Колхозонь эряф/1933/16/Кивейхксыеце МЮД-сь

From Wikisource
Jump to navigation Jump to search
Колхозонь эряф (1933), 16 № Август ков edited by Шестов Н. С., Порватов Т. М.
Кивейхксыеце МЮД-сь.
Колхозонь эряф. Мокшонь литературно-художественнай и общественно-политическай журнал. Нолдаец Сембе союзонь писателень Мокшэрзянь областень оргкомитетсь. Лисенди 6-це кизось эрь ковти кафксть. — 16 № Август ков 1933 киза. — с. 1—3
 
[1]
Шумбра  улеза
 
19-це сембе мастор-
лангонь од
ломанень шись!
 


 
Кивейхксыеце
МЮД~сь.
 
В. И. Ленин комсомолонь 5-це с‘ездти приветствиясонза (1922к.) сьормадсь „Мон надиян, што молодежсь машты развиваться тяшкава цебярьста (успешнайста) — штоба мировой революциять тяда мельдень моментонц кенеремя пингонцти улемс задачать высотаса.“ Эрь международнай юношескай шись арси яркай этапокс трудяень од ломаттнень революционнай самосознанияснон касоманцты, яркай вешкакс комсомолть мировой пролетарскай революциять инкса тюремаса, КИМ-онь знамятнень алу сембода ламонц од ломаттнень пуроптомаснон инкса.

Тятде сембе масторлангонь трудяйхне кивейхксыецеда йотафнесазь международнай юношескай шить. Кда инголи тя шись йотафневоль сентябрь ковонь васенце недяляшиста, то тяни сон йотафневи фкя определеннай числаста — сентябрь ковть 1-це шистонза.

МЮД-сь арси революционнай од ломаттнень активнай шиснон вишкоптема и боевой шиснон ванома праздникокс и тяконь шовор арси пяльксокс сембе революционнай тюремати, конань ланкса руководствать вяци Коминтернась. Тя няфнесыне и МЮД ть лозунгонзон, сонь задачанзон, конат арсихть лозунгокс и задачакс сембе мировой революционнай движенияти.


„Комсомолецт! Революционнай бдительностсь ащи ся самай ширекс, кона сембодонга пяк тяни эряви большевикненди“

(Сталин)


[2]Капиталистическай противоречиятнень вишкомомаснон шовор, Европаса фашизмать наступлениянц Китайса войнать вишкомоманц, капиталисттнень мархта СССР ть каршес войнань анокламать шовор-пяк эрявиксонди арси эрь масторса комсомолть шири сембода ламоц рабочаень од ломатнень таргамасна. Таргамс од ломаттнень фашисттнень, социал фашистнень и од ломанень фсякай буржуазнай союснень влиянияснон алда — инь оцю задача комсомолть эрь шинь работаса и лозунг 19-це МЮД ти.

Комсомолсь тюри революционнай тюремань ингольце позициятнень эса. Германиянь комсомолсь марса коммунистическай партиять мархта молезь и сонь руководстванц ала, няфць пяк цебярь образецт фашисттнень мархта тюремаса. Китаень комсомолсь, конань эзда лувондови 250 тьожань ломань, кирьди пяк оцю роль Китаень советскай райоттнень кемокстамаса и вяти пяк-оцю работа од ломаттнень сембе масторса советскай революциять инкса тюремаса. Польшаса, Японияса и лама лия масторга комсомолсь пуропнесыне эсь перьфканза сембе рабочай и трудяень од ломаттнень.

Единай революционнай фронтть алуда кемокстаманц вельде од ломаттнень йоткса од позициянь сатомась, фашистнень и социал фашистнень ланкс лама тьожань од ломанень сельмонь панжемась синь революционнай тюремати таргамасна — тяфтама комсомолть задачац капиталонть масторхнень эса.

МЮД сь шачсь кода империалистическай войнать каршес протестонь максома ши. Тя лозунксь ащи пяк эрявикс лозунгокс тяниеньгя, мзярда капиталисттне вишкста аноклайхть война советскай союзть ланкс, мзярда синь аноклайхть од мировой бойня.

Германияса фашистне сембе государственнай аппаратонь вийть, а станя жа и эсь агитацияснон наводьсесазь сянь ланкс, штоба тонафтомс оц поколениять станя, кода ба сон апак атказакшнек работаль капиталисттненди и ащель теест эксплоатациянь вийкс. Трудяень од ломатнень ланкс фашисттнень тя настуллениясна МЮД онь шиста получай кемя удар и касфцы революционнай настроениять и классовой самосознаниять, касфцы мяльть вача шить и нужатнень, капиталистнень и фашистнень каршес единай революционнай фронтонь пуроптомати. Демонстрациятне, собраниятне и стачкатне — арайхть цебярь проверкакс од ломатнень инкса комсомолть тюреманцты.

Капиталистическай масторонь комсомолсь Мюдонь шиста лифцыне ульцятненди сембе пролетарскай од ломаттнень капиталистическай системать, вача шить, нищетать и работафтома шить каршес тюремань лозунг мархта, социализмать, сембе масторланкса советскай системать инкса; од вайнань и антисоветскай интервенциянь анокламать каршес.

Советскай Союзсь — тя база мировой революцияти. Вов самай тянгса кда капиталистонь масторэнь комсомолсь МЮД-онь шить лиси ульияв СССР-ть арелямаса лозунг мархта — тя сон пяшкочнесы эрь интернациональнай обязанностенц. Тяфтама жа интернациональнай обязанностекс советонь союзонь комсомолти арси Советонь масторть кемокстамац, трудти видексонь коммунистическай огношениянь образецонь няфнемась. Вов тя няфнесыне СССР-онь од ломаттнень основной задачаснон МЮД-онь шиня.

МЮД сь — тя сембе СССР-онь од ломаттнень партиять основной лозунгонзон перьф пуроптомаса ши. Техникать инь цебярьста тонадомац, индустриальнай культурань высотатнень содамасна, трудонь оцю производительностть инкса тюремась, уцезь и цебярь качествань товарть инкса тюремась — вов кодамот рабочай од ломатнень МЮД-онь лозунксна. Няфтемс производствать ланкса большевистскай руководствань образецт, йотамс канцеляриятнень эзда цехненди — вов обязанносьцна од ломаттнень — инженерхнень и техникнень. Машина ки ланкса работай комсомолецненди эряви няфтемс, кода синь тюрихть ЦК-ать и Совнаркомть транспортть кол-

Комсомолецт, тонафнесть большевизмать истори- янц, Марксонь, Энгельсонь, Ленинонь, Сталинонь про- изведенияснон.

[3]га путфксснон пяшкодеманц инкса.

Аф кадомс паксяти, тинге ланкс, кить ланкс фкевок юмафтф зерна, образцовайста йотамс сьоронь урядамать, тялямать, озимонь видемать, ловалу сокамать и кормань шапафтомать, пинкта инголе пяшкодемс государствати сьоронь ускома плантть, тевса тюремс большевистскай колхоснень и зажиточнай колхозникнень инкса — тяфтамот велень комсомолть МЮДовскай задачанза. Комсомолецненди эряви улемс паксяса тинкса социалистическай фкя-фкянь йотамань видексонь организаторкс, ладямс тракторть, молотилкать, комбайнать лац тонафнеманц и цебярьста тевс путоманц, эрь шиня касфтомс од ломаттнень классовай бдительносьтснон, наводямс синь тюрема кулакнень, ноланень рвачнень и жуликнень каршес. Совхозонь и колхозань од ломаттненьди эряви сатомс почетнай васта Сталин ялгать краснай книгаса.

Комсомолсь — тя боевой резерв Якстерь армияти. Тонадомс военнай техникать, анокламс пряцень стане, штоба арамс инь цебярь летчикокс, танкистокс, артиллеристокс, цебярьста ладямс шефствать морской и воздушнай флотть ланкса, кемокстамс Якстерь армиять железнай дисциплинанц — вов МЮД онь лозунгкне.

Ленинскай партиять и мировой пролетариатть вожденц Сталин ялгать руководстванц ала ВЛКСМ-сь ингольпялонгя кармай улема васенце лездыкс партияти социализмань тиемань пяк оцю лозункнень пяшкодемаса, трудяень од ломанень массатнень энтузиазмаснон пуроптыкс. Комсомолсь арси васенце нажедема вастокс партияти сонь эсь рядонзон чуждай, неустойчивай и примазавшай элементтнень и оппортунисттнень эзда ароптомаса работасонза.

Ленинскай ксмсомолти сембе нят задачатне пяшкодевихть аньцек работань большевистскай стильть цебярьста тонадозь, Ленинонь и Сталинонь эзда работама тонафнезь, синь ученияснон цебярьста шарьхкодезь.

ВЛКСМ-сь — тя КИМть инголе ащи ведущей пяльксоц, конань оцю массовой работамань опытоц. Сяс МЮД-онь шиста СССР онь комсомолть инголи пяк оцю интернациональнай задачакс арси — максомс тя опытть мировой юношескай коммунистическай движенияти, кемокстамс сотксть сембе масторонь комсомолть мархта.

Комсомолти эряви пуроптомс трудяй ломатнень сембе вийснон, сембе энтузиазмаснон международнай юношескай шинь нят лозункнень пяшкодема.

Шумбра улеза 19 це МЮД сь — сембе масторонь од ломатненень капитализмать, фашизмать каршес, мировой пролетарскай революциять инкса тюрема пуроптомаса боевой шись. Сяда вяри Ленинонь знямянц! Шумбра улеза Коминтернась!