Валда ян/1931/04/Васенця майсь - свободнай тундань праздник

From Wikisource
Jump to navigation Jump to search
Валда ян (1931), № 4, Апрель ков edited by Бажанов Л. Е.
Васенця майсь — свободнай тундань праздник
Валда ян. Светлый путь. Эрьковонь общественно-политическай и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 4 №, Апрель ков, 1931 киза. — с. 1
[1]
Сембе масторонь пролетариятне, пуромода марс!

Валда ян 1931-04 03стр изобр1.jpg
4  № Апрель ков 1931-це киза 4  №
 
ВАСЕНЦЯ МАЙСЬ —
свободнай тундань праздник

Кафкса частонь рабочай шинкса!

Милитаризмать мархта тюрема!

Нят лозункнень эряфс йотафтома тернезень рабочай крдатнень 42 кизода инголя 2-це социалистическай Интернационалсь, кона ладязя 1-це праздникть.

Но сякокс 2-це Интернационалти нят лозункне эряфс ашесть йотафт. Ашесть йотафтов нингя эста, мзярда сон ульсь од революционнай шинц мархта. Сациал-демократонь, предателень элементтне сембе вийса старандасть тиймс сянь, штоба машфтомс 1-це маень праздникть революционнай характеронц, а синьць арасть лездыкс буржуазнай закотненди. Кой—коса дажи революционнай майнь праздникть шарфнезь тундань праздникокс, мзярда лисеньцть ошть фталу, коса якафцть (гуляндасть) и сяда башка мезевок аш.

Империалистическай войнать пинкста 2-це Интернационалть „геройнза“ кяшезь революционнай майнь знамять и вастозонза кепоцть национальнай флажокт, штоба тиемс гражданскай „мир“ и мирендафтомс класснень — буржуазиять и пролетариатть.

Кафкса частонь рабочай ши аш нльня сят странатнень эса, конат кагод ланкса сонь тийзь.

Социал—фашисттне и реформистонь профсоюзонь бюрократтне корхтахть рабочахненди, штоба синь работальхть сяда лама капиталисттненди, штоба тиемс „мир помышленносьца.“ Нльня афлувомшка безработицать пинкста, конань тиезя мировой экономическай кризиссь, социал-предательхне мезевок аф корхтахть сянь колга, штоба кирьфтамс рабочай шить, штоба кирьфтамс безработицать. А мезе корхтамс милитаризмать каршес тюремать колга? Тоса, коса властть кирьцазь 2-це Интернационалонь партиятне, синь аноклахть броненосецт, вишкоптихть вооружениять эса, аноклахть од война — васендакигя пролетарскай диктатурань странать каршес.

Социал—фашисттнень „Интернационализмасна“ ащи сянь эзда, што 2 це Интернационалсь пуропни штрейкбрехерствать и контрреволюциять эса сембе масторть ланкса.

Кизоста кизос, тяддя, кода и йотай кизоня, социал-фашисттне буржуазиять мархта марса аноклахть пулят 1-це майти рабочайнь демонстрациятненди.

Сембе вийса, сембе способса и метоца старандахть социал предательхне васькафтомс, шарфтомс рабочахнень революционнай выступлениять эзда 1-це майста тядденгя. Социал—предательхне, штоба угадямс капиталисттненди, аф визьдихть кошардомс полициять ляцема оружияста демонстранттнень—рабочахнень ланкс.

Но мезевок — аф васькафнемасна, аф пулемецна — аф лоткафцазь рабочай классть революционнай шинц касоманц.

Касы рабочай крдатнень йоткса революциянь войнась. Честнай рабочахне аф молихть буржуазнай агенттнень—социалпредательхнень меле, конат пуропнихть контр революциянь вийхнень эса 2-це Интернационалу. Честнай рабочахне йотахть революционнай лагери — 3-це Коммунистическай Интернационалу.

И грознай вайгяльса, сявомок шинь мадома ширеста и шинь стяма шири молезь, югста сявомок северу молезь кулеви сембе масторть ланга кулеви лама миллион ломанень вайгяль:

— Сембе СССР-ть ареляма — сон анци сембе масторонь трудяхненди социалистическай отечествакс!

Васеньце майнь шиста кепоцайнек эсь сембе вийнеконь социалисстическай экономикать строямасонок тя кизоня шумордаманцты.

Чепоцайнек вийнеконь странаньконь ареляма. Сядонга кемокстасайнек рядноконь социалистическай строительстваса сембе фронтова партиять генеральнай линиянц инкса тюрема практическай тевса.

Тяконь мархта минь кемокстасайнек сембе масторонь трудяйхнень позицияснон, конат тюрихть свободанкса.

Минь — ащетяма ударнай бригадакс сембе мастор лангонь пролетариатти, кона моли и пачкоди победати Ленинскай боевой руководствать ала, тии победа буржуазиять и социал—фашисттнень ланкса и тии великай праздник — праздник свободнай Трутти.