Валда ян/1928/03(4)/Мезя лифць партроботнеконь совещаниясь ВКП(б)-нь ЦК-са. (Мокша-эрзянь печатть колга).

←Мезя путф тиймось 1928 кизоня

Валда ян (1828), № 3 (4), Май ков edited by Шотин И. В. Мезя лифць партроботнеконь совещаниясь ВКП(б)-нь ЦК-са. (Мокша-эрзянь печатть колга).

Од ломатня революциянь тевса→

Валда ян. Эрь ковонь общественно-политический и велень-хозяйствань журнал. Нолдаец "Од веле" газетать редакцияц. — № 3 (4), 1928 кизоня, Май ков. — с. 2

Мезя лифць партроботнеконь совещаниясь ВКП(б)-нь ЦК-са.

(Мокша-эрзянь печатть колга).

Мокша—эрзянь печаць, кода газетатня, станя и книгатня, мекпельдянь пинкть эзда цебярьгацть, но тяконь мархта совещаниясь лувсы эрявиксоньди йотафтомс тя кига тяфтама тефть.

Газетатнень колга.

Тяда цебярьста ваномс газетатьнень идеологической ширеснон, штоба тя кига синь улелхть мольфт кода эряви.

Газетатнень эзда „Якстере Теште“, „Од Эрямо“ и „Од Веле“ эзга макссемс руководства мокшотнень йоткса партпросвещениянь колга.

Сянкса эрявихть нолямс статьят, кода ванондомс партс‘ездтнень, партконференциянзон и ЦК-ть пленумонзон решениянзон, а станя же макссемс методическай материал политграмотань и эсь прянь тонафнема школатненди.

Газетань редакциятненьди эсь пингоня сьормадомат хозяйственнай и лия компаниятня, конатнень йотафнесынь партиясь.

Келептемс хозяйственнай и культурнай строительствать колга сьормадомать. Башка азондомс велеэряхненьди, конашкава цебярь вятемс хозяйствась артельхнень, машиннай товариществатнень, оцю коллектифнонь и лия кооперативнай организациятнень вельдя.

Газетатнень эса улеза сяда лама материалда сянь колга, кода работахть вастова ащи колхосня, кода велеэряхня цебарьгафнесазь модань урядамаснон, кода касыхть велеса машинатня, кода работахть велень хозяйстваса мокшонь кооператифня.

Эрявихть саф Сьорматнень вельдя арсемс, кода йотафневихть эряфсь велетнень эзга партиять и совецкай власть мяленза а станя же сят мельхня, конатнень лифнесазь синьц мокшотня.

Сяс, мес мокшонь газетатня, цебярьста лездыхть хозяйствань и культурнай ширеснон кеподемаснонды, совещаниясь мяргеньди сембя губернянь и уездонь секциятненьди, касфтомс газетатнень тиражснон.

Сянкса сембя партийнай и комсомольскай ячейкатненди и Волкопненьди, а станя же совецкай и кооперативнай учреждениятненьди, сьорматфтомс эсь лемезост газета.

Башка „Якстере Теште“ газетать 1929 кизоть самс, кеподемс тиражоц 10,000, сянкса тиемс башка губернява разверстка.

Газетань редакциятненьди варжакстомс ся шири, штоб газетась сьормачневоль шярьхкодевикс валса:

Сембя сьорматфня улест шарькодевикс кяльса, а сянкса лия кяльста йотафтомста, аф нолямс аф шарькодевикс статьят и валхт. Аф сьормадомс пяк кувака статьят и сяда кржа сявондемс рузонь кялень сьорматфста.

Кяльть тьождялгафтоманцкса и петеманцкса и сянкса, штоба содамс морафтыхнень мяльсна, газетаса нолямс кулень пачфтыхнень и морафтыхнень предложенияснон. Кеподемс кизефксть эрзянь и мокшонь кяльхнень маркстоптомаснон колга. Тиемс учед, кулянь пачфтихненьди и синь кружокснонды и газета сьорма вельдя латьцемс тевснон. Марса тяконь мархта лифнемс кулянь пачфнихня общественнай тевс, а станя же кучсемс тонафнема васц.

Газетатненьди макссемс ответт сокай ломатнень кизефкснон каршос, сянкса оцюлгофтомс юридическай и агрономическай тефнень. Макссемс ответт мокшонь ответственнай работнекнень вельдя.

Пуроптомс газетать перьф актив ответработнекнень, студентнень и лиятнень эзда, конатнень мархта корхтафтомс газетань цебярьгафтома тевть. Сияк макссемс тейст заданият.

Сят сьорматфнень, конат лифнесазь ушу кальдяв тефнень, педапесь кочксемс прокурорть и лия орган вельдя.

Мяргомс вастова ащи орготненьди, курокня кочксемс заметкатнень коряс тефнень и мезя тийфь корязост, пачфтомс кулят газетати.

Касфтомс газетань рамсемать сят вастнон эзга, коса улихть мокшонь рабочихть (Бакуса, Нижнайса, Донбазса) и серьгадемс эздодост кулянь пачфтихть.

Цебярьгафтомс газетань пачфнемать, почтатнень и лия организациятнень вельдя. Сяс, мес „Од Веле“ газетать морафнесазь сембя СССР-са мокшотня, лувомс соннь аф. губернянь газетакс, а марстонь СССР-нь мокшонь газетакс.

Сяс, мес комсомолонь газетась „комсомолонь вайгяль“ сьолкф партийнай газетатнень эзга.

«Якстере теште» и „Од Велети“ эряви сьормачнемс комсомолть и од ломань эряфть колга.

Лувомс эрявиксоньди нолямс литературно-хозяйственнай веле-хозяйствань шири шави журналхт, эрзатненьди саратуса, а мокшотненьди Пензаса „Од Велеть“ мархта.

Совещаниясь станя же лувсы эрявоксоньди нолямс мокша-эрзянь авань журнал „Эрзянь ава“.

Книгатнень колга.

Тонафнема литературада первай ступень школатненьди и семи-леткань васенця группатненьди, ШКМ-тненьди и совпартшколань отделеньятненьди, улеза анаклаф мзяра эряви.

Сембя литературась эрзятненьди нолямс эряви Ардатовонь кяльса, а мокшотненьди Беднодемьяновскинь и Темниковань кяльса.

Ингольдень пингти издательскай планти, сувафтомс ламоня общественно-политическай литературада. Куроконя ушоптомс ноляма ленинскай библиотечка.

Нолдамс мокша-эрьзянь кяльса литература 15 партиянь с‘ездть колга и антирелигиознай тонафнема книга.

Секциятнень и вастова ащи работнекнонь вельдя арьсемс, кода ладяй веле-эряхненьди, эсь кяльсонок ноляф литературась.

Касфтомс художественнай литературань нолямась, сияк ваномс идеологическай ширенц ланкс. Штоба цебярьгафтомс мокшонь книгатня, вастова ащи работнекненьди, сьормачнемс колгаст отзыфт газетав.

Книгань рамсема тевса, лездост мокшонь школатня и лия тонафнема вастня.

Тонафнема книгань нолямста ваномс сьорматф материалснон, штоб синь улест цебярхть идеологическай ширеста.

Мокшонь книгань мишеньдемать ладямс кооперативонь лавкатнень вельдя.

Сянкса, штоба уцегзафтомс и цебярьгафтомс, мокша-эрзянь печатть, ГИЗ‘онь типографияти путомс мзяра эряви наборщек, кода газетань, станя и книгань кочкамати мокшотнень и эрзятнень эзда.