Валда ян/1931/04/Майть васенце шинц йотафтомс ударнайста

From Wikisource
Jump to navigation Jump to search
Валда ян (1931), № 4, Апрель ков edited by Бажанов Л. Е.
Майть васенце шинц йотафтомс ударнайста
Валда ян. Светлый путь. Эрьковонь общественно-политическай и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 4 №, Апрель ков, 1931 киза. — с. 2
[2]
Майть васенце шинц
йотафтомс ударнайста

Майть васенце шиц ащи сембе масторлангонь пролетариатть иньголя пяк оцю шикс — тя шись пролетарскай ши. Тя шить эзда сембе—масторлангонь пролетариаць ниньге весть варьжасы эсь виенц, штоба улель анок миравой буржуазиять каршес тюремати. Тя шить эзда, ниньге весть мировой пролетариясь няфцы виенц миравой капиталти штоба содалезь сянь, што миравой пролетариясь эрь пиньгоня анок ваномс мировой хищникнень и эзда, сембе масторхнень йоткста васенце пролетарскай государствать — С.С.С.Р-ть!

Минь масторсонок, майт васенце шиц кармай йотафневома сянь инкса, штоба пачкодемс ниньге сяда курок социализмати, коммунистическай партиять генеральнай китьксонц вельде И сатфксонеконь мархта ниньге сяда вишкста карматам лездома мировой пролетариати, штоба эрь масторсь, шарфтамс пролетарскай масторкс.

Минь, Мокшэрзянь облазьца тя пролетарскай, сембе масторнь майть, карматама йотафтома станя, штоба тя пролетарскай шить эзда, ниньге сяда вишкста и цебярьста карматама сембе. Мокшаэрзянь облазнь трудяйхне пяшкодьма вите кизонь планть колмоце инь оцю планонц кизон эса, штоба тя кизоть йотамс, минь мокшэрьзянь облазць улель марнок шарфтаф социалистическай секторти — сплошной коллективизацияса и коллективизациять вельде машфтомс кулакть кода классонь. Тя сатфксть эса вачькодеви аф аньцек кулачествась, а станежа ули вачькотьф сембе капитализьмань эряфсь.

Минь иньгольнок майть Васенце шинцты анокламась эрьяви ладямс, штоба сембе мокшэрьзянь трудяй ломатнень пуроптомс варьама кода пяшкочневи вете кизонь плантть инь оцю (решающай) кизонц планоц, кодама минь сатфкст сатомясонь пяшкодеманц эса сянь инкса штоба эрь тевть пешкодеманц эса, ниньге сяда вишкептемс и цеберьгафтомс социалистическай фкя-фкянь йотама тевть, вишкоптемс ударничествать, машфтомс марнок сязьф вастне эрь тевса Большевикокс ладямс тундань видьмать йотафтоманц и штоба майть васенце шинц самос, аф 40 не кержа процент улель пуроптф колхозу батракнень, ашуфнень и середняконь хозяйстватнень эзда а станежа кемокстамс сатфкснень колхоснень эзга и эрь колхозса йотафтомс эряфс сдельнай тевонь тиемать.

Майнь аноклама шити сембе тевть путомс и ладямс крайкомть путфксонзон коряс, штоба майнь анокламась улель ладяф крайкомть путфксонзон пяшкодеманзон инкса, конат путфт Мокшэрзянь ВКП(б)-нь обкомть докладонц колга.

Эряви тиймос сянь, штоба майти анокламс сплашной коллективизациянь празник, катк эрь совхозсь, эрь МТС и эрь колхозсь тундань видемать йотафцазь ударнайста, штоба ударнай тундань видемать вельде, таргамс ниньге сяда лама башка эряйда колхозу.

Майть васенце шиц ащи стама празникокс, конань эзда кемокстай сотксь сембе масторонь пролетариатть йоткса. Сяс эряви сембе рабочайхнень, батракнень, ашуфнень, колхозникнень йоткса ладямс интернациональнай воспитаниясь, штоба воспитаниясь улель, ладяФ вишке темпса социализмань тиемати, штоба ниньге сяда цебярьста улель ладяф СССС-нь эсь прянь ареляма тевсь миравой хищникнень эзда, эрь пингоня штоба улель максф инь вишке опор сятненди конат кармайхть молема СССР-ть ланкс тюрема, кинь мялец, штоба СССР-сь — сембе масторонь пролетариатть отечествац улель йотаф войнаса.

Социализьмань сатфкснен сатомаснон пинкста эряви инь кемоста вачкдемс эрь оппортунизмань мяльхнень ланга. Эряви, штоба майть васенце шиц улель ладяф сембе ударникненьди рабочайхненди, батракненди колхозникненди.


 

1 МАЙСЬ вишкопцы

Валда ян 1931-04 04стр изобр1.jpg

революциянь толть