня ди сокай ломатня эсь цьораснон и стирснон мархта.

Од ломатня здкие, кодак баярхня ди буржуйхня кармасть тюрема советскай власць ланкс, арасть советски власть шири. Тийсть синь истейст эзкие, (кодак совец панензь буржуйхнень), од ломаннь организацие (комсомол). Комсомолсь кармась вятема эсь мельганза сембя од рабочай сокай ломатнень.

Од ломатня ошса и велеса кадозь куц мамаснон и аляснон, акаснон и алнякаснон, аваснон и ицнон и тусть вайнав буржуйхнень ланкс.

Коса ашелхть од ломатня? Сембя фротнень синь йотазь. Тюрсть сембя вастнонь эзга баярхнонь утору. Тюрсть мянь сынарс, мызярда синдезь баярхнень ди буржуйхнень сялдазснон. Панезь савсем оцю азорть баярхнонь ди буржуйхнень мархта. Миннь масторнь од ломаннекя няфтезь, кода тюрьмос советскай власть инкса, сембя мирти. Сяда меля масторнеськ аромс аф пычкяй ломатнень эзда.