Моску ширеста
Сетьме кожкя фась,
Радиоть вельде
Тейнект куля сась,
Ся оцю кулясь
Сембонь пилес прась,
Мокшэрзянь областсь
Республикакс арась.
Вай, сядонга пяк
Шинясь валдоми,
Сядога вишкста
Морамазе сай.
Кода аф морат
Оцю радости!..
Мокшэрзянь кяльса
Кассь минь культурась,
Сядонга вишкста
Минь сонь кепоцаськ
Лама кудт валдомсть
Электричествась а,
|
|
Иляды кудтнень
Тяни валдопцаськ.
Радиось морай
Мокшень велеса —
Клубса, школаса,
Колхозникть кудса.
Тракторхне сокайхть
Колхозть паксяса,
Ланксост трактористт —
Мокшень од цьорат.
Од республика,
Тон валда шиня,
Седи ваксканя
Мон тейть радавань.
Мошень кельняса,
Мокшень валняса
Эсь лемозт морня
Мон тейть сьормадонь.
Декабрь 34 к.
|
