| Большевиконь пара вал! |
„Колхозонь эряф“ журналти мокшонь велеса социалистическай строительствать келепниенцты 5 кизонц топодеманц шиня Мокшэрзянь облисполкомсь кучи пара вал!
Лама пингонь оцязоронь строень гнець каць совецкай властти розаряф культурнайста илятф мокшонь веле.
Колхозонь строенкса, оцязоронь иляткснень каршес тюремаса „Колхозонь эряфсь“ арси кемя лездыкс партияти и совецскай власти.
„Колхозонь эряфсь“ пуропць эсь перьфканза мокшонь, пролетарскай колхознай писателень кадрат, тись оцю работа мокшонь литературань тиемаса
Омбоце вете кизонь плантть эряфс йотафнемста журналть инголя ащихть оцю задачат ломатнень одукс тиемаса, кона пяшкодеви кемоста тюрезь пролетарскай литературати наксада либералонь мяльхнень сувафнемаснон каршес, мещанскай и лия мяльхнень каршес, конат кой коста сувсесть „Колхозонь эряф“ журналть лопа ширензон ланкс.
Ня эльбятькснень петнезь, ленинизмать флагонц ала, партиять генеральнай китьксонц эзда мянцихнень каршес тюрезь „Колхозонь эряф“ журналсь тя задачатнень пяшкоциня. Президиумсь надияй, што тя ули тяфта.
Мокшоэрзянь Облисполкомть президиумоц
| Мокшоэрзянь облпрофсоветть президиумоц |
| „Колхозонь эряф“ журналть 5-це годовщинанцты. |
Мокшэрзянь облпрофсоветть президиумоц „Колхозонь эряф“ журналти сонь 5 кизонь юбилеенц мархта кучи пролетарскай боевой пара вал!
Журналсь 5 кизонь эрямань пинкстонза кемя вийса тюрьсь партиять генеральнай китьксонц инкса, национальнай политикать эряфс йотафтоманц и кемокстаманц инкса. Сталин ялгать указаниянзон эряфс йотафтомаснон инкса, мокшэрзянь областть хозяйственнай и культурнай ширьде кемокстаманц инкса.
Мокшерзянь ВКП(б)-нь обкомть кемя руководстванц вельде, журналсь касфць и тонафць мокшэрзянь од писательхть и поэтт, конат тиихть национальной культурать эса национьлонай* формаса и социалистическай содержанияса.
Мокшэрзянь облпрофсоветть президиумоц надиякшни сянь ланнс, што „Колхозонь эряф“ журналсь ниньгя сяда вишкста и кемоста кармай тюрема партиять генеральнай китьксонц инкса, литературнай фронца эсь инголи пельдень эряфсонза, арай немя боецэкс капитализмань элементонь ляткснень машфтомаса экономикаса и ломатнень социалистическайкс сознаиняснон* шарфтоманкса, омбоце 5 кизонь плантть шумордаманц вельдя классфтома обществать теиманц инкса.
Шумбра улеза коммунистическай печаць — пролетариять диктатуранц инь кемя оружияц!
МОКШЭРЗЯНЬ ОБЛПРОФСОВЕТТЬ ПРЕЗИДИУМОЦ.
| „Колхозонь эряф“ журналти! |
Боевой комсомольскай паравал „КОЛХОЗОНЬ ЭРЯФ“ журналти сонь вете кизонь юбилейстонза.
Минь кемоста надиятама, што омбоце пятилеткаста „Колхозонь эряфсь“ тяфтажа сембе вийса большевикокс кармай тюрема ленинскай национальнай политикать эряфс йотафнеманкса, ниньгя сяда вишкста кармай работама мокшонь литературнай од кадрань пуроптомаса и тонафтомаса, максы лама сяда од молодежнай писательхть и поэтт — национальнай художественнай литератураса социалистическай реализмань ударникт.
ВЛКСМ-нь ОБКОМСЬ.
2
