Эрзянь Мастор/2004/19/Варманть каршо молезь
←Ледстнема чить | Эрзянь Мастор, № 19 (194), 14 октября 2004 редактор Нуянь Видяз, Кшуманцянь Пиргуж Варманть каршо молезь |
"Эрзянь Мастор" читает мир→ |
Статья на сайте газеты: № 194, 14.10.2004, Варманть каршо молезь |
Варманть каршо молезь |
Ожоковонь 5-це чистэ Республикань Пушкинэнь лемсэ библиотекасо ютавтовсь газетань кемень иень топодемантень алтазь промкс. Панжизе редакторось Четвергов Евгений. Сон ёвтась зярыя валт «ЭМ»-ть ушодомадонзо ды тердинзе сцена лангс «васенцетнень»: Аношонь Тумай (Аношкин Николай) — Лукоянонь буень Эрзянь культурань музеень прявт; Кшуманцянь Пиргуж (Мусалёв Григорий) — инязор, эрзянь келень идема Фондонь прявт; Шаронов Александр — «Эрзянь Масторонь» васенце редактор, «Масторава» эпосонть теицязо, филологиянь доктор; Биккинин Ирек — «Якташлар» вейсэньдявксонь прявт, «Свобода» радионь корреспондент; Любаев Павел — Мордовиянь заслуженной поэт, Казаков Петр, культурань заслуженной важодиця.
Парот арсесть газетантень, ёвтазтнеде башка: Девяткин Валентин, меленть — эряви панжомс газета — максыцязо, эрзянь келень идема Фондонь Прявткуронь важодиця; Гордеева Людмила — Эрзяньды Мокшонь литературань музеень прявт; Келин Иван — Мордовиянь книгань нолдамонь тевень прявт; Республикань прявткуронть пельде Лузгин Александр — нациянь тевтнень коряс Комитетэнь прявт; Столяров Анатолий — печатень ды информациянь министранть полавтыцязо.
Эрзянь журналтнэнь ды газетанть пельде кортасть: Разгуляева Татьяна — «Сятко» журналонь редакторонть полавтыцязо; Ковалева Татьяна — журналистка, Мордовиянь ды Россиянь культурань заслуженной важодиця; Щанкина Раиса — «Эрзянь правда» газетань корреспондентэсь.
Мордовиянь прявтнэнь пельде сыцятне ды лиятне казсть зярыя питней казнеть.
Прядома валт ёвтась Кшуманцянь Пиргуж. Лездыцятненень казсь шнамо лопат.
Мазылгавтызь юбилеенть «Келу» ансамблянть эрзянь гайгиця моронзо.
![]() |
RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal. |