Йотась стаданяц
Шуди веднява,
А илядыхне
Йомла седнява.
Эводсь Полю стирсь,
Кундась сединянц:
Траксне тапасазь
Баярть розь уманц.
Келес ласьконди,
Лофтамсь шаманяц,
Аш сонь лездыняц —
Тряйняц аляняц.
Азозь баярти
Работниконза:
— Тапазь тонь роснень
Велеть траксонза! —
Баярсь кяжиясь,
Мчкр пеенза,
И аф парста ванцть
Кяжи селмонза.
— Панесть стадать сей,
Постуфть сотнесасть,
Нищайть, ине-куйть,
Тейне сей тусасть!
Тусть работникне
Розень паксяти,
Сембе тракснень синь
Панезь баярти.
Ускозь од стирнять,
Сотнефт кяднянза,
Снавнякс кеворихть
Сельме веднянза.
Пукшу пондонянц
Пиксозь локшеса,
Кирдезь колма шит
Кардса шовдаса.
