Эрзянь Мастор/2011/12/Кулось Биушкина Мария Романовна...
| ←Прявтлопа | Эрзянь Мастор, № 12 (356), 24 июня 2011 edited by Нуянь Видяз, Кшуманцянь Пиргуж Кулось Биушкина Мария Романовна... |
Кулось Арапов Александр Васильевич...→ |
| Статья на сайте газеты: № 356, 24.06.2011, Кулось Биушкина Мария Романовна... |
| Кулось Биушкина Мария Романовна... |
Биушкина М. Р. чачсь 1925-це иень ацамковонь 14-це чистэ Мордовия Республикань Дубинькань буень Морга велесэ. Сон — сёрмадей, келень содый, филологиянь кандидат (1978). Прядызе 1955 иестэ Мордовиянь педагогикань Полежаев лемсэ институтонть. 1957-62 иетнестэ — тонавтыцянь тонавтома институтонь методист. 1962-70 — Саранонь телевидениянь, эйкакшонь невтнемань куронь редактор. 1971-84 иетнестэ — Стерлитамаконь (Башкортостан) ды Славянск ошонь (Украина) пединститутонь тонавтнема пельксэнь прявт.
Кода филологиянь кандидат вешнесь-мукшнось вейкеть валт эрзянь ды рузонь кельтнесэ. Сермадсь школасо тонавтнемань книгат, ёвтнемат, стихть, пьесат.
Мария Романовна ламо паро тевть тейсь эрзянь келень идема мелявкстнесэ. Ламо иеть важодсь Московонь «Эрзянь вайгель» вейсэндявкссонть, ульнесь зярыя иеть сонзэ прявтокс. Лездась, вийть эзь вансто, Эрзянь келень идема Фондонтень, ульнесь «нежекс» «Эрзянь Мастор» газетантень, сравтнесь-сермадсь Московонь эрзятнень юткова. Паро тевензэ-тешкстазельть А.П.Рябовонь лемсэ Казнесэ (2005).
2011-це иень аштемковонь 19-це чистэ Московсо Мария Романовнань эрямо кизэ прядовсь. Калмизь Якстере Луга велинес — Мордовия, Дубинькань буе. Эрзянь келень ванстомань тевтнесэ те покштояк покш ёмавкс.
Ёвтатано седей ризкс малавиксэнзэ туртов. Кадовить Мария Романовнань ине тевензэ ледстнемакс ламо иень перть.
| Нуянь Видяз, Кшуманцянь Пиргуж, Шарононь Сандра, Калаганонь Керяз, Кузоватонь Оля, Дригань Толай, Аношонь Тумай |
* * * * * * * * * * * * * * * * * * * * * * * * * *
Юткстонок Мария Романовнань туемазо кепедсь седейсэнек мейсэяк а онкставикс ризнэмань давол. Вечкевикс ялганок эрзянь келенть кис ойме виензэ пес пшкадема тевсэнзэ пингень пес кадови мельсэнек ды седейсэнек. Вере пазось максозо тензэ чевте таркат-тодовт.
–––
Московонь эрзянь диаспорань пельде Лидия Круглова, Раида Степанова, Мацьказ Лёфай
|
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |