Page:Колхозонь эряф 1937-01 45стр.jpg

Кевень инжи

39

---

---

 

Дон Гуан

А мезь кда?

Лепорелло.

Сон, теень арам, ваны
Тинь лангозонт и сафни кяжензон.

Дон Гуан.

Арта, Лепорелло, тюрьфтьк монь пялон —
Аф монь пялон — Донна Аннань пяли,
Ванды.

Лепорелло.

Мезенди статуять инжикс
Серьгядьчнемс?

Дон Гуан.

Аф сянкса ни, штоб кортамс
Мартонза сонь. — Мярькя тон статуяти
Ванды познаня, илядькя самда
Донна Аннань пяли да и арамс
Часовойкс кенкшть ваксс.

Лепорелло.

И ули тага
Мяленте тинь шутендамс кинь марта!

Дон Гуан.

Арт, арт ина! рас мярьгонь!

Лепорелло.

Но вдь...

Дон Гуан.

Арт!

Лепорелло.

Цебярьденга цебярь тон статуясь!
Баринозе, Дон Гуан, пяк эняльди
Самда теенть... пежеть шкай мон пелян.

Дон Гуан.

Трус! Норак мон теть няфтьса!

Лепорелло.

Ожуда —
Монь баринозе, Дон Гуан, тинь ванды
Терьнетядязь эсь урьвянтень пяли
Сяда познаня, штоб арамс кенькшть ваксс.

(Статуясь люкштии прянц, согласиндамань
знак няфнезь).

Ай!

Дон Гуан.

Тоса мезь?

Лепорелло.

Вай, тядяняй! Кулан, кулан!

Дон Гуан.

Тиевсь мезь тонь мартот?

Лепорелло.

(Прянц люкштиезь)

Вай, статуясь, вай!..

Дон Гуан.

Тон сюконякшнят!

Лепорелло.

Аф, аф мон, а сон!

Дон Гуан.

Мезень афпар мор тон лавгат!

Лепорелло

Сада тинць.

Дон Гуан.

Ну, вант ина, бездельник (статуяти). Командор,
Тернетя мон тонь урьвяцень пяли,
Коса ванды улян мон, — тон арак
Кенкш лангс сторожкс. Мезе мля? Саят?

(Статуясь люкштии прянц).

О, шкайняй!

Лепорелло.

Мезь? — мон кортань.

Дон Гуан.

Адя тяста.

4-це сценась

ДОННА АННАНЬ КОМНАТАЦ

Данна* Анна

Мон тинь прьняндань, Дон Диего, аньцек
Ризфу кортамазе, пелян, мольфтсы
Мялентень; ёт арань выдавойкс мон,
Ямбарнясь, мон эстоньберя мяляфтса,
Мезь имафтонь. Сельме веднень шорьсян