*რინა თიშნერ
Jump to navigation
Jump to search
რინა თიშნერ წკურილჲ ორე,
მენწარეფსჷ ვაჭყუეს,
უჩა ღართი ქინგოფორეს,
დიხას ქიმთგობანჭუეს.
მეტყურეფიშჲ ნაბურდინა
ხოლო მაცანცალუაფ,
დღა დო სერით ოკო ჯინა
სქანჲ ნერჩიში ფალუას.
ირქენს, უჩურცხალი ორე,
ისტორიაშჲ ბორია:
"ღვარას ღვარა ქუწილი დო
დიხას ქიმთათხორია".
გვერდო ღურელჲ მუჭო ჸოფექ,
აიშახ დიხას ხოხი-და,
ამდღა დუდი გემწაჭოფე,
ომარგალე, კოლხიდა!