Базар. Площаць
Мерьгат лакай.
Нароць пульхки
Понжам лаца.
Тяса ламос
Сави якамс,
Кда мяльце
Вешксцень сатомс.
Тяса мезе
Аньцек аяш:
Сьора, сиволь,
Нингя тавархт...
Но инь пяк
Сай сельме каямс
Тоза, коса
Нурттне таватфт
Оцю, коське
Ару розьса.
Нурттне лешафт,
Кельме кожфса.
Вельпонь весне
Кескафт утнихть,
Перьфкаст
Калхозникне шутцихть.
Корхнихть кия
Мзяра сьора
Тавар ланкс
Полафты тячи,
Киень брюкат
Веши цьорац,
Киень авац
Ситец веши.
„Теент рахсемс,
Ялгат, пара,* —
Нолдась валонц
Башка эряйсь.
„Лятьфтаде тинь
Йотксонт мзяра,
Конат пялес
Вача эряйхть?“
— Видя, улихть, —
Пшкяць Сьомась —
Кода Васясь
Минь калхозса
Кона ноладога
Нолась.
Кона пиленц
Кизонь кожфта.
Тяфтак йоню,
Откорь цьорась
Думсесь калхозсь
Стама васта,
Коста цьорась
Потямс йорась,
Кода корхнихть:
Эльдьта кафта.
Эльбяць Васясь,
Шавось учсесь.
Тяни сьороц
Сонь аф саты.
Кафта энялькст
РИК-у кучсесь,
Но... вдь тоза
Кше аф шачи!
Лама корхнеф:
„Паксяв якак,
Нейсак тефне
Лакайхть, шадыхть.
Анак покатть
Мезе сатат?
Иттне вачеда
Вдь лядихть
Сон изь куля.
Мезя тиемс?
Тяфтак йотатфць
Сембе кизоть.
Тяни кшенди
Оронц мизе,
Эх, аф тряви
Рамсезь пизось!
Тяфта, цьора —
Тяни мон,
Кда кочкамс
Эрян кода!
Видя работан
Аф ськамон,
Но мон тевса
Отта одан.
Ударникть!
Тиньцке содасасть,
Ударникт!
Сяскиец изь шача.
Тяддень сьоксесь
Тейнь козякс сась,
Аф улян ни
Тяни вага.
Мезень вача,
Кда мимс
Колма центнерхт.
Сьора усконь!
