Темниковонь райононь
учительхненди казьса.
Вишке вармакс
Модать ланга,
Оцю эС-эС-эС-эР-га
Культпоходсь
Молема кармась,
Кода волнась ляйга.
Волнась
Вельхтязень велетнень,
Ошнень и завоттнень,
Серьгядезень
Вии валса
Сиретнень
И оттнень.
Стирьнек, цьоранек,
Алянек,
Стяда, ялгат
Стяда!
Сьормас аф содай
Ломаттне
Книгати кундада!
Тонафнеда,
Книгать вельде
Марса эряфть петесть,
Марстонь эряфти
Эсь мельгантт
Ашу сокайть вятесть.
Сянкса Темниковса
Ошса —
Педтехникумть залса,
Рельсат путнихть
Культпоходти
Тонафтыхне марса.
Арьсесазь синь,
Кода сяда курок
Валдти сувамс велети,
Кода паксять
Лангоц максомс
Сокамс плугонь пеельти.
Од эряфонкса виеньконь
Макссаськ сембонь марнек,
Ульхтяма ошса, велеса
Колхозникт—ударникт.