Панихть мельганза стирнять
Равжа кранчне, каркснихть.
Каряйсь лоткась, шабать учсь,
Панжезе сон кургонц,
Кранчнень сельмос ягдат кучсь,
Нонат прашендсть, уркодсть.
Комотсь щеня-богатырь
Каряй лишмоть лангста.
Шуфттнень ала ёлма стирсь
Ащесь келу пангокс.
Кеподезе сонь щенясь,
Мяштенцты люпштазе.
Палазе, и сон нльне
Эвотьфонц юкстазе.
— Карьхцигаттне ётай веть
Патязень монь шавозь...
Ляйста столбанянзон седть
Прафтозь... венчнень сявозь.
Сюдерязе прянц иднять,
Патякс кельгозь, цёрась,
Каряйть мархта тусть. Вирнясь
Мельгаст савор морась.
Лотконь-латконь, вирень туркс
Арды лишме сталень,
Лийфни ягдат вракнень кургс,
Вийсь эсонза Сталинть.
| 
