Rig pa rang grol chen po thams cad 'grol ba'i rgyud

From Wikisource
Jump to: navigation, search

@1
1
rig pa rang grol chen po thams cad 'grol ba'i rgyud ces bya ba bzhugs
2
rgya gar skad du
bod skad du
rig pa rang grol chen po thams cad 'grol ba'i rgyud ces bya ba
bcom ldan 'das stobs kyis rnam par bsgyings pa la phyag 'tshal lo
'di skad bdag gis bstan pa'i dus gcig na
rigs kyi bu rnams legs par dge ba'i sems kyis nyon cig
rig pa'i sgron ma 'bar ba ngas bstan nas
'khor rnams kyi rgyud 'grol bar bya'o
3
sems kyi rnam rtog gis gzhan du ma yengs shig
ma rig pa'i mtha' rnam pa bzhi phro la cig
de skad ces mtha' rnam pa bzhi dang bral ba'i rig pas yul chos kyi pho brang la gzigs nas
rig pa rnam par dag pa'i klong 'od kyi yul sku'i mkha'
gsung gi zer
thugs kyi dkyil
chos nyid kyi gnas
shes rab kyi rgyan
'og min gyi gnas
pho brang rnam par dag pa nas de skad ces gsungs so
gsung ngo
gsung bar 'gyur ro
'di skad bdag gis thos pa'i dus gcig na
4
sprul pa sku'i zhing khams rnam par bkod pa
dur khrod me ri 'bar ba zhes bya bar
bcom ldan 'das gzhon nu dpa' bo stobs ldan chen po zhes bya bas
'khor ni lha dang
mi dang
lha ma yin dang
byang chub sems dpa' dpag tu med pa 'dus nas
bstan pa bka'i bgro ba mdzad pas
de nas 'jam dpal gzhon nur gyur pas 'di skad ces gsol to
kye kye bcom ldan 'das thugs rje chen po dang ldan pa
rgyud chen po yang dag pa'i 'grol lugs gsung du gsol
zhes zhus so
de nas bcom ldan 'das kyis bka' stsal pa
kye 'dus pa chen po'i tshogs nyon cig
gsang sngags rang byung gi thabs chen po ngas bstan gyis legs par nyon cig
gtan tshigs rang byung gis rgyud chen po 'di yis
chos thams cad kyi don gsal bar byed do
de nas tshigs su bcad de bka' stsal pa
kye ma ye shes klong yangs nyid
rgya che kun gyi snying por 'dod
rab tu brab pa'i thugs kyi dgongs pa nyid
ma lus bcud phyung kun gyi don
'di bstan rtog pa sel bar 'gyur
5
dbang po tha ma'i gang zag rnams
'di nas shi 'phos bar do nas
phyed snang sprul pa'i zhing khams su
skyes nas 'khor ba kun gyi lam las thar
dang po'i mtshan dang grol lugs kyang
gling gzhi dang ni gleng slong ngo
dang po gleng gzhi'i rgyu bstan to
ston pa gnas dang 'khor dang dus
bstan pa dang ni bshad lugs so
rgyud chen rgyal po 'di nyid la
bshad pa'i gnas dang longs spyod rnams
phyi dang nang dang gsang ba dang
de bzhin yongs su rdzogs pa'o
de ltar kun la shes par bya'o
gleng gzhi bstan pa 'di lta ste
ston pa'i yul dang 'khor rnams dang
yab kyi gleng bslang kun tu shes
de yang mtshan bshad 'di lta ste
mtshan dang phyag dang dam bca'o
de nyid klad kyi tshig tu bstan
gzhung la bstan pa 'di lta ste
mdo dang rgyas pa chen po dang
shin tu'ang rgyas pa chen por bshad
de ni gzhung gi tshigs su bstan
mjug gi don ni 'di lta ste
man ngag don gyi bshad 'grel gyis
6
rgyud chen de la de bstan no
gsang sngags kun gyi bshad lugs ni
de bzhin kun la shes par bya'o
le'u'i mtshan dang dbye ba rnams
rang rang mtshan la sbyar te bshad
sgra dang sngags dang sbyar lugs rnams
de yang bstan pa 'di lta ste
sgra la rnam pa bzhi yis bstan
ring dang thung dang che ba dang
de bzhin sgra yi sgra zhes bya'o
gang nas gang du sgra byung yang
'di ltar kun la shes par bya
yi ge'i sngags la 'di lta ste
log dang 'dogs dang yan lag rnams
gang yin pa yang 'dir brjod cing
gang la gang gis 'tshams par 'bod
log par btags pa mngon gyur te
ma nyid so la bzhag pa ste
yan lag mya ngan 'das yig yin
'dogs ni 'khor ba kho na 'o
de bzhin sngags dang yi ge rnams
gang la gang 'tshams de 'bod de
rgyud la sogs pa'i bshad lugs rnams
gong du bshad pa kho nar zad
thams cad de yis 'grol bar 'gyur
rang grol thabs chen rgyud chen 'dis
thams cad grol ba'i shes rab mchog
'di yis bshad cing 'di yis bgrol
7
rgyud rnams kun gyi mdud pa rnams
'di yis bcings pa 'grol ba'o
dang po la yang 'dis bstan to
phyi yi don nyid 'di lta ste
gnas dang dus la sogs pa rnams
gang du bstan cing bshad pa'o
nang gi don ni 'di lta ste
dang po lo rgyus don bshad dang
rtsa ba dang ni dgos ched dang
yi ge dang ni tshig don dang
de bzhin nang du bshad par bya
lo rgyus rnams pa gsum gyis bstan
dgongs pas brgyud dang brda' yis brgyud
snyan khung brgyud pa gsum du grags
rtsa ba'i don la 'di lta ste
gdams ngag nyi shu rtsa gcig gis
rig pa'i 'khor la bstan par bya
dgos ched don la 'di lta ste
rig pa'i ye shes gtan la 'bebs
de yi dgos chen bstan pa dang
rgyud lung man ngag thams cad kun
'di yis yang dag 'grol ba'i phyir
dgos ched gnyis su bstan pa'o
yi ge'i don la 'di lta ste
thams cad sdud phyir bstan pa dang
thams cad 'byung phyir bstan pa'o
bshad thabs tshig don 'di lta ste
8
tshig gi sgo nas yang dag bshad
tshig la bshad lugs grangs mang yang
'og nas rgyas par 'byung ba'o
klad tshig rgyas par bstan bya'i phyir
dris pa dag dang dris lan rnams
'khor dang ston pa nyid du bstan
de yang mdo dang rgyas pa'o
bshad thabs lugs dang mdo rgyas rnams
yang dag tshig dang 'brel par bshad
de yang dang po sprul pa'i gnas
lo rgyus don dang bcas te bshad
sprul pa rang bzhin gnas dang ni
shin tu 'das pa'i gnas su bshad
sprul pa'i rgyu dang nges tshig dang
bshad thabs rim pa 'di lta ste
dang po sprul pa'i rgyud bstan pa
yang dag sbyangs dang don chen mthong
gang brag chen po de rnams kun
brten cing dbugs chen 'byin gyur pas
sprul pa'i rgyu zhes kun tu grags
sprul pa'i nges tshig 'di lta ste
phyed snang zhes kyang 'di la bya
'khor ba log cing dag pa'i zhing la snang
phyed snang dkyil 'khor chen por bshad
gang la gang 'dul der ston cing
mdzad pa'i phrin las mthar phyin gyur pa na
sprul sku phyed snang zhes kyang kun tu grags
9
rim pa bzhin du kun tu bshad
de bzhin klad kyi tshig rnams kun
rgyas par yang dag bshad pa'o
yang dag tshad ma'i don de nyid
sus kyang shes pa med 'gyur zhing
yang na gtan tshigs bshad mi dgos
theg dman gzhan dag zil mnan phyir
tshig chen don chen bstan par bya
tshig la yang dag don chen mi rtog gis
de ni mdor bstan gong tshig go
rgyud chen rgyal po bshad lugs rnams
'di bzhin tshig don legs par bstan
rgyud chen rgyal po 'di nyid la
shlo ka ni bdun brgya lnga bcu'o
tshig ni bye ba dang ni bdun brgya ste
shad ni 'bum dang nyis brgyar bshad
le'u brgyad cu rtsa drug las
'dun pa'i tshig dang bshad pa'i tshig
gab pa'i tshig dang sbas pa'i tshig
shen tu gsang ba'i tshig rnams kun
rang rang don dang 'bru la sbyar
yod med stong pa'i tshig rnams kun
don dang bstun te bshad par bya
dbu zhabs don ni bdun gyis bstan
don du shes dang lan tshig dang
'di ltar rgyud las shes par bya
10
phyag 'tshal ba dang mtshan smos dang
bshad par dam bca' klad kyi tshig
mdo dang rgyas pa chen po dang
shin tu rgyas pa chen po rnams
gzhung gi tshig tu bstan pa'o
man ngag rtogs pa'i don rnams dang
rnam pa bdun du grags pa yin
de ni dbu zhabs don du yang dag bstan
le'u'i don rnams so so yi
mtshan du yang dag bshad par bya
rgyud dang ye shes bstan pa'i phyir
rgyud rgyal 'di nyid nyon cing ltos
gzhan dag ma khrol ba rnams kyang
'di la bstan gyis 'grol bar gyis
mthar phyin 'grol ba'i rgyud chen 'di
bshad cing dgrol bas yid ches 'gyur
the tshom med cing rang don rnyed
mtha' yas gcig tu sdud pa'i sems
nga yis don chen 'byung bar bshad
mjug gi don dang yan lag don
rab tu bshad pas yid ches 'gyur
bstan pa'i rgyal po'i bshad lugs kyang
gnas skabs 'di ltar bstan pa'o
lung ltar bshad dang rgyud ltar bshad
man ngag lta bur bshad pa gsum
'jug pa'i sgo la shes par bya
lung la rnam pa gsum gyis bstan
11
bstan pa 'jug pa'i lung dang ni
shin tu gnas pa dag gi lung
gtan la phab pa'i lung du bstan
rgyud la rnam pa lnga ru bstan
phyi rgyud bshad pa'i rgyud dag dang
nang rgyud gtan la 'beb rgyud dang
gsang rgyud man ngag rgyud chen dang
yongs su rdzogs pa nyams blangs rgyud
snyan khung brgyud pa'i rgyud du bstan
man ngag la yang rnam gsum ste
nyams su blang bar bstan pa dang
gzhan don bsgrub phyir bstan pa dang
bya ba btang phyir man ngag go
de bzhin bshad lugs rdzogs par bshad
klad tshig bsdus te bstan pa'o
zhes rig pa rang grol chen po'i rgyud las
klad tshig gleng gzhi'i le'u ste dang po'o
@2
de nas 'jam dpal gzhon nur gyur pas 'di skad ces gsol to
kye kye bcom ldan thams cad mkhyen
bdag cag mos pa'i 'khor rnams la
klad tshig rgyas bstan de ltar na
gzhung gi tshig rnams gsung du gsol
zhes zhus so
de nas yang bka' stsal pa
kye ma gzhon nur gyur pa nyon
12
ngas bstan dgyes pa'i tshul gyis nyon
spyir ni rgyud kyi bshad lugs rnams
gzhung la rnam pa gsum gyis bstan
mdor bstan rgyas par bshad pa dang
shin tu rgyas par bstan pa'o
mdo la rang rang tshig gis bstan
rgyas pa gzhung dang mthun pa'o
shin tu rgyas pa don gsum ma
bshad bya rim pa rnam gsum 'dod
bshad par bya ba 'di lta ste
rang gi grub mtha' bskyang ba dang
gzhan gyi grub mtha' sun 'byin phyir
bshad bya zhes ni de la bya
bshad pa dngos gzhi 'di lta ste
de yang tshig gi don gyis bstan
rnam pa bcu dang nyi shus bstan pa'o
stag mo'i mchongs stabs shes rab kyis
don gyi sa chen bcad de bshad
khyung chen mkha' lding lta bu'i blos
don gyi khog ni phub ste bshad
seng ge'i gdangs skad lta bu'i blos
theg dman zil gyis mnan te bshad
rus sbal gog 'gros lta bu'i blos
yi ge'i 'bru rnams choms bar bshad
po rog so rtog lta bu'i blos
gol sgrib gdar sha bcad de bshad
gyad kyi dor thabs lta bu'i blos
rgyas pa don la sdus te bshad
13
glang chen nyal ba lta bu'i blos
lta ba dmigs la btsugs te bshad
mkha' lding rgu mthun lta bu'i blos
don gyi dmigs ni btsal te bshad
glag mo gzan 'dzum lta bu'i blos
don la the tshom med par bshad
gna' phrul brag 'jogs lta bu'i blos
mi 'tshams pa dang 'chams par bshad
mu tig rtsar brgyus lta bu'i blos
man ngag don du bsdebs te bshad
dus kyi 'brug char lta bu'i blos
pha rol sun rnams phyung ste bshad
mtshan mo'i bung ba lta bu'i blos
sgo mo kun nas bsdus te bshad
dpag bsam ljon shing lta bu'i blos
shin tu rgyas pa chen por bshad
mkha' gsal nyi ma lta bu'i blos
thams cad yongs la khyab par bshad
gting gsal zla ba lta bu'i blos
'khor ba mya ngan 'das par bshad
seng ge bzhugs tshul lta bu'i blos
bsgom pa'i don dang bstun te bshad
ngang mo mthun 'gros lta bu'i blos
don gyi khog phub bsdebs te bshad
bar snang 'ja' tshon lta bu'i blos
chos dbyings rgyan dang bcas par bshad
14
spu gri so 'debs lta bu'i blos
lta ba la shan phye ste bshad
me long dkyil 'khor lta bu'i blos
rgyu rkyen gnyis dang bcas te bshad
bar snang grol 'gyu lta bu'i blos
tshig re don re myur par bshad
nam mkha' stong pa lta bu'i blos
rgya che mthar thug med par bshad
zug pa rtsa ba lta bu'i blos
rig pa'i dngos po bstan te bshad
'dril ba sdeng po lta bu'i blos
chos rnams don la dril te bshad
gyes pa yal ga lta bu'i blos
man ngag don gyis brtags te bshad
rgyas pa lo 'dab lta bu'i blos
nyi shu rtsa gcig don rnams bshad
gsal ba me tog lta bu'i blos
sgron ma rnam pa gnyis ltar bshad
smin pa 'bras bu lta bu'i blos
'bras bu rgyur mi ldog par bshad
de la sogs pa'i bshad thabs rnams
rim pa bzhin du shes par bya
bshad pa'i thabs dang 'jug sgo rnams
de bzhin nyid du shes par bya'o
de nas yang 'jam dpal gyis 'di skad ces gsol to
kye kye ston pa ye shes sku
bshad pa dngos ni ji lta bu
bshad bya'i rim pa gsung du gsol
15
zhes zhus so
de nas yang bka' stsal pa
kye ma gzhon nu stobs ldan nyid
ngas bstan legs par don gyis nyon
yid la sogs pa'i bya ba thong
bshad bya'i rim pa 'di lta ste
yang dag don gyi bshad bya ni
gsang ba'i tshig dang gab pa'i tshig
sbas pa'i tshig rnams bstan bya'i phyir
bshad bya'i rim pa'i ngo bo ni
rgyud mtshungs ldan pa'i nges tshig las
gab dang sbas pa'i bya ba rnams
ma lus bshad pas bshad ces bya'o
rim pa'i mdo nyid gsal bar ston
de yang tshig nyid don gyis bstan
'dzin med bshad pa kun gyi dngos
phyi nang kun gyi ye shes la
byas pas bshad pa'i tshig rnams rnyed
byung bas ye shes don la sbyor
rim pa dngos min bshad par bstan
bshad bya'i rim pa'i mtshan nyid ni
gang la 'dzin pa'i blta ba med
dngos po med dang snang phyir dang
bshad pa'i sgra ni grags pas stong
bshad pa'i tshig ni don la sbyor
bshad pa'i don ni dbyings su sdud
bshad pa'i blta ba thug pa med
bshad pa'i bsgom pa mi gnas shing
16
bshad pa'i rtags la dus mtshams med
bshad pa'i yul la dmigs pa med
de bzhin bshad pa'i rim pa rnams
kun la de bzhin shes par bya'o
e ma don nyid mtshon pa'i phyir
bshad pa'i rim pa brjod pa'o
bshad pa'i gzhung la 'di lta ste
blta sgom spyod pa 'bras bu rnams
gnas dang dus dang yang dag nyid
don dam mtshon pa'i ngang du gsungs
dbye ba'i bye brag rgyas pa rnams
sdom byang nas kyang de bzhin no
e ma gzhung lugs rgyas par bshad pa rnams
de la de yi don 'byung bstan
yang dag dgongs pa dgrol ba'i phyir
rang grol rang gis dgrol bya'i phyir
rgyud kyi rgyal po 'di bshad do
gzhan gyi bya ba rdzogs bya'i phyir
rgyud chen le'u 'di gsungs so
grol lugs bshad lugs rnam pa gnyis
kun la khyab pa shes par bya
de yang bstan lugs 'di lta ste
sgra yi don rnams bkrol ba'i phyir
tshig gi don rnams bshad par bya
sgra la ring dang thung ba rnams
bstan pa 'di ltar yin par gsungs
17
a la a brtsegs ring ba dang
ka la ka btags ring bar bshad
ba la ba btags che bar 'bod
rdza la rdza btags 'thug por 'bod
nya la nya btags ring por 'bod
sa la sa btags thung dur 'bod
a la a btags chen por bshad
ma la btags 'thug por bshad
ga la ga btags ring bar bshad
tsha la tsha btags thung dur bshad
ha la ha btags chen por 'bod
tsa la tsa btags mthug por 'ong
kha ka lha btags ring por bstan
nga la nga btags thung du yin
sa la sa btags chen por 'bod
tha la tha btags mthug po yin
de la sogs pa'i yi ge rnams
'bru spyar don la shes par bya
de yang dkrugs pa 'di lta ste
ka la tsa btags mthug po yin
tha la na btags mthug por 'bod
rdza la kha btags mthug po bstan
ma la sha btags mthug por bshad
sa la a btags mthug po'i don
da la na btags mthug por
bshad de rnams mthug po dag tu 'bod
18
ring ba'i yi ge 'di lta ste
ya la nga btags ring bar bshad
ga la ha btags ring ba nyid du 'bod
tha la da btags ring ba nyid du bshad
'a la kha btags ring ba nyid du 'bod
ta la na btags ring bar bshad
sha la zha btags ring ba'o
de rnams ring ba nyid du bshad
'di rnams che bar 'bod pa'o
sa la la btags che ba nyid
ma la du btags che ba'o
ka la skre btags che bar 'bod
ha la ha btags che ba nyid du 'bod
nya la ra btags che pa'o
nga la de btags che ba'o
ya la la btags che ba nyid
sma la khru btags che ba nyid
de rnams che ba'i yi ger bshad
thung ba'i don ni 'di lta ste
da la ya btags thung dur 'bod
ga la nga btags thung dur bshad
da la nga btags thung dur 'bod
ka la zha btags thung bar bshad
rdza la da btags thung ba'o
ma la ni btags thung bar bshad
kha la u btags thung ba'o
sa la ta btags thung ba nyid
da la na btags thung ba dag tu bshad
19
de la yan lag gang byung ba
ded pa mthun par 'bod pa'o
de bzhin gzhung gi tshig rnams kun
mdo dang rgyas pa chen por gsungs
yang dag gtan la 'bebs pa'i rgyud
kun gyi bshad lugs ma nor bar
mthong tshad rtogs tshad rnams su bshad
goms pa'i rgyud la shes rig gsal
de yang rgyud kyi gtan tshigs so
rgyud chen nges tshig gtan tshigs dang
dang po nges tshig rgyu bstan te
bya ba rgyu yi nges tshig dang
byed pa rkyen gyi nges tshig go
bya ba rgyu yi nges tshig ni
yan lag brgyad dang ldan phyir rgyud
byed pa rkyen gyi nges tshig ni
rgyal ba dgongs pas brgyud phyir rgyud
yang na snyan khung brgyud pa'am
de yi phyir na rgyud du gsungs
de ni gzhung lugs rgyas pa'o
zhes rig pa rang grol chen po'i rgyud las
gzhung don bsdus pa'i le'u ste gnyis pa'o
@3
de nas yang gsang ba'i bdag pos 'di skad gsol to
kye kye bcom ldan rtogs ldan don
gzhung gi tshig don de ltar na
20
mjug gi tshig don gsung du gsol
zhes zhus so
de nas yang bka' stsal ba
kye gsang ba'i bdag po rdo rje 'dzin
legs par brtan pa'i yid bcas nas
bsam pa brtan pos bzung bar gyis
chos la sogs pa'i rtogs pa rnams
mi 'jigs dad pas 'jug pa'i phyir
yang dag don gyi lung 'di bshad
'jigs bcas yid rnams spangs la nyon
kye ma gsang bdag rdo rje 'dzin
mtshan ma spang ba'i gzhung lugs ni
gong du bshad cing bkrol ba'o
mjug gi don bstan 'di lta ste
man ngag don dang gtan tshigs don
mtha' sdud rnam pa gsum dang ni
rdzogs pa'i chos rnams kun tu grags
mtha' sdud rnam gsum 'di lta ste
gti mug rmongs pa'i mdud pa dang
zhe sdang mngon snang mdud pa dang
'dod chags lam gyi mdud pa dang
rnam pa gsum du kun tu grags
de rnams gsal phyir gdams ngag bstan
de yang nyi shu rtsa gcig gis
blo yi the tshom bsal bya'i phyir
mnor legs par bstan par bya
21
bstan pa'i yul ni sems can no
bstan pa'i rgyu nyid kun la khyab
de yang bstan lugs 'di lta ste
chos nyid yul ngo phar sprad pas
don gyi snying po tshur la 'phrod
rang gi gdangs la phar sprad pas
ye shes snang ba tshur la mthong
'byung ba'i gdangs la phar sprad pas
dag pa'i zhing khams tshur la mthong
nam mkha'i ngang la phar sprad pas
sgron ma'i snying po tshur la mthong
dbang po'i yul la phar sprad pas
blo yi chos rnams rang sar grol
mthong ba'i yul la phar sprad pas
goms pa'i 'bras bu tshul la mthong
'dzin pa'i yul la phar sprad pas
'dzin med rang snang ngo bo mthong
dag pa'i yul la phar sprad pas
rnam dag zhing khams ltug par mthong
rang snang yul la phar sprad pas
skye med rang snang ngo bo mthong
gsang sngags rgyud la phar sprad pas
'gag med snang ba mthong ba'o
yul gyi snying po ltos pa'i chos
bya rtsol bral zhing ka nas dag
snying po bgrod med ngo bo nyid
lam la 'dzin pa'i gol sa med
22
yod med stong pa'i chos rnams la
bya rgyu'i dri ma med pa'o
kun sdud yul rnams spang ba la
mtshan mar 'dzin pa'i gol sa med
de ltar gdams ngag thebs pa dang
goms pa'i stobs kyis nyams len bya
gdams pa'i yul dang bstan thabs kyang
'di ltar kun la shes par bya
dang po dpe ye dkyil 'khor gyis
don gyi snying po bstan par bya
de nas rtags kyi ngo sprod kyis
yid ches bskyed cing gtan la dbab
de nas don gyi ngo sprod kyis
nyams su blang ba'i rim pa bya
nyi ma'i dkyil 'khor ngo sprod kyis
sku gsum gtan la dbab par bya
chu yi zla ba'i ngo sprod kyis
bar do dang po ngos gzung bya
nam mkha' sprin med ngo sprod kyis
chos kyi dbyings la ngos gzung bya
bar snang 'ja' tshon ngo sprod kyis
mu khyud ra ba'i ngos gzung bya
rgya mtsho dangs ba'i ngo sprod kyis
ye shes snang bzhi'i ngos gzung bya
me long dkyil 'khor ngo sprod kyes
ye shes bzhi rnams ngos gzung bya
mar me'i dkyil 'khor dangs pa yis
23
rtog med gsal ba ngos gzung bya
man shes dkyil 'khor lta bu yis
dri med ka dag ngos gzung bya
gzhon nu bum pa'i ngo sprod kyis
ka dag chos sku ngos gzung bya
gzugs sku nyams kyi ngo sprod kyis
tshom bu'i snang ba ngos gzung bya
dkyil 'khor me long ngo sprod kyis
zhing khams gnyis pa ngos gzung bya
snang ba bu ga'i ngo sprod kyis
thugs ka'i zir thag ngos gzung bya
nam mkha' sprin bcas ngo sprod kyis
ma rig rig pa ngos gzung bya
sku phyed bstan pa'i ngo sprod kyis
sems dpa'i chos rnams ngos gzung bya
'khar gzhong bcud kyi ngo sprod kyis
ye shes ngo bo ngos gzung bya
dpa'i bo stobs ldan ngo sprod kyis
khro bo'i zhing khams ngos gzung bya
'dra 'bag phyed sku'i ngo sprod kyis
rang gi gnas lugs ngos gzung bya
sgron ma'i bzhag thabs chen po yis
snang ba'i 'char lugs ngos gzung bya'o
de bzhin nyi shu rtsa gcig gis
rang rang ye shes gtan la dbab
des ni gzhung don rgyas par bstan
e ma rdzogs lugs 'di lta ste
24
gzhung la rdzogs dang klad la rdzogs
stong pa rdzogs dang ye shes rdzogs
'od lnga rdzogs dang sku lnga rdzogs
mthar phyin pa la de bzhin gshegs
dbang bskur dkyil 'khor rdzogs nas ni
gdams ngag rgyas pa gdab par bya
dam tshig la ni ci bzhin gnas
gsang sngags thabs ldan dag la yang
ma nor lung chen bstan par bya
gsang sngags gnad kyi bcud phyung ba'i
rab tu gsang ba'i ye shes mchog
dgongs pa tshad med yul gzhal ba'i
ye shes gsang ba'i bdud rtsi 'di
kun gyis go bar dka' ba'i don
dgongs pa yang dag chen por 'dod
dkyil 'khor gsang ba thams cad kyi
lha nyid 'di la rdzogs pa'o
klad kyi tshig la gzhung don rdzogs
mjug gi tshig la klad don rdzogs
rgyud chen rgyal po 'di nyid la
sbas pa gsum dang gsang ba gsum
man ngag drug ldan dkyil 'khor ni
gzhung gi khongs nas shes par bya'o
de bzhin rgyud kyi rgyal po las
'phan dang 'khrul rnams med par gsungs
klad dang gzhung la sogs pa rnams
25
rab tu gsal ba nyid yin pas
gzhan du ma bstan 'di nyid do
rgyud kyi rgyal po bshad thabs ni
don gsum gyis ni rgyas par bstan
gzhung don man ngag rgyas bstan dang
de bzhin so so'i rim pa rnams
rab tu bshad cing bkrol ba'o
rgyud 'di bshad pa'i thabs las kyang
rgyud kyi che ba bstan pa dang
rgyud kyi ldang tshad mtshon dpe dang
rgyud kyi gtan tshigs bstan pa'o
rab tu dbye ba rgyas pa dang
gdams ngag gsang ba rgyas pa dang
rtogs ldan theg pas rgyas pa'o
bsdu ba rnam pa gsum gyis bstan
theg pa'i don bkrol bsdu ba dang
bzhag thabs chen por bsdu ba dang
rig pa'i ngang du bsdu ba'o
de yang rgyas bstan 'di lta ste
dper na nam mkha' stong pa yi
ngang du nyi zla sdud pa bzhin
chos kyi pho brang yangs pa ru
sna tshogs ye shes chen por sdud
yang dag don gyi klong yangs su
rig pa stong pa'i ye shes sdud
mtshan ma bral ba'i nam mkha' las
sgron ma ye shes ngo bo sdud
26
rnam dag dbyings kyi sgron ma ru
phyi nang gsang ba'i chos rnams sdud
rgyas par bstan pa de bzhin no
zhus pa'i tshig dang bka' stsal pa
zhus pa'i tshig la don gsum ste
bdag don bsdus te zhus pa dang
gzhan don rgyas par zhus pa dang
gnyis ka'i don du zhus pa'o
bka' stsal pa la don bdun bstan
gnyen po'i don la dgongs pa dang
bsdu ba'i don la dgongs pa'o
drang ba'i don la bka' stsal dang
ldem por dgongs pa bstan pa dang
rim pa'i khyad par bka' stsal dang
lam gyi byad du bstan cing dgongs
blo dang bstun te bka' stsal dang
zhus pa nyid dang zhus lan dang
mdo dang rgyas par bstan pa ste
de rnams don bkrol 'di lta ste
gnyen po'i don du dgongs pa ni
nyon mongs stong phrag brgyad cu la
chos kyi sgo yang de tsam mo
bsam gyis mi khyab brjod mi langs
gzhal du med par gsungs pa'o
bsdu ba'i don nyid 'di lta ste
nyon mongs stong phrag brgyad cu yang
rtsa ba rnam pa gsum du 'dus
brgyad khri bzhi stong sgo mo yang
27
bsdu na rnam pa gsum du bshad
de yang bsdu na 'di lta ste
nyon mongs stong phrag brgyad cu yang
rtsa ba ma rig nyid la 'dus
de bzhin chos kyi sgo mo yang
rang rig gcig pu nyid la 'dus
de ni bsdu ba'i don du gsungs
drang ba'i don ni 'di lta ste
'khor ba'i skyon rnams brjod pa dang
mya ngan 'das pa'i yon tan brjod pa'o
drang nas khang kyis zhugs par bya ba'i phyir
blo dman rnams kyi don du gsungs
de ni drang ba'i don du bstan
ldem po'i dgongs pa 'di lta ste
blo dman rnams la gsang ba'i phyir
gcus dang gab ste bstan pa dang
gzhan dag zil gyis mnan pa'i phyir
dgongs pa ldem por bstan pa'o
tshig la ldem dang don la drang
ldem dgongs man ngag tshig ti bstan
rim pa'i khyad kyi dgongs pa ni
rdzogs chen dgongs pa'i ngar skang ngo
lam gyi dus na dgongs pa ni
gsum mam man ngag nyi shu gcig
blo dang bstun te dgongs pa ni
theg pa nyi shu rtsa gcig go
nges pa'i tshig chod bka' stsal ni
gsang ba'i theg pa nyid kyi don
28
bsam gyis mi khyab don rnams kyang
gsang ba'i theg pa 'di nyid do
dgongs pa'i theg pa grangs mang yang
'di nyid don ni rtogs pa med
de phyir theg chen gsal bar grags
'di ni rab tu gsang zhing spyad par bya
gsang sngags gnad kyi longs spyod rnams
yang dag bde chen mkha' la rol
de phyir theg pa'i bcud phyung ba'i
rgyud chen 'di la goms par bya
gsang sngags theg pa'i rgyud chen 'di
bde ba nyid la rgya cher rol
gsang sngags rgyud rgyal theg par bshad
klad dang gzhung dang mjug dag las
mdo don bsdus te bstan pa yin
de bzhin rgyud chen gang bshad pa
de ltar kun la shes par bya
tshig don rgyas pa chen po dang
shin tu'ang rgyas pa chen por bshad
nges pa'i don chen 'di bstan pas
theg pa dman pa'i rigs rnams kun
shin tu blo dman skrag par 'gyur
yang dag nges pa'i lung chen 'di
kun dang mi mnyam gong ma'o
gtan tshigs brgyad dang 'brel bar bshad
gtan tshigs brgyad po 'di lta ste
yang dag nges pa'i gtan tshigs dang
29
gzhan don 'brel ba'i gtan tshigs dang
rang don bsgrub pa'i gtan tshigs dang
mtshan ma ming gi gtan tshigs dang
'jug pa lam gyi gtan tshigs dang
bden pa rgyud kyi gtan tshigs dang
nges pa lung gi gtan tshigs dang
sun 'byin rig pa'i gtan tshigs so
gtan tshigs chen po rnam pa brgyad
de bzhin kun la shes par bya
rnal 'byor lam gyi gtan tshigs rnams
rim nas rim du skye dang 'gag
sa dang lam la shes par bya
chos la 'dzin med mtshan ma'i blo dang bral
stong pa yang dag rnyed pa'i don dang nye
gsang sngags sbas ba'i man ngag rnams
gzhung gi tshig las shes par bya
de bzhin don gyis rgyas par bstan
bgrod med lam la de bzhin gshegs
de la sogs te mjug gi don
shin tu rgyas par bstan pa'o
zhes rig pa rang grol chen po'i rgyud las
mjug don rgyas par bstan pa'i le'u ste gsum pa'o
@4
de nas yang 'jam dpal gzhon nur gyur pas 'di skad ces gsol to
30
kye bcom ldan 'das thugs rje chen po dang ldan pa
rgyud kyi grol lugs de ltar lags na
man ngag gi don bshad lugs gsung du gsol
zhes zhus so
de nas rdo rje 'chang chen po des
gzhi la man ngag gis bshad lugs bstan
bka' stsal pa
kye grogs po dag nyon cig
ngas don ma nor bar bstan gyis legs par nyon cig
yang dag par rdzogs pa'i sangs rgyas kyi 'bras bu la thob pa mi mnga' ba'i phyir ye shes la gsal 'grib med
lta ba la rtsis gdab med
dgongs pa la bar mtshams med
'od la gzung 'dzin med
sku la gzugs med
dbyings la rgya chad med
yul la bdag 'dzin med
zhing khams la bltar med
de ni yang dag par rdzogs pa'i sangs rgyas kyi mdzad pa'o
da ni rig pa'i longs spyod ston te
man ngag gsal ba'i don rab tu 'byed de
ngo bo ka dag
rang bzhin lhun grub
thugs rje phyed snang
zhing khams tshom bu la rgya chad med
snang ba lnga
'byung ba gnyis
ye shes kyi ngo bo drug
ye shes kyi gnas gsum
ye shes 'byung ba'i tshad gcig ye shes kyi lam bzhi
31
ye shes kyi 'gros gcig
'das pa'i tshig gsum gyis
'khor 'das kyi rgya mi bcad
gcod pa'i tshig drug grags shes rab yul la bskyal
bstan pa'i tshig gsum gyis ye shes ma bu sprad
dang po'i byung sa gcig gis ye shes kyi gnas btsal
rig pa'i bzhags gcig gis nyams su blangs pa'i thabs bstan
sku yi gnas lugs gsum gyis don gcig tu sdud
rig pa'i yul gnyis kyis 'od kyi mdangs gsal dpe reg pa'i longs spyod rgyas par bstan te
lam gyi ye shes ngos bzung bar bstan pa'o
de nas yang 'jam dpal gyis 'di skad ces gsol to
kye thugs rje'i bdag po
gzhi lam gyi mtshan nye bar gsung du gsol
zhes zhus so
de nas yang bka' stsal pa
kye ma ho
skyes bu dam pa khyod nyon cig
ngas legs par bstan kyis
khyod kyi yid la ma yengs par zung zhig
de rnams thams cad kyi don gsal ba 'di yin no
gzhi bsam pa las 'das pa
rtog pa las 'das pa
ngo bo tha dad las 'das pa
32
rang bzhin dngos po las 'das pa
thugs rje mdzad pa las 'das pa
'bras bu rtsol bsgrub las 'das pa
ye shes yin min las 'das pa'o
spyod pa chos dang 'brel ba
dam tshig lta ba dang 'brel ba
bsgrub pa lha dang 'brel ba
dbang gdams ngag dang 'brel pa
dgongs pa gnyis med dang 'brel pa
sgom pa 'dzin med dang 'brel ba
lta ba ming dang 'brel pa
ming don snying dang 'brel pa
dpe 'ja' tshon dang 'brel ba
rtags sgron ma dang 'brel ba
dbyings nam mkha' dang 'brel ba
sangs rgyas dang sems can du 'brel ba'o
ngo bo la chos med
sangs rgyas la sems med
sems la 'bras bu smin
chos la bsgrub tu med
'bras bu la thob tu med
dgongs pa la bar mtshams med
thugs rje la dbri bkol med
lta ba la yin min med pa'o
gzhi las 'das pa'i byung sa
ci ste dang po rkyen gyis 'khrul pa'i phyir ro
lam la 'das pa'i snang ba
ci ste nyams su blang dgos pa'i phyir ro
'bras bu las 'das pa'i snang ba
ci ste 'bras bu rgyur mi ldog pa'i phyir ro
33
e ma ho
sangs rgyas kyi lam lnga ngo shes na
snang ba la dgag bsgrub med par 'char ro
sangs rgyas kyi bden pa mthong ba'i dus na
rang gi shes pa stobs su gyur nas
ye shes mkha' la brdal ba'o
sangs rgyas kyi dgongs pa rnyed pa ni
yul la shes pa 'jug pa med pa'o
sangs rgyas kyi dgongs pa nyams su len pa'i dus su
ye shes mkha' la gsal ba 'di lta ste
snang ba yul la shar na sku dang bcas pa'o
ye shes kyi snang ba rang la skye ba'i dus ni
nam mkha' la 'od kyi thig le shar ba'o
rig pa la nyon mongs pas ma gos pa'i dus ni
rkyen dbang du mi 'gro ba'o
bdud bzhi choms pa'i dus ni
snang ba nyon mongs pa'i dbang du ma song ba'o
rdzogs chen mtha' la skyil ba'i dus ni
shes pa bying rgod du ma song ba'o
ye shes khongs nas gsal ba'i dus ni
gnyid log pa'i dus lta bu la shes par bya'o
rig pa mkha' la gsal ba'i dus ni
nam langs pa lta bu shes par bya'o
ye shes dngos dang bral ba'i dus ni
34
chad gis ra ro ba lta bur shes par bya'o
kye ma
rigs kyi bu ye shes kyi snang ba gsal ba'i dus na
bar du gcod pa'i bdud gyi snang ba 'di lta bu dag kyang 'byung ngo
kye ma
rigs kyi bu khyod la snang ba des ci zhig bya
snang ba de ni yang dag pa ma yin no
de ni 'khor ba'i rgyu kho na'o
zer zhing rang gi snang ba dang 'thad pa'i tshig brjod pa de ni bdud kyi bslu ba dang po'o
de nas mkha' 'gro ma'i cha byad du zhugs nas
rigs kyi bu ngas khyod la lung bstan gyis
de ni yang dag pa ma yin no
de ni log pa kho na'o
'di ltar byas na rigs kyi bu khyod grol bar 'gyur
zhes lung ston pa 'di ni bdud yin par shes par bya'o
de yi dus su rang gi de nyid las ma yengs bar bya'o
glang po che'i lta stangs kyis blta bar bya'o
de nas bcom ldan 'das gzhon nu dpa' bo stobs ldan nyid kyis tshigs su bcad de bka' stsal pa
a a kye ma ho
rtogs pa mtshan mas bcings pa'i bdud
bsam gyis mi khyab grangs mang zhing
brjod du med pas bsam mi khyab
rnam rtog mtshan ma ci 'gyus la
35
thams cad bdud kyi rang bzhin te
de yang mdor bstan 'di lta ste
gzung 'dzin yul la chags na phyi yi bdud
rnam rtog 'khrul par spyod na nang gi bdud
rtogs pa kha 'byams bdud kyi sli ba yin
lus la rgyan bzang bdud kyi sli ba yin
gnyen gyi bya ba bdud kyi slu ba yin
dgra la chags pa bdud kyi sli ba yin
bdag tu rtog na bdud kyi slu ba yin
lus la chags pa skyes na de yang bdud
'dzin pa yul la chags na phyi yi bdud
ting 'dzin ro la chags na nang gi bdud
snang ba yul la chags na yul gyi bdud
yin min the tshom zhugs na rtogs pa'i bdud
bya byed g.yengs bas khyer na 'khor ba'i bdud
rtog pa khong du zhugs na sems kyi bdud
gzung 'dzin chos la chags na yid kyi bdud
longs spyod 'khor la chags na g.yengs pa'i bdud
'khor ba'i chos la chags na phung po'i bdud
rtsod pa'i 'dam la chags na nyon mongs bdud
dga' sdug grogs la chags na lha yi bdud
khro gtum dpa' rngam che na 'chi bdag bdud
36
bsgom pa'i lha la chags na 'ching ba'i bdud
chags sdang lnga la chags na ngang song bdud
chos spyod bcu la chags na skye gnas bdud
'khor ba'i lam la chags na ma rig rmongs pa'i bdud
yul la rngam sems byed na chags pa'i bdud
chos la smod pa 'dor na phrag dog bdud
gzhan la skyon 'dzin byas na nga rgyal bdud
pha rol spong bar byed na skyon gyi bdud
de bzhin bdud kyi bslu ba bsam mi khyab
brjod kyis mi langs grangs mang yang
rtsa ba bdud bzhi chom gyur na
bdud rnams gzhan gyis glags mi rnyed
bdud kyi bye brag di ltar 'dod
de rnams dbang du ma gyur pa'i
rig pa ye shes chen po ni
nam mkha'i ngang la shes par bya
rig pa ye shes chen po nyid
gang gi phyogs su shor ba med
rang nyid chos skur rtogs gyur na
bdud ces bya ba logs na med
chos sku gzung 'dzin bral ba la
mtshan ma'i bdud kyi phyogs dang bral
spyad pas nges pa'i lung nyid las
37
bdud las thar pa'i man ngag bstan
ye shes snang ba 'dzin med du
phyogs la gnas pa med par shar
lam la zhugs pa med par grol
'bras bu de bzhin mkha' la rol
de bzhin nyid kyi dkyil 'khor du
gsang ba ye shes pho brang bstan
ye shes 'phro zhing zer la rol
rnam dag dbyings kyi pho brang du
stong pa'i ye shes mkha' la rol
rtog pa nyid la ye shes skye
dran pa nyid la dran med rnyed
ma rig dkyil nas rig pa rnyed
rnam rtog nyid las ye shes skye
stong pa'i ngang las gsal ba rnyed
blo yi dkyil na ngo bo rnyed
de bzhin blo dngos chos rnams kun
ngo bo nyid du grol ba'o
gsang sngags lam la shes rab gsal
thabs kyi lam la goms pa gsal
de bzhin mtshan ma'i chos rnams kun
mtshan ma med pa'i ngang du grol
byas pa dngos po'i chos rnams kun
byar med stong pa'i ngang du grol
'dzin med rang snang chos rnams kun
rnam dag stong pa'i mkha' la grol
dgongs pa dpe med don rnams kun
yang dag gsang ba'i dbyings su grol
38
sna tshogs bskyed pa'i ngo bo nyid
'du shes med pa'i ngang du grol
gsang sngags gsang ba'i rol pa nyid
ye shes bzhi sbyor dbyings su grol
gnyis snang sems kyi cho 'phrul rnams
thig le nyag gcig ngang du grol
ye shes kun snang grong khyer nyid
tshom bu lnga yi klong du grol
yang dag ye shes sa bon nyid
ka dag chen po'i dbyings su grol
de phyir rnam rtog 'khor ba'i bdud
med cing stong la gzung du med
bdud kyang rang gi ngang du rtogs
ye shes chen po'i snang ba la
bdud med bdud du bya ba med
rang byung gcig pa gcig pu nyid
de las ma gtogs bdud med do
bdud nyid rang gi rig par ltos
de ma gtogs pa'i bdud rnams kun
ngang gis med cing rang gis bcom
nga med pa yi sngon rol du
bdud ces bya ba'i ming yang med
bdud nyid nga las byung ba'i phyir
bdud ces bya ba logs na med
rnam rtog bdag tu 'dzin pa yi
bdud kyi rtsa ba chen po gcig
nga nyid rtogs na bdud rnams sangs
rnam rtog 'dzin pa'i bdud rnams kun
39
thabs kyis nga yi ngang du zhi
de phyir rnam rtog 'dzin pa'i bdud rnams kun
ka nas med cing ka nas dag
bdud rnams ye shes rol pa ste
nga las byung zhing nga las 'khrul
de phyir nga yi cho 'phrul yin
nga yi rol pa bsam mi khyab
nga yi cho 'phrul dka' ba med
thams cad nga yi rol ba'o
zhes rig pa rang grol chen po'i rgyud las
man ngag gi don bshad pa'i le'u ste bzhi pa'o
@5
de nas yang 'jam dpal gzhon nur gyur pa skyes bu dam pa des
'di skad ces gsol to
kye kye bcom ldan khro bo'i sku
man ngag bshad lugs de ltar na
bdag cag mos pa'i 'khor rnams la
dngos po'i chos la grol lugs gsung
zhes zhus so
de nas yang bka' stsal pa
kye ma ho
'jam dpal gzhon nur gyur pa nyon
rdo rje'i don nyid ngas bstan gyis
khyed kyis legs pa'i sems kyis nyon
mtshan ma dngos po'i chos nyid ni
bya byed 'dzin pa'i chos dang bral
'bras bu rgyur mi ldog pa'i chos
40
ma nor lam gyi bden pa nyid
mngon snang sems las grol ba'i phyir
lam gyi bya ba nyid las thar
ye shes snang ba dngos por med
dag pa'i ye shes yod pa'i phyir
dag pa'i dngos po yul las 'das
mtha' dang dri ma'i chos las 'das
mtha' bzhi'i dri ma rang sangs snyid
'dzin pa'i phyogs cha nyid dang bral
gsang sngags dgongs pa dngos med ni
'dzin pa'i yul dang bral ba'i phyir
dngos po'i dri ma'i chos dang bral
'dod pa'i sems kyis dri ma nyid
rang byung thabs kyi ye shes las
thams cad 'byung zhing thon par gsungs
lam dang dri ma'i chos nyid rnams
ka nas dag cing byang ba nyid
rgyal ba kun gyis rab bsngags pas
ye shes gsang ba'i mkha' la rol
mnyam nyid ye shes chen po nyid
snang ba'i ye shes mngon par snang
rgyal ba rtags kyi phyag rgya nyid
yang dag nyid du gnas pa'i phyir
gsang ba'i yum dang gnyis med sbyor
kun tu bzang po'i rol pa nyid
cir yang mdzad cing cir yang sprul
ye shes rtogs pa'i klong dkyil du
41
thugs rje'i nyi ma ma 'gags shar
snang ba rnam pa lnga nyid las
ye shes sprul pa phyogs bcur shar
kun tu bzang mo'i bha ga las
thams cad ye shes bskyed pa'i rgyu
kun nas 'byung zhing kun tu shar
kun bzang nyid kyi shes rab las
thams cad rdzogs par nga yis bshad
kun tu bzang po'i ye shes ni
nam mkha'i mtha' bzhin thug pa med
dbyings kyi dkyil 'khor zad pa med
ye shes dkyil 'khor 'gag med nyid
kun la rol cing spyod pa'o
e ma dngos po'i chos rnams kun
rang dag rkyen gyis ka nas med
dri ma'i chos la gnas pa med
snang ba'i chos la the tshom med
yang dag lam la mthar thug med
dngos po'i yul la bsgrub mi dgos
dran pa med pa'i bsam gtan la
brjod med ting 'dzin ngo bor zhog
lam dang 'dzin pa'i yul med pas
dri ma bzhi yis bcings pa khrol
sangs rgyas ye shes bstan bya'i phyir
rgyu rkyen ltos pa'i tshig rnams spang
sangs rgyas ye shes rang la grub
42
ye shes chen po'i snang ba rnams
'gag med kun la rol cing spyod
mtshan ma'i ming dang 'dzin pa stongs
stong pa lam gyi sgron ma stongs
yang dag shes pa'i ngo bo la
bya ba byed pa'i rig pa med
'dzin pa gol ba'i rgyu nyid las
byang chub lam gyi sgron ma nyid
lam la dgag dang bsgrub pa med
stong pa'i rig pa gang yang med
rgya chad phyogs char 'dzin pa spang
snang ba dngos po'i chos kyis stong
stong pa mtshan ma'i chos las 'das
'das pa nyid la brjod du med
lta ba zhe 'dod 'dzin pa yang
mtshan ma'i chos med rang sar grol
rang byung sgra yi tha snyad nyid
yod pa'i phyogs dang med pa'i phyogs
tha snyad gnyis kyi chos rnams kun
yang dag nyid la lta dang bral
'dzin pa'i gol sa chos nyid med
tha dad dngos po'i yul las 'das
mtshan ma'i tshig dang dngos po'i tshig
yul la ltos pa nyid du bshad
bya ba rdzogs pa'i ye shes nyid
dngos por brjod pa'i tshig dang bral
gsang sngags rdo rje sra ma khregs pa nyid
ye shes rdo rje thabs la rol
43
'byung ba'i rdo rje ye shes kun
stong pa'i rdo rje thabs la rol
dkyil 'khor rdo rje mtha' yas shing
bskyed pa'i rdo rje kun snang zhing
'khor ba'i don la rdo rje'i sgra
mtshan ma'i rdo rje ming dang bral
mtha' yas rdo rje yul la 'jug
gnyis med rdo rje stong pa'i ngang
gsang sngags rdo rje yul las 'das
rang byung rdo rje brjod du med
yod med rdo rje kun las 'das
gsang sngags rdo rje mnyam pa che
mkha' dbyings rdo rje stong pa che
yon tan rdo rje ngo mtshar che
phrin las rdo rje grub pa che
gsal ba'i rdo rje yangs pa che
sna tshogs rdo rje sdud pa che
yang dag rdo rje mnyam pa che
rig pa'i rdo rje gsal ba che
sems kyi rdo rje 'phro ba che
ma rig rdo rje rmugs pa che
yid kyi rdo rje 'khrugs pa che
gti mug rdo rje 'thib pa che
zhe sdang rdo rje 'bar ba che
'dod chags rdo rje 'dzin pa che
nga rgyal rdo rje nga ro che
phrag dog rdo rje 'dud pa che
khong khro rdo rje gdug pa che
rkyen gyi rdo rje gcod pa che
'khor ba'i rdo rje zhen pa che
chags pa'i rdo rje mtshan ma che
zhen pa'i rdo rje 'dod pa che
44
'dus pa'i rdo rje sdud pa che
nyon mongs rdo rje gcod pa che
nga yi chags 'dzin che
gzhan gyi rdo rje dang pa che
'khrul pa'i rdo rje chags pa che'o
de nas yang dag rigs chen rnams
bshad cing bkrol nas don la spyod
byang chub 'khrul pa'i rnam pa kun
yul du mi gnas spang bya ste
mya ngan 'da' bar 'dod pa yis
ye shes don la thug pa med
'on kyang don 'di blang bar gyis
don las gol na byang chub ring
don la gnas na byang chub nye
'khrul pa zad par bya phyir ye shes nyid
rab tu 'bar ba'i 'od zer kun nas 'byung
sdom pa'i mdo las ye shes nyid
rab tu bstan phyir bshad par bya
rab tu bshad pa'i gzhi lam ni
gong du bstan cing bshad zin to
de ltar gnas pa'i skyes bu dam pa de
dngos po'i chos nyid zad nas rang byung thob
rang byung dngos bral ye shes nyid
gang la 'dzin pa ma skyes pa'o
zhes rig pa rang grol chen po'i rgyud las
mtshan ma dngos bral gyi le'u ste lnga pa'o
@6
de nas yang 'jam dpal gzhon nur gyur pa'i skyes bu dam pa des 'di skad ces gsol to
45
kye ma bcom ldan le lag bdag
dngos po stong pa de ltar na
bdag cag mos pa'i 'khor rnams la
rgyud kyi rgyal po'i le lag rnams
ma nor legs par gsung du gsol
zhes zhus so
de nas yang dag bka' stsal pa
kye ma gzhon nur gyur pa nyon
rgyud chen rgyal po bshad lugs la
grangs med bsam gyis mi khyab ste
mdor bstan legs par yid la zung
le lag mtshan dang dper brjod dang
rab tu bshad par bya ba dang
tshig dang sbyar te ston byed dang
rab tu bsngags pa'i rim pa dang
bstan par bya phyir mngon snang phyir
le'u re la so sor dbye
bsam gyis mi khyab bstan pa yang
brjod cing grangs las 'das bya'i phyir
rgyud chen mtshan ldan 'di gsungs pas
thams cad mig dang 'dra bar 'gyur
lam la yun ring gnas pa rnams
'di thos pa yis nye bar 'gyur
gzhung bshad le'u'i mtshan bshad bya
de nas dang po le'u brjod bya ste
rgyud chen gleng gzhi'i le'u bstan
46
don ni gong du bstan pa'o
yang dag chen po'i gleng ba dang
'das pa'i tshig don gleng ba dang
grangs kyi sgo nas bleng ba bstan
le'u gnyis pa'i don bstan ni
gleng slong yan lag rgyas bstan pa
don ni gong du yang dag bstan
mtshan ma'i tshig la don gsum ston
sngon byung rgyas pa'i gleng slong dang
rjes 'jug yul la gleng slong dang
tshig don gtan tshigs gleng slong bstan
le'u gsum pas spyod pa bstan
rgyas par bstan pa nyid las gsungs
mdor bstan don la don gsum ste
rang byung thabs kyi spyod pa dang
gtan tshigs tshig gi spyod yul dang
mtshan ma ming gi spyod yul bstan
le'u bzhi pas bsgom pa bstan
de la bshad lugs 'di lta ste
don gsum the tshom med par bstan
dmigs pa gcod pa'i sgom pa dang
stong pa rang byung sgom pa dang
mtshan ma zil gnon sgom pa bstan
le'u snga bas lta ba bstan
lta ba'i don la don gsum ste
rang byung khog 'grol lta ba dang
btang snyoms tshig gi lta ba dang
yod med dus mtshon lta ba bstan
le'u drug pas dbang don bstan
47
dbang nyid la yang don gsum mo
gsang sngags 'bras bu'i dbang dang ni
lta ba rig pa'i dbang bskur dang
mtshan ma rdzad kyi dbang bskur bstan
bdun pa dbang gi yon tan bstan
yon tan la yang don gsum ste
phyi yi 'byung po tshar gcod dang
nang gi ye shes drod bskyed dang
gsang ba rtogs tshad yon tan no
brgyad pa dbang ma thob pa'i skyon
de yang don gsum bstan pa'o
ye shes snang ba nyid la thug
gdams ngag dran bzhin nyams pa dang
phung po'i bdud la sogs pa mang
dgu pa dpon slob 'brel ba bstan
de nyid la yang don gsum mo
bcud ldan ye shes don sbyor dang
snod ldan gsang ba thub pa dang
gnyis ka gdung sems gces par bstan
bcu pa dam tshig sdom pa bstan
de la yang ni don gsum mo
bsrungs pa'i yon tan bstan pa dang
ma bsrungs skyon nyid bstan pa dang
bsrung de med par bstan pa'o
bcu gcig chos sku'i mtshan nyid bstan
de nyid la yang don gsum mo
rang bzhin chos kyi sku dang ni
48
ngo bo chos sku chen po dang
sa bon chos sku gsum du gsungs
bcu gnyis longs sku'i mtshan nyid bstan
de nyid la yang don gsum mo
gnas pa longs spyod rdzogs sku dang
zhing khams longs spyod rdzogs pa'i sku
snang tshul longs spyod rdzogs pa'i sku
bcu gsum sprul sku'i mtshan nyid bstan
de la yang ni don gsum ste
don dang mthun snang sprul sku dang
phyed snang zhing khams sprul sku dang
thugs rje rang byung sprul sku'o
bcu bzhi sku gsum dgongs pa bstan
de yang rnam pa gsum gyis bstan
sku gsum dril ba'i dgongs pa dang
sku gsum rdzogs pa'i dgongs pa dang
'bras bu sku gsum dgongs par bshad
bco lnga pa nyid sku lnga ste
de yang rnam don gsum gyis bstan
mtshan ma rang grol sku lnga dang
gzhi la gnas pa'i sku lnga dang
mtha' la skyol ba'i sku lnga'o
bcu drug ye shes rnam lnga bstan
de yang don gsum dag gis bstan
'dzin med yul gyi ye shes dang
bar do snang ba'i ye shes dang
don mtshon nang gi ye shes so
bcu bdun ye shes nyi shu bstan
49
de nyid la yang don gsum ste
phye ste rab tu rgyas pa dang
shin tu rnam rig tsam bstan dang
rab tu sgra dang phye bar bstan
bco brgyad pa nyid 'od lnga sku dang sbyar bar bstan
de yang rnam pa gsum gyis bstan
sku las 'od zer 'byung bar bstan
'od las sku nyid grub pa dang
gnyis ka thabs kyi rol par bstan
bcu dgu phyi 'byung mtshan nyid bstan
de nyid la yang don gsum ste
so so'i mtshan nyid bstan pa dang
rang gi don nyid rgyas bstan dang
mtshan ma'i mtshan nyid bstan pa'o
nyi shu nang gi 'byung ba bstan
de yang rnam gsum dag gis bstan
ye shes don la sbyar ba dang
'byung ba rtsa la sbyar ba dang
nang gi drod la sbyar ba'o
rtsa gcig dus gsum sangs rgyas kyi
dgongs pa'i don nyid ma nor bstan
de nyid la yang don gsum ste
rgyal ba rang byung dgongs pa dang
tshig la bstan pa'i dgongs pa dang
mtshan ma rang grol dgongs pa dang
rtsa gnyis sems can grol lugs bstan
de yang rnam gsum don gyi bstan
snang ba yul gyi grol lugs dang
50
rdo rje'i sku yis grol ba dang
sgron ma nyid kyis grol bar bstan
rtsa gsum yi ge 'bru bshad bstan
de yang rnam don gsum gyis bstan
dang po la yang bshad lugs dang
'dogs dang yan lag bshad lugs dang
'dogs yig bsdebs te bshad lugs bstan
rtsa bzhis rim pa'i gzhag thabs bstan
de nyid la yang don gsum ste
snang ba yul la gzhag thabs dang
nam mkha'i dkyil du gzhag thabs dang
rang gi mig la gzhag thabs so
rtsa lnga 'jig tshogs rkang grangs bstan
de nyid la yang don gsum ste
sems las log pa dag dang ni
spyod pa dag las log pa dang
de bzhin tshig las log pa'o
rtsa drug 'jig tshogs 'grel ba bstan
de nyid la yang don gsum bstan
bshad lugs don gyi 'grel bshad dang
rgyud la ltos pa'i 'grel bshad dang
spyod pa log pa'i 'grel bshad do
des ni sdom tshig rgyas par bstan
lam bstan tshig la grub pa med
lam spyir gsang ba de nyid las
sdom byang lha dang bcas pa bstan
51
le'u'i mtshan nyid bstan pa'o
de ni mtshan gyis legs par bshad cing bkrol ba'o
zhes rig pa rang grol chen po'i rgyud las
le'u'i mtshan gyi sdom byad bstan pa'i le'u ste drug pa'o
@7
de nas 'jam dpal gzhon nur gyur pa de nyid kyis 'di skad ces gsol to
kye kye bcom ldan rdo rje 'chang
le'u'i sdom byang de ltar na
bdag cag mos pa'i 'khor rnams la
rtsa tshig le'u gsung du gsol
zhes zhus so
kye ma gzhon nur gyur pa nyon
ma nor pa yi don nyid ni
ngas bstan khyod kyis legs par nyon
le'u'i mtshan dang sdom byang rnams
rab tu bshad cing bstan par bya'o
de la rtsa ba'i tshig nyid dang
rab tu bstun te bshad par bya
de yang le'u'i mtshan nyid las
rab tu gsang ba'i tshig rnams kyang
'di ru gsang ba med par bstan
legs par dga' mgu'i sems kyis nyon
don la ye shes thug pa med
'das pa kun gyi snang ba yang
gang dag 'dzin pa'i sems dang bral
52
de phyir le'u'i rtsa tshig bstan par bya
e ma ho
rtsa bdun yang dag theg pa bstan
de don rnam pa gnyis kyis bstan
mtshan nyid pa dang gsang sngags so
rtsa brgyad 'khrul pa'i rtsa ba bstan
de la rnam pa bdun gyis bstan
rang nyid rang gis 'khrul pa dang
rgyu nyid rkyen gyis 'khrul pa dang
'dra gzhi gnyis las 'khrul pa dang
yul dang shes pas 'khrul pa dang
mtshan ma brda yis 'khrul pa dang
stong pa'i 'od las 'khrul pa dang
sgrib pa mtha' bzhis 'khrul pa'o
de ni 'khrul lugs rgyas par bstan pa'o
rtsa dgu sems can rang rgyud bstan
de nyid la ni don bzhi ste
mngon pa sgu yi rgyud dang ni
khyab pa 'od kyi rgyud nyid dang
shes rab rig pa'i rang rgyud dang
rnam dag rig pa'i rang rgyud bstan
sum cu gzhi yi gnas lugs bstan
de nyid la yang don brgyad de
ngo bo mi 'gyur gnas lugs dang
rang bzhin kun khyab gnas lugs dang
thugs rje yul khyab gnas lugs dang
ston byed 'od kyi gnas lugs dang
stong pa mkha' khyab gnas lugs dang
53
gnyis med rang snang gnas lugs dang
rig pa lus la gnas lugs dang
shes rab mkha' la gnas lugs so
so gcig rig pa rang gis rtogs tshul ston
de nyid la yang don gsum ste
nyi shu rtsa gcig rtogs lugs dang
shes pa gcig chod rtogs lugs dang
snang ba mthong ba'i rtogs pa'i
so gnyis rig pa'i mtshon dpe bstan
de nyid la yang don gsum ste
gzhi nyid mtshon pa'i mtshon dpe dang
lam lnga mtshon pa'i mtshon dpe dang
ngo bo'i mtshon dpe bshad pa'o
so gsum rig pa 'dzin med bstan
de nyid rnam don gnyis su bstan
ye shes nyid kyi 'dzin med dang
khyad par lam gyis 'dzin med do
so bzhi bar do'i 'khrul lugs bstan
de la yang ni don bzhi ste
snang sems kyi 'khrul lugs dang
dpyod pa yid kyi 'khrul lugs dang
snang ba 'od las 'khrul lugs dang
nyi shu rtsa gcig 'khrul lugs so
de ni 'khrul pa'i tshig tu bstan
so lnga rdzogs chen la bzla bstan
54
de la don ni drug gis bstan
mtshan ma'i tshig gi la bzla dang
rang byung gtan tshigs la bzla dang
gol sgrib sgro 'dogs la bzla dang
mngon snang yul la la bzla dang
ldem por dgongs te la bzla dang
dmigs pa lam gyi la bzla'o
so drug dkyil 'khor mtshan nyid ston
dkyil 'khor don la rnam gsum ste
rtsa ba'i dkyil 'khor chen po dang
rang bzhin gsang ba'i dkyil 'khor dang
gzugs brnyan yongs bkod dkyil 'khor ro
so bdun rang rang don chen bstan
de la rnam don gcig gis bstan
rang gi tsit ta'i dkyil 'khor du
rang rang ye shes don 'dus pa'o
so brgyad goms pa'i rtogs tshul bstan
de nyid la ni rnam gnyis so
nyams su blang ba'i rim pa dang
goms pa'i tshad kyis gdams ngag bstan pa'o
so dgu rtogs tshul brda' lnga bstan
de nyid la yang don lnga ste
rang bzhin snang ba'i brda rnams dang
'dzin med sems kyi brda' dang ni
rang don rig pa'i brda chen dang
rang bzhin lung gi brda dang ni
go 'byed sgrub rgyud brda rnams bshad
55
bzhi bcu yongs su bstod brda bstan
de ni yang dag don bzhi bstan
mtshan gyis sgo nas bstod pa dang
phyag mtshan sgo nas bstod pa dang
sku gsum nyid la bstod pa dang
khro bo nyid la bstod pa'o
zhe gcig 'khrul pa'i brda' nyid bstan
de nyid la yang don gnyis te
'dzin pa rang grol rgyud kyi brda dang ni
snang ba yul gyi brda lnga bstan
zhe gnyis bstan pa'i 'jig dus bstan
de nyid la yang don gnyis te
rtags rnams 'byung bar bstan pa dang
bskal pa'i 'byung dus bstan pa'o
zhe gsum brda' lnga'i sgra bsgyur bstan
de nyid la yang don gnyis te
thams cad brda' ru bstan pa dang
thams cad brda' la bsdus ba'o
de bzhin sgra don man ngag rnams
rab tu bsdu ba 'dir gsungs so
mtshan ma las grol ye shes las
bskyed dang rdzogs pa med par gsungs
yang dag le'u'i rtsa ba rnams
gang zhig gnas par 'dod pa rnams
le'u 'di las btsal bar bya'o
zhes rig pa rang grol chen po'i rgyud las
le'u'i rtsa ba'i don gsal bar bshad pa'i le'u ste bdun pa'o
56
de nas 'jam dpal gzhon nur gyur pa skyes bu dam pa des 'di skad ces gsol to
kye kye bcom ldan rdo rje 'chang
le'u'i rtsa bshad de ltar na
bdag cag rjes su zhugs rnams la
le'u'i don rnams bshad du gsol
zhes zhus so
de nas bdag nyid chen po des bka' stsal pa
kye kye 'jam dpal gzhon nur gyur pa nyon
nga yis legs par bshad kyis brtan par zung
don dang mthun tshig bsam yas kyang
le'u nyid kyi don nyid las
rab tu bshad cing shin tu gsal
mtshan mas bcings pa'i sems can kun
grol ba'i thabs chen ngas bstan gyis
rab tu gus pa'i sems kyis nyon
le'u'i don sbyar 'di lta ste
zhe bzhi don gyi ye shes bstan
de nyid la yang don lnga ste
khyad par ye shes la mngon dang
thun mong kun khyab rang don dang
brdal ba chos nyid sems don dang
rang byung sgra yi sems don dang
rol pa sna tshogs sems don no
zhe lnga sgra yi grangs yig bstan
57
de nyid la yang don gsum ste
pho yig thabs kyi yi ge dang
mo yig shes rab yi ge dang
ma ning thugs rje'i yi ger bshad
zhe drug mkha' 'gro'i rang sgra bstan
de nyid la yang don gsum bstan
so so'i mtshan mas smra ba dang
gcig pa'i don du smra ba dang
ston pa nyid kyis rjes su bstan
zhe bdun ston pa'i byon lugs bstan
de nyid la yang don bzhi bstan
pad mar brdzus te byon pa dang
yum gyi lhums su byon pa dang
'od dang sgra dang bcas pa dang
shin tu dman pa'i gzugs su bstan
zhe brgyad thig le rgyas par bstan
de nyid la ni don gsum mo
gzhi yi thig le bzang po'i rab
lam gyi thig le sna tshogs dang
'bras bu yongs rdzogs thig ler bstan
zhe dgu sgra yi gtan tshigs bstan
gong du rgyas par bshad pa'o
'di nyid la yang don gsum mo
mtshan ma sgra yi yi ge dang
mtshon pa sgra yi yi ge dang
sdud pa sgra yi yi ger bstan
lnga bcu gzhi lam 'bras bur bstan
de nyid la yang don drug go
ngo bo rtogs pa'i gzhi dang ni
58
rang bzhin thabs kyi gzhi ru bstan
mngon snang yul gyi lam dang ni
goms pa'i tshad kyi lam du bstan
yang dag gcig chod 'bras bu dang
rtogs pa rgyur mi ldog par bstan
nga gcig sngags kyi gtan tshigs bstan
de nyid la yang don lnga ste
'bras bu lam gyi gtan tshigs dang
mngon snang yul gyi gtan tshigs dang
rang bzhin rig pa'i gtan tshigs dang
sngags kyi gtan tshigs bstan
nga gnyis yongs su rnal 'byor bstan
de nyid la yang don gnyis te
'bras bu tshad phyin rnal 'byor dang
lam la gnas pa nyid du bstan
nga gsum phrin las gsang bar bstan
de nyid la yang don bzhi'o
zhi ba yongs su rdzogs pa dang
rgyas pa yang dag don bstan dang
dbang gis 'gro ba drangs pa dang
drag pos gdug pa tshar gcod do
nga bzhi ri bo spyi ba cings bstan
de nyid la yang don gsum ste
mtshan ma yul gyi spyi bcings dang
sgron ma nyid kyi spyi bcings dang
rtogs pa don gyi spyi bcings so
nga lnga rgya mtsho klong rdol bstan
59
de nyid la yang don gsum ste
yul gyi ye shes klong rdol dang
sku yi yon tan klong rdol dang
sgron ma dbyings kyi klong rdol ba'o
nga drug nyi zla grangs mnyam bstan
de nyid rnam don gnyis kyis bstan
thabs kyis 'gro ba sgrol bya dang
shes rab yul rnams bcad par bstan
nga bdun nam mkha' khad mnyam bstan
de nyid la yang don bzhis bstan
gnyis med mtha' las 'das pa dang
mthar phyin yul la mi gnas dang
'grol ba'i dbyings nyid mnyam pa dang
yang dag don la mnyam par bstan
nga brgyad dpe yi ngo sprod bstan
de nyid la yang don gsum ste
mtshan ma yul gyi dpe dang ni
dag pa phyogs mtshon dper bstan dang
snang ba brda yi dpe ru bstan pa'o
nga dgu sprul pa mdzad lugs bstan
de la rnam don gnyis kyis bstan
chos nyid ngang las sprul pa dang
gang 'dul chas su zhugs pa bstan
drug cu rtogs pa'i tshad rnams bstan
de nyid la yang don gsum mo
snang ba nyid kyi rtogs tshad dang
60
'bras bu'i lam gyi rtogs tshad dang
mngon snang yul gyi rtogs tshad do
re gcig ma rig sems nyid bstan
de la yang ni don bzhis bstan
'dzin pa ma rig rtsa bar bstan
sdud pas sems nyid skyabs su bstan
'khrul byed yid rnams bstan pa dang
rnam lnga grogs su bstan pa'o
re gnyis rig pa'i ye shes bstan
de nyid la yang don bzhis bstan
rang byung rtogs pa'i rig pa dang
mngon snang yul gyi ye shes so
re gsum rang bzhin gsal bar bstan
de nyid la ni don gsum ste
dngos po'i rang bzhin gsal ba dang
skye med rang bzhin gsal ba dang
kun khyab rang bzhin gsal bar bstan
re bzhi dbang po'i bye brag bstan
de nyid la yang don lnga ste
rab tu dbye ste bstan pa dang
tshig tsam dag tu bstan pa dang
dbang po shin tu rno bar bstan
rtul ba dag tu bstan pa dang
rab tu rgyas par bstan pa'o
de bzhin tshig don gsang ba rnams
rab tu bshad cing mtshams sbyar dang
61
ming dang mtshan ma'i dngos po rnams
rab tu bshad cing sbyar bar bya
mtshan ma nyid la ltos gyur na
ye shes stang ba 'char mi 'gyur
ye shes snang ba chen po nyid
rab tu bshad cing brjod par bya
de yang rab bstan 'di lta ste
ming dang dngos po 'dzin pa yis
lam la ltos na ye shes med
snang ba med pa'i chos nyid ni
rab tu bshad nas mtshan brjod bya
le'u gsang ba 'di nyid las
gab dang spas pa'i tshig nyid bstan
yang dag lam gyi tshig nyid bstan
mtshan ma rdo rje'i rgyas gdab phyir
rab tu bshad pa'i rgyud chen 'di
bshad nas rdo rje'i don du gsungs
de nyid yul dang sprad pa'i phyir
dpe dang don la sogs pa yis
gleng bslang don nyid bstan par bshad
de phyir mtshan don rgyas par bstan
yang dag don gyi dkyil 'khor nyid
rgyas par bstan cing bkral ba'i phyir
le'u 'di nyid gsungs pa'o
zhes rig pa rang grol chen po'i rgyud yas
le'u'i don bsdus bstan pa'i le'u ste brgyad pa'o
@9
de nas 'jam dpal gzhon nur gyur pa skyes bu dam pa des
62
'di skad ces gsol to
kye kye ston pa ye shes sku
le'u'i don bsdus de ltar na
bdag cag mos pa'i 'khor rnams la
le'u'i don sbyar bstan du gsol
zhes zhus so
de nas yang bka' stsal pa
kye ma gzhon nur gyur pa khyod nyon cig
ngas bstan legs par yid la zung
dgongs pa rang gnas ye shes don
le'u nyid las btsal bar bya
nga yis rnam bshad legs par bstan
khyod kyis ma yengs gus par nyon
le'u'i mtshan rnams 'di lta ste
re lnga rjes su lung bstan pa
de nyid la yang don gsum ste
dkyil 'khor lha yi lung bstan dang
snang ba yul gyi lung bstan dang
rig pa stong pa'i lung bstan pa'o
re drug sbubs kyi 'pho tshul bstan
de nyid rnam don lnga yis bstan
snang ba yul gyi 'pho lugs dang
rtogs pa lam gyi 'pho lugs dang
ye shes mig gi 'pho lugs dang
bag chags snang ba'i 'pho lugs dang
sems dang ye shes 'pho lugs so
re bdun rdzogs chen gtan tshigs bstan
de nyid la yang don drug ste
63
gnyis med rig pa'i gtan tshigs dang
snang ba sems kyi gtan tshigs dang
rang snang lam gyi gtan tshigs dang
phyir rgol sun 'byin gtan tshigs dang
stong pa ye shes gtan tshigs dang
rnal 'byor spyod pa'i gtan tshigs so
re brgyad rgyud kyi sdom byang bstan
de nyid rnam don bdun gyis bstan
rig pa ye shes sdom byang dang
rnal 'byor stong pa'i sdom byang dang
rgyud kyi lo rgyus sdom byang dang
kun gzhi sems kyi sdom byang dang
gtan tshigs lung gi sdom byang dang
bde chen thugs rje'i sdom byang dang
stong pa tshig gi sdom byang ngo
re dgu phyir rgol tshig gis sun 'byin bstan
de nyid rnam don bcu yis bstan
log lta tshar gcod sun 'byin dang
rang gi grub mtha' bskyang phyir dang
rang gi che ba khyad 'phags dang
snang ba'i sems rdzogs sun 'byin dang
snang ba'i drag pa sun 'byin dang
ye shes lam nyid skyabs pa dang
rig pa'i lam la sun 'byin dang
snang ba rtog pa sun 'byin dang
stong pa stong pa'i sun 'byin dang
lam gyis ye shes sun 'byin pa'o
64
bdun cu shes rab ye shes dbye ba bstan
de don rnam don nyi shu ste
drag po'i shes rab khyad par dang
lam ston stong pa'i shes rab dang
'jug pa lam gyi shes rab dang
de yi mtshan ma'i shes rab dang
rtogs byed nyer thabs kyi shes rab dang
sbyor ba yum gyi shes rab dang
gsang ba yul gyi shes rab dang
khyad par rtags kyi shes rab dang
goms pa tshad kyi shes rab dang
snang ba sku yi shes rab dang
rig pa lam gyi shes rab dang
shin tu ma yengs shes rab dang
'khor ba 'khrul pa'i shes rab dang
tshig med stong pa'i shes rab dang
rgyal ba rtags kyi shes rab dang
mngon snang yul gyi shes rab dang
bsgom pa 'dzin pa'i shes rab dang
mtha' dbus med pa'i shes rab dang
lam bstan 'bras bu'i shes rab dang
gtan tshigs stong pa'i shes rab dang
gtan tshigs gcig gi shes rab po
don gcig rgyal ba'i rang rtags bstan
de nyid rnam don bcu dgu bstan
rgyal ba mya ngan 'das rtags dang
ye shes rtogs pa'i drod rtags dang
65
snang ba mthong ba'i rang rtags dang
yul la snang ba'i mngon rtags dang
lam sna zin pa'i mtshan rtags dang
bden pa mthong ba'i dpe rtags dang
yang dag rnyed pa'i yul rtags dang
ting 'dzin goms pa'i stobs rtags dang
'jug pa yul gyi dus rtags dang
rnal 'byor lam gyi bsgom rtags dang
mtshan ma med pa'i sangs rtags dang
rtags la dpe yi rang rtags dang
mthar phyin grol ba'i dus rtags dang
yul dang dbang po'i bying rtags dang
'das pa'i dus kyi mngon rtags dang
rjes 'jug drang phyir mngon rtags dang
don dam yul gyi 'bral rtags dang
sems nyid don gyi rang rtags dang
snang ba rgyas 'debs rtags su bstan
don gnyis thabs kyi 'jug sgo bstan
de nyid rnam don bcu yis bstan
gsang sngags lam gyi thabs bstan dang
stong pa snying po'i thabs bstan dang
rtogs pa tshad kyi thabs bstan dang
gsang sngags 'bras bu'i thabs bstan dang
shes rab yul gyi thabs bstan dang
yan lag bzhi yi thabs bstan dang
66
dkyil 'khor dbang gi thabs bstan dang
mnyam nyid lam gyi thabs bstan dang
rtog med yul gyi thabs bstan dang
dag pa don gyi thabs bstan pa'o
don gsum phra rags gsal ba bstan
de nyid la yang don gsum ste
mtshan ma dag pa'i dri ma dang
'dzin pa yul gyi dri ma dang
shes bya nang gi dri ma'o
don bzhi sku gsum dbye ba bstan
de nyid la yang don gnyis te
mtshan ma ming gi sku gsum dang
yang dag don gyi sku gsum mo
don lnga dbang gi sdom byang bstan
de la rnam don gsum gyis bstan
gdams ngag don gyis bstan pa dang
yang dag thob phyir bstan pa dang
rdzas lnga dag gis bstan pa'o
don drug rang grol dgongs pa bstan
de la rnam don bcu yis bstan
snang ba yul la grol ba dang
rang snang mkha' la grol ba dang
ting 'dzin sems la grol ba dang
'byung ba rkyen gyis grol ba dang
rang don lam gyis grol ba dang
snang ba drug gis grol ba dang
lta ba nyid las grol ba dang
rgyu rkyen chos las grol ba dang
rtog 'dzin mtha' las grol ba dang
67
mtha' bzhi dang las grol bar bstan
don bdun sa lam bsgrub med bstan
de nyid la ni don bzhis bstan
sbyang ba'i yul du med pa dang
du mar bgrang du med pa dang
gnas dang 'gro 'ong med pa dang
sa lam rim pa med pa'o
don brgyad rdzogs chen rang skad bstan
de la yang ni don gsum ste
lta ba don gyis smras pa dang
spyod pa don gyis smras pa dang
sgom pa don gyis smras pa'o
don dgu mi g.yo mnyam gzhag bstan
de nyid la yang don gsum ste
rang snang nyid las mi g.yo dang
rnam gsum don las mi g.yo dang
sgron ma nyid las mi g.yo'o
brgyad cu 'jam dpal smra bzhi bstan
de nyid la yang don gsum ste
thabs kyi sgo nas smra ba dang
shes rab nyid kyis smra ba dang
pha rol sgrol phyir smra ba'o
gya gcig gshegs pa rang byung bstan
de nyid la yang don gnyis te
rang rang tshig gis smra ba dang
mthu stobs sgo nas smra ba'o
gya gnyis snying po phul ba bstan
de nyid la yang do gsum ste
rang gis zhus te phul ba dang
68
ston pas bskul te phul ba dang
gsang sngags bris te phul ba'o
gya gsum mtshan ma zil gnon bstan
de nyid rnam don bcu gcig go
mtshan ma'i yul la gnon pa dang
gzhan don sems kyis gnon pa dang
yul dang shes pa gnon pa dang
sgron ma nyid kyis gnon pa dang
rnal 'byor lus kyis gnon pa dang
spyod pa rgyun gyis gnon pa dang
rang don rig pas gnon pa dang
ye shes ngo bos gnon pa dang
lam nyid 'bras bus gnon pa dang
gsang sngags don gyis gnon pa dang
rig pa stobs kyis gnon pa'o
gya bzhi dgongs pa lung bstan no
de la rnam don gnyis kyis bstan
tshig la brten te lung bstan dang
rgyu mtshan brtags te lung bstan pa'o
gya lnga rgyal ba'i rten bzhug bstan
de nyid rnam don drug gis bstan
sku yi tshad du bstan pa dang
gsung gi tshad du bstan pa dang
thugs kyi tshad du bstan pa dang
thams cad 'dus par bstan pa dang
mos pa bskyed phyir bstan pa dang
yang dag nyid du bstan pa'o
gya drug yongs su gtad pa bstan
69
de nyid la yang don bzhis bstan
ston pas gtad pa nyid dang ni
de nas zhu ba po yis gtad pa dang
sdud pa po yis gtad pa dang
de nas yongs la gtad pa'o
de bzhin le'u'i mtshan sbyor rnams
rab tu med cing spang pa'o
le'u gnyis kyis mtshan bstan pa
legs par bkrol zhing bshad par zang
rab tu rgyas par bstan pa'o
zhes rig pa rang grol chen po'i rgyud las
le lag don bsdus kyi le'u ste dgu pa'o
@10
de nas yang 'jam dpal gzhon nur gyur pas 'di skad ces gsol to
kye kye bcom ldan 'das thugs rje chen po dang ldan pa
le'u'i don dang mtshan bshad de ltar lags na
yongs su bzung ba'i thabs gsung du gsol
zhes zhus so
de nas yang bka' stsal pa
kye rigs kyi bu rnams nyon cig
ngas thabs dam pa bstan gyis legs par nyon cig
yang dag pa'i ye shes la 'phel 'grib med do
ye shes kyi lus la yang zhing g.yo ba med do
ye shes kyi snang ba la gsal ba dang mi gsal ba med do
gsang sngags kyi lam la nye ba dang ring ba med do
70
rang gi snang ba la che chung med do
sems can gyi dbang po la rno brtul med do
de ci'i phyir zhe na
snang ba la bstan du yod pa'i phyir thabs la che chung med do
de ci'i phyir zhe na
gdams ngag bstan pas thams cad grol ba'i phyir ro
sems can gyi dbang po la rno brtul med do
de ci'i phyir zhe na
ngo sprad pas chog pa'i phyir ro
de'i phyir na
sangs rgyas kyi lam la mkhas par gyis shig
sangs rgyas kyi bden pa nyi shu rtsa gcig ngo shes par gyis shig
'bras bu smin pa'i tshad shes par gyis shig
kye ma rigs kyi bu sangs rgyas kyi dgongs pa la bar mtshams med
rang gi de bzhin nyid la zad cing stongs pa med do
lta ba rang byung gi ye shes nyid
gzung 'dzin gnyis kyi mtha' dang bral ba nyid do
dag pa ye shes kyi yul la yangs dog gi mtha' dang bral ba'o
de nas bcom ldan 'das kyis tshigs su bcad de bka' stsal pa
e ma ho rang byung bde ba nyid
phyogs su bltas pas grub pa med
bde ba'i yul la bdag tu rtog pa med
71
gsang ba'i ye shes mdzod rnams rab tu bstan
ye shes kyi ni phyogs 'dzin spang
lam rab bsam pa med pa yi
'das pa'i lam la thug pa med
rgyud kyi rgyal po 'di nyid la
bshad lugs bsam gyis mi khyab kyang
mdor bsdus bshad kyis 'di bstan no
rgyu dang ye shes mtshan bshad bya
gsang sngags lam dang ye shes nyid
bshad par bya ba'i rim par gsungs
tha dad nyid las grol ba nyid
lam nyid gsal bar bya ba'i phyir
gtan tshigs lam la rab tu bshad
yongs su gtad pa'i le'u 'di
bshad pa thams cad mig tu 'gyur
spang bya'i yul las thar bya'i phyir
the tshom som nyi spang phyir 'di bshad do
the tshom dag gis sems can la
'di bshad pa yis rtog pa sel
gsang bsngags kyi bcud dag la
'das pa'i rjes su gnang ba'o
yongs su gtad phyir gsang ba bshad
gtad pa la ni rnam gnyis te
yongs su gtad dang rjes su gtad
rnam pa gnyis su 'dod pa de
de nyid yongs su gtad pa'i le'u las
bshad pa'i rim pa mdor bstan bya
72
rgyal ba rtags dang 'dod pa rnams
rab tu bshad cing gtad pa'i phyir
de phyir yongs su bshad pa bstan
bshad lugs bsam gyis mi khyab pa'o
'di ni gsang ba nyid du bstan
gsang sngags dgongs pa'i mthar thug ni
tshad ma 'di las shes par bya
gzhung don gtan tshigs rgyas pa'i phyir
de phyir 'di nyid rgyas par bstan
rgyud 'di nyid ni bshad byas pas
thams cad zil gyis gnon par 'gyur
bya ba byed pa thams cad kun
mtshan ma bzhi las grol bar 'gyur
zhes rig pa rang grol chen po'i rgyud las
yongs su bzung bar gtad pa'i le'u ste bcu pa'o
rgyud chen po'i lde mig tu bstan pa
ston pa stobs ldan chen pos
dur khrod me ri 'bar bar
'khor rnams kyi rtog pa bsal ba
rgyud kyi lde mig du gsungs pa'i rgyud
rig pa rang grol chen po rgyud ces bya ba
rdzogs pa chen po'i don bstan pa rdzogs so
rgya rgya rgya
sngags gyi srung mas srungs shig
sa ma ya
rig pa rang grol rgyud pa ma bu bzhi
dge'o
dge'o
dge'o