Mu tig rin po che phreng ba'i rgyud

From Wikisource
Jump to: navigation, search

@1
417
mu tig rin po che phreng ba'i rgyud ces bya ba bzhugs
418
rgya gar skad du
bod skad du
mu tig rin po che phreng ba'i rgyud ces bya ba
bcom ldan 'das rig pa'i bdag nyid 'khrul pa mi mnga' ba nyid la phyag 'tshal lo
'di skad bdag gis bstan pa'i dus gcig na
kye ma 'khrul pa'i bdag nyid chen po rnams nyon cig
nga med pa'i sngon rol na
'khrul pa med pa'i rig pa
'khrul pa'i bdag nyid can zhes bya ba yod de
419
de las de ma dag pa las 'di ltar snang ba'i cho 'phrul chen po cher byung ste
'khrul pas ma bgos pa'i yul so sor shar ro
de'i tshe snang ba 'du byed kyi rgyal po
snang ba ris su 'byed pa'i rig pas snang ba'i rtog pa du ma ltar byung ngo
'khrul pa'i snang ba zhing khams su rig pa gzhi la bzlog pa'i thabs mchog tu ngas bstan gyis
legs pa'i tshul gsum gyis nyon cig
420
de nas gsang ba'i bdag pos ji ltar gsungs pa'i don khong du chud nas 'di skad ces smras so
'di skad bdag gis thos pa'i dus gcig na
cha yis ma bgos pa'i gzhal yas khang dam pa
thugs tsit ta'i dkyil 'khor na
rig pa rdo rje rnon po'i sku dang
rig pa rdo rje lu gu rgyud kyi sku dang
rig pa rang snang gi sku dang
rig pa cog bzhag gi sku dang
rig pa thogs pa med pa'i sku dang
rig pa gcer snang gi sku dang
de thams cad kyang rig pa ngo bo'i sku las ma g.yos te
ngo bo'i 'khor bsam gyis mi khyab pa dang
dkar ba dang dmar ba dang
ser pa dang ljang gu dang mthing ga la sogs te
nang rang snang gi 'khor bsam gyis mi khyab pa dang
421
phyi yul gyi 'khor 'di lta ste
de bzhin gshegs pa'i rigs dang
rdo rje'i rigs dang
rim po che'i rigs dang
pad ma'i rigs dang
bya ba dang bral kyi rigs dang
khro bo phyag na rdo rje dang
rta mgrin dang
ye shes kyi gshin rje dang
las kyi mkha' 'gro ma'i tshogs la sogs te
dpag tu med pa dang
phyi yul la snang ba 'dul ba'i 'khor thub pa drug dang
'gro ba 'dul ba'i sprul pa'i sku
bsam gyis mi khyab pa dang
'dzin byed 'khrul pa'i 'khor 'di lta ste
ma rig pa dang
sems dang
yid dang
nyon mongs pa lnga dang
422
'dzin pa dang
rtog pa dang
mi dge ba la sogs pa dang
de'i snang ba'i 'khor 'di lta ste
yul dang
shes pa dang
dran pa dang
mthong byed dang
nyan byed dang
snom byed dang
myon byed dang
'du byed dang
gzugs dang
sgra dang
dri dang
ro dang
reg bya dang
chos la sogs pa dang
lha dang
lha ma yin dan
dri za dang
byang chub sems dpa'i 'khor bsam gyis mi khyab pa dang
'dul ba dang
mdo sde dang
mngon pa la sogs pa dang
'jig tshogs su blta ba dang
nyan thos dang
rang rgyal dang
byang chub sems dpa' dang
kri ya dang
u pa dang
423
yo ga dang
nang ltar ma ha dang
a nu dang
a ti la sogs te dpag tu med pa'i 'khor sna tshogs su snang ba dang
thabs cig tu bzhugs so
zhes mu tig phreng ba'i rgyud gsang ba las
gleng gzhi'i le'u ste dang po'o
@2
de nas bcom ldan 'das 'khrul pa thams cad dag pa'i mnga' bdag la
gsang ba'i bdag po la sogs pa'i rigs gsum gyi khro bo rnams kyis 'di skad ces gsol te
kye kye bcom ldan 'khrul med sku
khams gsum 'khor ba'i sems can rnams
'khrul pa ldog na ji ltar ldog
bdag cag rnams la bka' stsal cig
de nas bcom ldan rdo rje sems dpa' des
nye ba'i 'khor la bka' stsal pa
kye ma nyon cig gsang ba'i bdag
dang po gzhi la 'khrul med kyang
sems can blo la 'khrul pa ste
de yang rig pa'i ye shes kyi
rtsi yi don la thebs gyur na
424
'khrul pa dang po'i gzhi la ldog
rang rig ye shes rtogs dka' ba
gzhi la snying po mi rtog can
'khrul pa gdar sha bcad pa'i thabs
ma rig 'khor ba 'das shes su bdal
lu gu rgyud la rtag tu blta
cir snang rig pa'i klong du bskyal
rang rig dang po'i so la gzhag
ma rig pa nyid rtsad nas bcas
ye shes snang ba mi gnas 'char
'khrul pa ldog na ma la ldog
ye shes snang ba bar dor bu la snang
sems kyi rtsad bcad ye shes klong
ma rig phugs ded lu gu rgyud
sgo lnga'i rgyun bcad ye shes gsal
rig pa'i mthong phye
stong snang bar gyur
'khrul snang yul phyung rig pa rang
dran pa rgyun bcad chos sku'i ngang
'khor ba spyi phyud sku gsum gsal
425
stong pa dngos med gsal bas mdzes
dug lnga mdor phyung sman gyi ngang
mun pa'i rgyu zad sgron ma nyid
'khrul pa'i rgyu zad ye shes grogs
gsal ba'i sku 'bar gnyis med ngang
bem rig gnyis med 'khor ba sangs
don gyi ye shes gzhi la ldog
don dam kun rdzob gnyis med pa'i
e ma rta mgrin rgyal po nyon
sems kyi gnas phyung ye shes nyid
rkyen snang yul med cig char ba
'khrul pa ldog pa'i ldog sa ni
lu gu rgyud du thams cad sangs
dran med yul gyi dkyil 'khor du
rnam rtog las grol rgyud chen gsal
dran pa'i snang ba ci snyed pa
'khrul pa chen po'i rgyu yin pas
dran pa sangs pa'i nam mkha' la
'khrul pa de nyid bzlog par bya
426
chos nyid yul gyi snang ba la
bsam pa'i dngos po ji snyed pa
'khrul dang ma rig rgyu yin pas
bsam pa med pa'i rig pa la
don gyi mig gis de nyid bzlog par bya
lu gu rgyud kyi snang ba la
'dzin pa'i rtog pa ji snyed pa
de nyid 'khrul pa dngos yin pas
rtogs par byed pa'i shes rab kyis
brtags te rang snang yul la blta
chos rnams kun gyi rtsa ba ni
dran rig gnyis las ma 'das so
kye ma nyon cig gshin rje'i rgyal po khyod
rang rig ye shes 'od bar bas
rtogs pa'i rgyal po ngo bo nyid
dbyings dang lu gu rgyud kyi sku
de las yengs pa med pa'i phyir
rgyun gyi rtogs pa chen por bstan
dran byed blo la snang ba rnams
427
rig pa'i rgyal po'i sku la ltos
rig pa 'gyur med ye shes sku
rang gsal chos nyid yul la 'phyo'o
chos nyid stong pa'i yul gnas pa
stong pa nyid kyi dngos po las 'das pa'i ye shes la
sku yi snang ba bsam mi khyab
snang ba'i chos nyid skye med la
sku gsum chos nyid skye med ni
bsam 'das dngos por mi 'dzin pas
da ltar snang zhing 'od lnga ltar 'byung
rig pa'i snang ba 'od gsal ba
zhes pa nas
sna tshogs zhen pa rang grol te
chos sku nyid kyi snang ba ni
dran byed bsam pa'i chos las 'das ste
chos nyid dbyings las rang byung bas
rnam rtog rang gi mdud pa grol
bya byed rgyun du mi snang bas
428
'khrul pa'i ye shes ma la zha
rang byung ye shes bdag med pas
ngo bo lu gu rgyud du shar
'dzin pa med pa'i rang snang ni
gzung bas ma zin chu zla 'dra
thogs pa med pa'i rang grol ni
khyung chen nam mkhar lding ba bzhin
spro bsdus ma byas rang sar grol
rig pa nyid kyi ngo bo ni
spro med bsdu med ngang du grol
chos kyi sku yi rang snang ni
thad ka tsam du snang ba las
dngos po dran byed yid las 'das
mtshan mar snang ba thams cad kun
skye med chos sku thob pa'o
e ma ho
rig pa'i ye shes snang med pas
bems po'i snang bas nga mi bsgrib
stong pa'i chos nyid yul med pas
stong pa nyid la nga mi gnas
mtshan mar 'dzin pa dngos dag pas
'dzin pa'i chos la nga mi gnas
429
shes rab chen pos rang byung bas
sde snod chos la nga mi gnas
nga la dge dang sdig med pas
'khor ba'i chos la nga mi gnas
zhes mu tig phreng ba'i rgyud gsang ba las
'khrul pa gzhi las ldog pa'i le'u ste gnyis pa'o
@3
de nas khro bo'i rgyal po rta mgrin gyis 'di skad ces gsol te
kye kye bcom ldan rdo rje 'chang
rang rig ye shes chen po'i lung
nges pa'i rgyal pos bka' stsol cig
de nas bcom ldan rdo rje 'chang
ma bzhugs pa yi stan las langs
sar ba 'dus ha sgra brjod nas
'dus pa'i tshogs la bka' stsal pa
kye kye nyon cig 'dus pa'i 'khor
snang byed sgron ma 'bar ba 'di
430
chos kyi sku dang dbyer med pas
rang rig yul gyi spyod lam ni
thabs kyi sku las shes rab nyid
'gag med klong du thams cad rol
gsang ba'i ye shes 'gyur med pas
rang bzhin snang ba ma 'gags pa
ngo bo nyid kyi sku ltar 'phro
bya byed gnyis las rab 'das pas
chos nyid yul la gzigs snang mkhyen
sgron ma'i ye shes thig le gsal
rig pa'i sku la chos nyid gsal
sgron ma nyid kyi snang ba yin
de nas snang ba'i go 'byed pas
rig pa'i snang ba tha dad min
gsang ba'i spyi rgya rlab chen 'di
sangs rgyas kun dang mnyam sbyor pas
mtha' yas nyid las dbus mi dmigs
431
don dam ye shes lngar snang bas
kun rdzob ye shes sna tshogs te
sku ltar snang zhing rig pa 'dus
phra rags sna tshogs snang ba yang
ye shes don la bsgrib mi 'gyur
rin chen gtsug gi mar me bzhin
snang ba'i 'od 'di dpag tu med
rig pa'i snang ba 'od gsal bas
sku gsum rgyal ba'i zhing khams gsal
man ngag rin chen mngon snang bas
byang chub sa la pha rol phyin
brjod du med cing snang ba'o
kye kye gsang bdag rdo rje 'dzin
'khor ba nyid kyi don rtogs na
mya ngan 'das zhes yod ma yin
nyon mongs lnga yi don rtogs na
432
ye shes ming du yod ma yin
sdug bsngal nyid kyi don rtogs na
bde ba chen po btsal du med
skyon gyi mtha' nyid rab rtogs na
yon tan chen po btsal mi dgos
'khrul pa nyid kyi don rtogs na
'khrul med rig pa btsal mi dgos
'byung lnga nyid kyi don rtogs na
chen po lnga nyid babs kyis 'grub
ma rig nyid kyi rtsad chod na
rig pa'i sku nyid ma bsgrubs 'grub
sems can nyid kyi don shes na
sangs rgyas nyid kyang ma btsal rnyed
sna tshogs snang ba'i don rtogs na
rang rig 'od snang ma btsal rnyed
rtog pa nyid kyi rjes chod na
433
'khrul pa de nyid rang sar grol
stong pa snang ba'i don rtogs na
ye shes sku yang lhun gyis grub
dngos por snang ba'i phugs mthong na
stong pa nyid kyang ma bsgrubs rdzogs
chos nyid a yi don rtogs na
skye med chos nyid pha rol phyin
e ma ho
rang snang stong pa nyid kyi rgya
shes kyi rgyas btab pa bstan
stong 'byams ye shes sku yi rgya
sna tshogs sems nyid rig pa'i rgya
rnam dag klong yangs ye shes rgya
mtshan ma dngos dag rang rig rgya
snang ba rang rdzogs dbyings kyi rgya
spyod pa rmad byung snang ba'i rgya
bsgom pa rmad byung sems kyi rgya
434
lta ba rmad byung nam mkha'i rgya
'bras bu rmad byung chig chod rgya
ye shes rmad byung stong pa'i rgya
chos nyid rmad byung rol pa'i rgya
rtogs pa rmad byung shes rab rgya
ngo bo rmad byung lug rgyud rgya
yang dag rmad byung rig pa'i rgya'o
e ma ho
gsang ba'i bdag po chen po nyon
gsang ba'i dbang nyid rab rdzogs pa
snying po bcud kyi gdams ngag 'di
snyin po nyid la snying po brtan
nges pa'i gsum man ngag 'di
rgyud kyi gtso bo mthar thug 'gyur
don dam kun rdzob gnyis med pas
435
rang snang yul na bde ba che
chos nyid gnyis su med pa'i rtags
snang ba'i rjes su mi 'brang zhing
kun tu snang zhing gnyis su med
bya byed chos la mi gnas pa
rang snang yul la gnyis su med
gcig dang du mar mi 'byed pas
rtogs pa'i dus na gnyis su med
gsang sngags thabs la tshegs med pas
go ba'i dus na gnyis su med
'khrul pa'i yul la sna tshogs kyang
don dam nyid la gcig gnyis med
phyi nang yul la gcig kyang med
shes pa'i dus na sna tshogs 'byung
sna tshogs zhen pa rang grol te
chos nyid go nas gnyis med dang
436
'khrul snang rigs ni rtsad chod na
rang rig ngo bo gnyis su med
zhing khams rnam dag lhun grub pa'o
zhes mu tig phreng ba rin po che'i rgyud gsang ba las
'khrul pa la bzla bar bstan pa'i le'u ste gsum pa'o
@4
de nas rta mgrin dbang gis rgyal pos 'di skad ces zhus so
kye kye bcom ldan thugs rje can
bdag cag rang rig rjes mthun la
chos nyid dbyings kyi bstan pa gsungs
de skad rab tu zhus pa dang
bcom ldan rdo rje dpa' bo des
ting nge 'dzin las bzhengs nas ni
nye ba'i 'khor la bka' stsal pa
kye kye rta mgrin dbang rgyal nyon
nga yis bstan gyis legs par nyon
chos dbyings rgyan dang ldan pa'i phyir
sangs rgyas kun gyi ye shes sku
sangs rgyas sems can kun gyi dur
them zhing yang dag don la spyod
rig pa skye med snang ba ni
437
skye bya skye byed gnyis las 'das
gsang ba'i sku dang rig pa'i ngang
rnam par dag pa'i chos nyid la
thugs rjes chos shing bcad du med
chos nyid dbyings kyi rgyan bzang po
thig le'i snang ba mtha' yas shing
sku yi ngo bo lu gu rgyud
ye shes snang ba'i 'od zer lnga
sangs rgyas kun gyi lam gyi sku
chos nyid yangs pa'i dkyil 'khor du
gsang sngags thabs kyi spyod pa ni
bcom ldan rdo rje sems dpas bstan
e ma ho
snang ba chen po gsal ba che
dag pa'i ye shes 'od du gsal
chos nyid spros pa med pa'i klong
'gyur med pho brang lhun 'byams 'di
so sor snang zhing don byed pas
438
rang rig ye shes sku yi klong
stong pa'i ye shes mkha' la rol
yang dag ye shes ma 'gags yangs
ting 'dzin ye shes me dang 'dra
yang dag ye shes rlung dang 'dra
ma bskyod ye shes thabs gsang zhing
chos nyid lus kyi rgyan bzang ba
chos kyi sku yi spyod pa ni
sangs rgyas kun gyi spyod pa dang
thig le rnams kyi bzhugs sa ni
ngang gis ma g.yos g.yo ba med
lta ba'i ye shes thabs mkhas pas
ma bskyod rdo rje sems dpa'i ngang
sna tshogs rol pa'i sku bstan pas
rgyun tu snang zhing rnam par rol
gsang sngags thabs kyi sgo mang bas
yid ches gsum gyis rab tu bstan
439
chos rnams kun gyi rtsa ba ni
spyod pa ma spyad rang sar grol
thabs las sku ltar snang ba dag
gsang sngags lam la gnas pa yi
bsam 'das rab dag yul las 'das
bag chags yul rnams sku yi ngang
gsang sngags thams cad thabs la thug
chags med ye shes gsung gi ngang
lhun rdzogs chen po'i lta bar bstan
sangs rgyas kun dang mnyam sbyor zhing
thugs rje dri ma rnam par dag
shes rab chen por gyur pa'o
stong dag ye shes rang byung ba
chos rnams kun gyi rtsa ba ni
gsang sngags lu gu rgyud kyi ngang
chos rnams kun gyi rang byung ni
dbyings kyi sgron ma thabs kyi rgya
440
chos sku dngos po'i lam du snang
dri ma med pa'i ye shes ni
stong pa'i yul gyi gnad du brdeg
man ngag rgyal po spyi bcings dang
thams cad rang snang lhun rdzogs pa'o
e ma ho
rnal 'byor kun gyi lta ba ni
sems kyi sgo bcad rnam rtog dangs
khyim yangs phugs rdib man ngag ni
'dod pa'i sgo bcad ye shes nang du gsal
chos nyid lam du khyer na ye shes snang ba dag
khyi rkun mdor phyung rig pa'i ngo bo zin
mtshan ma zil gnon snang ba rgya yis btab
ye shes 'gyur med klong yangs 'od dbyings kun tu chub
shes rab rang snang chos nyid yul du chod
441
rkyen bral chos nyid kun gyi snying por gnas
snang ba chig chod mkha' la rgyug
e ma ho
rang rig ye shes ma g.yos ngang du zhog
ma rig pa nyid klong du skyol
'khor ba nyid kyang ru nas bzlog
spyad pas ma phyed yul du med
rtsa ba lnga dag ye shes sku
dran byed sangs pas rang rig dag
kun gyi lam la rnam par snang
kun gzhi lus kyi me long la
stong rig gsal ba'i gzhi bstan pas
gzhan byung 'khrul pa gzhi la bskyal
phung po lnga nyid rgyu med pas
'khrul pa'i lus ni mngon sangs rgyas
442
'byung ba lnga nyid ye dangs pas
snang ba 'od gsal gnyid du grol
dbang po lnga nyid cer bzhag pas
'dzin pa'i yul lnga rang sar grol
nyon mongs lnga nyid rang yin pas
khams gsum nyid ni gzhi la bskyal
ma rig pa nyid rang byung bas
'khrul pa'i rgyu nyid ye nas sangs
kun gzhi chos skur rang shar bas
rgyud kyi skye ba rtsad nas bcad
yid bzhin dgongs par ye nas pas
'gyu byed rnams ni rang bzhag yin
dbugs ni ye nas rgyun chad pas
skye shi gdod nas yod ma yin
443
'dod pa'i yon tan ye rdzogs pas
zhen pa'i mtha' ni bsgom pa nyid
yan lag ma bskyod ye phyin pas
'gro ba'i lam nyid ye nas bgrod
smras pa'i ngag ni brjod med pas
ye nas smra bsam yul las 'das
med pa'i 'phro 'du ye stong pas
ye nas bsam gtan chen por gnas
dir ma rnams ni rang dag pas
dir med zang thal chen por gnas
byas pa byung ba med pa'i phyir
thog ma nyid nas bya byed bral
gzhi nas gzhan 'byung chos med pas
444
gdod nas rang byung nyag gcig go
gcig dang nyis kyi grangs zad pas
thig le zla dang bral ba nyid
mun pa gdod nas rnam dag pas
rig pa'i snang ba 'od gsal khyab
'khor ba rgyu med 'gags zin pas
ye nas sangs rgyas nyid kyi sa
mtshan ma'i dngos po stong sangs pas
bdag 'dzin blo ni ye nas zad
rkyen rnams rkyen gyis rang grol bas
ltos chos rnams ni cog bzhag pa'o
de nas rta mgrin rgyal po nyid
snang ba de kun rang grol bas
445
ngo mtshar mchog tu gyur nas ni
brgyal zhing sa la rab tu 'gyel
de nas rdo rje 'chang chen des
de ltar brgyal ba bslang ba'i phyir
'di skad ces ni ched du brjod
e ma de ltar snang ba rnams
'khrul pa nyid kyang rang grol na
'khrul med snang ba cis mi grol
ji ltar smra dang bya byed rnams
stong rig gsal ba'i spyod pa yin
bzang dang ngan pa'i rtog pa rnams
bsgom pa chu bo'i klong chen yin
log lta yang dag 'dod pa rnams
rnal 'byor ris med lta ba yin
re dang dogs par 'dzin pa kun
446
zang ma thal byung 'bras bu yin
phyag rgya chen po mngon 'dod pas
stong gsum thams cad dkyil 'khor la
char dang khu rlangs chag chag btab
'gro ba'i lam dmigs thig chen te
rkang pa'i rjes ni rdul tshon ris
'gro bar 'dod pa stangs stabs nyid
yan lag bskyod pa phyag rgya'o
ji ltar smras pa sngags kyi tshig
bsam pa rnams ni bskyed rim yin
yid la 'gyu ba mchod pa nyid
gzugs su snang ba lha yi sku
sgra chen brjod pa rol mo nyid
447
rang gi lus ni bum pa la
skra ni lo 'dab kha rgyan mdzes
khrag dang chu ser chu rnams nyid
don snying la sogs rdzas kyis gtams
rang la snang ba'i dbang rnams byin
ma bskur nyid la rdzogs pa'o
'da' bar 'dod pa dam tshig la
bsrung bar 'dod pa bcings pa nyid
dgrol bar 'dod pa nyams pa ste
med par 'dod pa thub mchog yin
bza' dang btung ba bsnyen pa la
nyal dang 'dug pa sgrub pa'o
'du byed rnams ni lhag gnas nyid
glo dang lung pas dkyil 'khor sgrub
mthong ba rnams ni phyag rgya'i brda'
de la chags pa nyams myong yin
448
shes rig gsal ba gdams ngag la
yul sems gnyis 'dus gdab pa'i yul
skye rgas na 'chi goms pa'i gnad
tshogs drug ma 'gags rtogs pa'o
de nas ye shes mkha' 'gro rnams
shin tu dga' mgu yi rangs nas
rdo rje 'chang la 'di skad gsol
kye 'khrul med grol ba de ltar na
snod kyi 'jig rten cis mi grol
rdo rje 'chang gis bka' stsal pa
nam mkha' nyid ni khyab stong pas
nam mkha' nyid ni dngos por grol
rlung ni gzung yul med snang bas
dngos po sdud pa'i las su grol
me ni smin byed byin za bas
449
bskyod cing dangs snyigs 'byed par grol
sa ni skyed byed bdegs pas na
dngos med mtha' yas stong par grol
chu ni sdud byed rlan pas na
sreg byed smin pa'i las su grol
nam mkha'i rlung ni dngos po la
nam mkha'i mes ni sdud par byed
nam mkha'i chus ni sreg byed pa'o
nam mkha'i sa yis go skabs 'byed
nam mkha'i nam mkha' snang ba'o
rlung gi rlung ni brtan pa la
rlung gi nam mkha' ye gdangs che
rlung gi chu ni myur mgyogs te
rlung gi mes ni 'phen sdud phyed
rlung gis sa ni gzugs brnyan gsal
450
chu yi chu ni sgra snyan yin
chu yi nam mkha' thogs pa med
chu yi rlung ni chags med rgyug
chu yi mes ni sdud par byed
chu yis sa ni khyab par byed
me yi mes ni bskyed par byed
me yi nam mkhas dngos po bsreg
me yi rlung gis 'bar bar byed
me yi chus ni shing brlag par byed
me yi sas ni 'dzin pa'o
sa yi sas ni 'gro ba khyab
sa yi nam mkha' theg chen te
sa yi rlung gis gang stongs byed
sa yi chus ni dngos po bskyed
sa yi mes ni skems pa'o
nges pa med pa'i byung ba yis
451
nges par snang ba'i sems nyid grol
gzugs su med pa'i snang ba thams cad ni
rang bzhin med pa'i ngang du grol
gzugs med rnams ni dngos pos grol
chos ni chos kyis grol ba la
med pa la yang med pas grol
gcig ni gcig gis grol ba la
gnyis su snang bas gnyis grol ba'o
rta mchog dpal gyis yang gsol pa
kye ma bcom ldan rdo rje 'chang
snod 'jig rten kyang grol gyur bas
bcud kyi sems can cis mi grol
sems can grol ba rnams la don med 'gyur
yang na grol ba de dag kun
452
'bad pa med par grol lam ci
'bad pas grol na bem po ni
grol bar rigs pa ma lags na
sems can grol ba ji ltar grol
bcom ldan 'das kyis bka' stsal pa
'bad pas grol ba ma yin te
ye nyid nas ni grol bar gnas
thabs dang shes rab sbyor ba las
pha dang ma yi rgyu nyid dag
'phen pa'i rlung gis bskyod pa ni
byang chub rang rig bde chen po
'byung lnga'i rgyu las sa bon ni
stong nyid yul las rnam par shar
gnyis kyi bde ba snyoms 'jug ni
thabs las byung ba'i shes rab nyid
453
mngal gyi lhums su tshud pa ni
rang rig gzhi nas snang bar shar
bdun tshan bdun gyi rtogs tshad do
zla bcu sa rnams bgrod pa nyid
btsas pa nyid ni skur bzhengs te
lus bskyed pa ni gzhi snang yul
lus su gnas pa gzhi yin te
rgas pa dag ni 'khrul pa sangs
na ba nyid ni rtogs pa'i gding
shi bas chos nyid stong par grol
de ltar gzugs su sems can te
'bad pa med par ye nas grol
e ma spyod bsam bsgyur snang ba grol
bsgoms pas ma bcos chos can grol
454
lta bas ma brtags rtag chad grol
'bras bu ma bcings rang lus grol
snang ba ye rgyas thebs pa'o
zhes mu tig phreng ba rin po che'i rgyud las
'bad med rang grol gyi le'u ste bzhi pa'o
@5
de nas rigs kyi khro bo rnams kyis 'di skad ces gsol to
kye kye bcom ldan rdo rje 'chang
sangs rgyas kun gyi rang bzhin gang
sems can rnams la ji ltar ngas
de nyid gnas na 'khrul mi rigs
'khrul de ji ltar ldog tshul ni
gang dang gang gis ldog pa lags
ma 'khrul ye shes ji lta bu
bdag cag rnams ni gyur na
de la gnyis snang ji ltar lags
gtso bo the tshom ji ltar bsal
455
rdo rje 'chang gis bka' stsal pa
gsang ba mchog bdag rdo rje 'dzin
gnyis ni gzhi ngo bo gcig khyad par las
spros med nyag gcig dgongs par gnas
bde chen thig le'i rang bzhin can
sangs rgyas kun bdag dkyil 'khor gcig
ngo bo nyid kyi ka dag pas
rang bzhin nyid la lhun grub po
sa dang phyogs dang ris las 'das
yod dang med dang ltar snang med
gcig dang gnyis dang bgrang yul med
stong pa chen por babs kyis grub
456
lung dang rigs pa'i spyod yul min
rgyud dang man ngag gis mi mtshon
lta dang sgom dang spyod pas ni
de yi don rnams shes mi 'gyur
de don 'bras bu grub pa med
chos kyis de nyid bsgribs par 'gyur
bsam pas 'grub pa ma yin te
shes rab kyis kyang dpyad du med
sbyin dang tshul khrims dang bzod pa yis
de nyid gnod dang phan 'bras bu bral
thos dang bsam dang bsgoms pas ni
mchog tu brtags kyang don mi mthong
de la dkyil 'khor yod pa min
lha med skyed pa'i sa bon med
sngags dang phyag rgyas ci zhig bya
mchod pa la sogs spro mi dgos
dbang dang dam tshig ga la yod
457
bsnyen pa dang ni sgrub pa med
'khor lo spro ba yod ma yin
bsrung ba med cing bsrung yul med
gdon dang gnod pa'i yul las 'das
de ni yin 'gro ba'ang yin
sems yin sems las byung ba ste
du ma yin la nyag gcig yin
'khor dang myang 'das nga rang yin
dkyil 'khor la sogs rim 'jug yin
chos yin chos su snang ba yin
gnas pa yin la grol ba yin
'dug dang nyal dang 'chag pa yin
srog yin gcod pa nyid kyang yin
458
'jig rten gsum po de las skyes
lha dang sngags dang phyag rgyar snang
dge dang de yi 'bras ltar byung
pha rol phyin pa bcu yang de
sa rnams dang ni yon tan kyang
de nyid las ni thams cad byung
spyod pa sgom pa nyid dang ni
lta ba la sogs kun kyang byung
che chung rim pa'i theg pa yang
de las thams cad byung ba'o
mdor na ji ltar snang ba yi
sa chu me rlung nam mkha' dang
'byung ba che rnams de las byung
lha dang lha min mi rnams dang
dmyal ba byol song yi dwags dang
459
chen po de las yang dag byung
'dod chags zhe sdang gti mug dang
nga rgyal phrag dog la sogs ni
de nyid las ni cho 'phrul 'byung
ma rig sems dang yid rnams dang
phung po khams dang skye mched dang
rnam par shes pa'i tshogs rnams dang
dbang po lnga la sogs pa byung
sgra dang dri dang ro dang ni
reg bya nyid dang 'dod yon ni
de nyid kyi ni rgyan du byung
gsog dang ya ma brla dang ni
snying po med la sogs pa yang
de yi rtsal dang rol par byung
kun gzhi dang ni nyer len gyi
sha dang khrag dang chu ser dang
rus pa pags pa ba spu dang
bsags pa'i lus rnams de las byung
lus dang ngag dang yid dang ni
sems byung nyon mongs sna tshogs ni
thams cad nga yi ngo las byung
460
skyes pa bud med rta glang dang
gzugs ni thams cad de las byung
bza' dang nyal dang 'dug pa dang
sna tshogs las ni byung ba'o
kye khro bdag de ltar gnas pa'i chos nyid la
'khrul pa gdod nas med pa ste
chos sku nam mkha' lta bu la
glo bur sems can sprin gyis bsgribs
ma 'khrul pa yi chos nyid kyang
glo bur 'khrul pa'i tshul dang ldan
rgyu rkyen dang bcas skad cig ma
yul la de ltar snang mod kyang
thog ma nyid kyi ka dag la
'khrul zhes tsam du brjod du med
de bzhin ma 'khrul pa yang ci
de phyir 'khrul pa gdod nas dag
gzhi snang chen po de nyid la
ma rig pa zhes brtag med pas
461
'khrul par grub pa yod ma yin
blo zhes kun tu ma brtags pas
dri ma 'khrul pa'i ming yang med
ming dang yi ge'i tshogs med pas
btags pa'i 'khrul pa yod ma yin
chos zhes ming du dum grags pas
blo btags 'khrul pa ming yang med
sems dang yid du ma grub pas
'gyu byed 'khrul pa ngang gis med
phra rags dri ma gnyis med pas
'byung rkyen 'khrul pa ngang gis med
bya dang byed pa gnyis med pas
yul 'dzin 'khrul pa ga la yod
yul dang dbang po gnyis med pas
yul 'dzin 'khrul pa med pa'o
kye khro bdag chen po legs par nyon
rang bzhin snang ba'i chos rnams la
462
dri ma med pas phra rags log
gzung 'dzin med pas 'khrul pa log
'gyu ba med pas las rlung log
zang thal yin pas dngos po log
gsal ba yin phyir stong pa log
ye nas rdzogs pas bskyed rim log
rtsol ba med pas spyod pa log
ma btsal bzhag pas bsgom pa log
rang grol yin pas snang ba log
mngon du snang bas lta ba log
sgra tshig med pas tha snyad log
yod ma myong pas zhen pa log
med ma myong bas gzhan ltos log
gzung du med pas blos btags log
nyag gcig yin pas grangs mtha' log
463
yongs la khyab pas gzhan 'byung 'gags
rang shar yin pas mun pa sangs
snying po yin pas chos skur khyab
gsal bar snang bas longs skur rgyas
ma bu 'phrad pas sprul skur byung
rtags su yod pas thabs su byung
bsam 'das yin pas dran pa sangs
rtag chad med pas grub mtha' rdzogs
bcung du dril bas rig pa gsal
rang grol yod pas cog bzhag dang
de nyid log pa'i rig pa ni
rang las byung bas grol zhes bya
464
gnas pa yin pas khyab ces bya
mtshan ma med pas stong zhes bya
nub pa med pas shar zhes bya
rdos bcas med pas zang thal lo
grol bar gnas pas log ces bya
sna tshogs dangs pas sangs zhes bya
gnyis su med pas gcig pu nyid
thams cad bskyed pas rgyu zhes bya
ma lus rdzogs pas 'bras bu nyid
dmigs pa dag pas lam zhes bya
'khrul pa zad pas lung yang yin
ye nas gnas pas rgyud ces bya
mtshon du yod pas man ngag yin
grangs las 'das pas rtsis zhes bya
de lta bu yi sems nyid ni
dgos 'dod skongs pas nor bu 'dra
465
dgos pa tshang bas bang mdzod bzhin
gang bstan snang sa me long 'dra
dri med gsal ba'i shel sgong 'dra
snang ba sna tshogs za 'og gur
spro bsdu med pas khyung chen 'dra
lta ba'i rtsal rdzogs seng ge bzhin
gting rdzogs khyab pas rgya mtsho 'dra
rang byung grol bas nam mkha' bzhin
thams cad brten pas sa gzhi 'dra
yul rnams kun las khyad par 'phags
'gag pa med pa'i rig pa las
'khrul pa med pas rtog pa med
ye grol yin pas gtan nas 'phags
rang grol yin pas yul rkyen zad
cer grol yin pas snang ba dag
466
mtha' grol yin pas mu bzhi 'gags
gcig grol yin pas du ma stongs
rkyen rnams rkyen gyis grol bas na
dmigs pa'i chos la nga mi ltos
yul rnams yul gyis grol bas na
gzung 'dzin gnyis la nga mi ltos
rgyu nyid rgyu yis grol ba la
'khor 'das gnyis lang mi ltos
chos ni chos kyis grol ba la
tha snyad tshig la nga mi ltos
sems nyid sems kyis grol ba la
mtshon byed blo la nga mi ltos
dri mas dri ma 'khrul ba bzhin
de ni dag pas dag pa grol
dug gis dug rnams 'dzims pa dang
lcags kyis lcags rnams gshog pa dang
467
rdo yis rdo rnams gcog pa dang
shing gis shing rnams bsreg pa ltar
rang rang dgra ni rang gis byed
rigs mi mthun pas grol ba min
de phyir gzhi gnas rig pa la
rang shar yin phyir snang ba rdzogs
rang byung yin phyir gzhi nyid rdzogs
rang snang yin phyir yul yang rdzogs
rang grol yin phyir 'khrul gzhi rdzogs
rang dag yin phyir lam kun rdzogs
rang rig yin phyir shes bya rdzogs
rang khyab yin phyir 'bras bu rdzogs
rang sa yin phyir rgyu rkyen rdzogs
rang gis rtogs phyir chos nyid rdzogs
rang log yin phyir 'khor 'das rdzogs
rang gnas yin phyir rgyud lung rdzogs
rang rdzogs yin phyir dus gcig rdzogs
468
rang shes yin phyir gdams ngag rdzogs
rang bzhag yin phyir bsam gtan rdzogs
rang gnas yin phyir dbyings rdzogs pa'o
e ma ho
rang rdzogs pa chen po'i chos sku ni
ka nas dag pas dri ma zad
thog mar byung bas brgyud pa zad
zla dang bral bas rtsis las 'das
sdug bsngal rgyu med bde chen po
brjod pa'i rgyu med smra bsam 'das
ye nas rang rig rnam dag rig pa'o
zag pa zad phyir rdos bcas min
dngos po bzod phyir stong par gnas
gnyis kyis 'phel med ngo bo nyid
chos dang bral bas mtha' las 'das
rtog med gsal bas 'gyu ba sangs
bem rig gnyis med tshogs gnyis rdzogs
469
'gran pa'i zla med cog bzhag rang
de tshig gis bsgyur mi btub pas
bcos pa'i tshig med kun tu khyab
bsam byed sems med dran pa bral
so ma nyid yin gnyug ma'i rang
ma bcos mchog yin rnal mar bzhugs
shes bya nyid las bab kyis grub
sngon med phyis med gdod nas med
'gyu ba ma yin dran pa gnas
yongs la khyab pa'i sems gcig po
grub pa'i mtha' rdzogs spyi phud yin
thog ma bar dang tha mar grub
de ltar gnas pa'i 'khrul med gzhi
rang rig ye nas 'od regs la
sku gsum ye nas ma bskyed rdzogs
470
'bras bu ye nas rang gnas pa
chos kyis ye nas bcos su med
grub mthas pe nas bskyangs dang bral
dug lngas ye nas gos pa med
'khor ba 'das 'du 'bral ga la yod
gsal ba'i ngos ni brjid re che
snang ba nyid ni lhun re sdug
chos sku ngo sprod dang re spro
ngo bo zang thal sbubs re yangs
rang bzhin kun khyab gdal re che
thugs rje kun 'byung skyo re che
khyab pa ye gdangs bkrag re gsal
gnas pa thogs med bang re mgyogs
rig pa'i rang gdangs 'od re gsal
471
stong pa kun 'byung ngo re mtshar
ma btsal bzhag pa rgyun re ring
ma bkod rang byung brdal re che
snang srid gzhir bzhengs dpangs rim tho
'bad med rang grol rgya re che
ye rtogs chen po 'khor re mkhas
kha dog lnga ldan bri re legs
snang srid rnam dag khong re snyoms
rang byung 'od gsal bkod re legs
gzhi snang chen po shongs re che
'khor 'das gnyis po 'brel re mkhas
sku lnga ye shes brtsegs re legs
rang bzhin gnas pa'i ngo bo la
sangs rgyas med cing sems can med
ma rig med cing 'khrul pa med
472
sems med yid kyang yod ma yin
dgra med bshes med gnyen yang med
nyon mongs med cing ngar 'dzin med
'gro ba med la 'ong ba med
chos med chos su snang ba med
thabs med shes rab nyid kyang med
phung po med cing khams kyang med
yul med 'dzin par bya ba med
dbang po med cing yul yang med
gzung bar bya zhing 'dzin pa med
sku med ye shes nyid kyang med
shes dang shes bya'i bdag po med
'od med kha dog yod ma yin
sgra med dril sogs pa med
'dod pa med la zhen pa med
dbyings med gzhal yas khang yang med
lha med mchod pa'i yul 'das pa'o
473
kye ma gsang bdag rdo rje 'dzin
khyad par chen po'i snang ba la
yod dang med pa gnyis byung ste
spyis gzhi 'khrul gzhi zhes bya ba
ma rig nyid dang sbags pa'i phyir
shes bya nyid kyang dri mar snang
sems las dran bsam 'char ba'i phyir
ngo bo nyid ni rtog pas sngags
yid drug 'dzin pa ma 'gags phyir
chos sku nyid kyang bzung bas bcings
cha med rdul dang bcas pa'i phyir
'od gsal nyid kyang bag la chags
rkyen bzhi dmigs pa ma dag phyir
snang ba nyid ni du mar shar
474
snang ba de nyid yul snang phyir
mkha' la rlung brten de la chu
'bum phrag bcu gcig dag gis ni
zlum la 'dril ba nyid du chags
'o ma las ni spris 'byung bzhin
sa ni 'bum phrag bcu gnyis so
rlung gi grangs ni sa ya nyid
rlung ni chags dang sdud pa dang
'phen pa dang ni 'degs pa'o
chu ni khyab dang 'dzin pa dang
smin byed dang ni gsum yin no
sa ni sgrub byed phra ba dang
rags pa nyid dang gsum yin no
dkrogs nas mar du 'gyur ba bzhin
ri rab ri yi rgyal po ni
bang rim bzhi dang lcog chen dang
rol mtsho dang ni ri rnams bdun
475
gling rnams dang ni khor yug chags
stong gsum la sogs khams rnams so
'dod dang gzugs dang gzugs med kyi
khams gsum po ni de la brten
yod min ci yang med pa'i dang
rnam shes cung zad med pa yi
gzugs med rnams ni de las skyes
gnas gtsang la sogs lus can ni
gong nas 'og tu thegs pa'i tshul
'og min la sogs 'dod pa'o
lha dang lha min rnams la ni
mngon mtho'o de nas gnas gsum ni
byol song yi dags dmyal ba dang
476
sems can de dag skye ba bzhi
de yang bskal pa dang po'i mi
gzugs dang lang tsho dpe byad dang
rab 'od mdangs kyis lus khyab ste
'dod 'jo la sogs bsod nams zas
skyed gu'i tshe yang brgyad khri la
pho dang mo yi dbang po med
de nas 'khrul pa'i rgyu gnyis las
'dod chags la sogs nyon mongs ni
bags kyis rags pa nyid du gyur
dbang po la sogs sgo dod de
bsod nams zad phyir 'od sogs bri
de nas rim gyis sa tshil dang
477
sa lu la sogs zas spyod do
de ltar 'jig rten gsum pa nyid
phung po lnga dang dbang po lnga
yan lag lnga dang don snying lnga
yul lnga dang ni nyon mongs lnga
sems lnga yid lnga rtog pa lnga
gzung 'dzin 'khor ba nyid du grub
'khrul pa gnyis snang de lta bu
dper na myur 'gro'i 'khor lo bzhin
rgyud chags 'khor la yun ring gnas
de ltar snang ba sna tshogs rnams
thag pa las ni sprul mthong bzhin
478
de ma yin la der bzung bas
phyi nang snod bcud gnyis su chags
de yang brtags na thag pa nyid
snod bcud ye nas stong pa ste
don dam kun rdzog gzugs can no
sprul mthong de nyid mthong bas bden
thag pa yang dag nyid du bden
dper na mtho la bya gnas bzhin
bden pa gnyis kyi rang bzhin ni
'jig rten kun rdzog tsam du ste
yang dag nyid 'brel pa med
stong pa nyid kyi dbyings las ni
de yi ngo bor thams cad grol
rig pa stong gsal khyab che bas
bcud rnams snying po nyid du dril
479
de la snying po de nyid la
sku lnga ye shes lnga dang ni
'od lnga kha dog rnam pa lnga
chos lnga ye shes rlung lnga nyid
ngo bo lnga dang rang bzhin lnga
thugs rje lnga yis kun la khyab
dran med 'gyu ba nyid kyang med
chos kyi dbyings kyi cho 'phrul la
thams cad de yi ngang du 'dus
gcig dang gnyis ni nyag gcig po
zhes mu ting phreng ba rin po che gsang ba'i rgyud las
480
gnas lugs 'khrul pa rang rdzogs su bstan pa'i le'u ste lnga pa'o
@6
rdo rje 'dzin pas yang gsol pa
kye kye rdo rje 'chang chen gsang sngags bdag
sangs rgyas thams cad gcig nyid pa'i
de nyid gongs pa ji ltar lags
nyon mongs lnga yi dri ma yis
sems can ji ltar bcings par 'gyur
bcom ldan 'das kyis bdag la gsungs
bcom ldan 'das kyis bka' stsal pa
sangs rgyas kun gyi bden gcig ni
rang bzhin ni ngo bo yis
de nyid las ni khyad par phye
ngo bo ye shes snang ba la
rang bzhin kun khyab sku lngar ldan
'bras bu thig le nyag gcig go
snang ba nyid la zung 'jug ste
481
stong pa la ni 'od gsal lo
ngo bo nyid ni cig char te
rang bzhin nyid la rim gyis so
chos nyid stong pa kun khyab la
mtha' yi rdul dang bral ba nyid
rang bzhin snang ba 'od gsal la
'khrul pa'i dri ma bral ba nyid
chos sku 'od gsal bde chen la
dngos po'i mtha' rnams stong pa ste
rang byung rig pa'i rgyal po la
mtho dang dma' ba'i yul las 'das
nga nyid sangs rgyas dgongs pa las
'khor ba nga yin myang 'das nga
chos kyang nga yin chos min nga
dmyal ba la sogs ngan song nga
dkyil 'khor lha dang sngags kyang nga
sangs rgyas sags dkon mchog nga
482
ston pa 'khor dang bstan pa nga
rang gi 'khor sdud sdud pa nga
lta dang skom dang spyod pa nga
dbang dang dam tshig sdom pa nga
mchod pa dang bsam gtan ting 'dzin nga
khrus dang gtsang sbra dri med nga
dge dang mi dge spyod pa nga
mdo sde 'dul ba mngon pa nga
stong dang mi stong bden gnyis nga
spyi dang theg pa'i khyad par nga
sdig dang las dang rnam smin nga
'jig rten snod dang bcud kyang nga
de phyir 'gro dang mi 'gro nga
las dang de nyid nyon mongs dri ma nga
dbang po dang ni yul rnams nga
483
phung po khams dang skye mched nga
sha dang khrag dang rus pa nga
ming dang yi ge sgra gzugs nga
gzung 'dzin yul dang bdag rtog nga
sdug bsngal ma rig 'khrul pa nga
sgra dang dri dang ro reg nga
tsha dang grang ba'i log 'dzin nga
bkres dang skom dang rmongs pa nga
bde dang sdug bsngal btang snyoms nga
mdor na ji ltar snang ba nga
nga ni mi 'pham kun las rgyal ba'o
nga ni bcos pa'i tshig med kun las phags pa yin
nga ni rtag chad nyis med kun ltar 'jug pa yin
484
nga ni mthong ba'i yul med kun la mngon du snang
nga ni thams cad gting rdzogs kun las che ba yin
nga ni bgrod pa'i lam med kun las pha rol phyin
nga ni gcig pu nyid de kun la 'brel pa yin
nga ni gnas pa'i sa med kun la brten pa yin
nga ni 'gran pa'i zla med kun la nyag gcig go
nga ni bem rig gnyis med kun la khyab pa yin
nga ni mun pa'i gos gyon kun la snang ba ston
nga yis ri bo rgya theg byas pas stobs kyang che
nga yis rgya mtsho hub kyis stob pas lgob che
nga yis ri bo til 'brur 'dzud pas mdzad pa che
485
nga yis mun pa gos su gyon pas dpa' bo che
nga yis 'khor 'das gom gcig bgrod pas mchongs pa che
nga yis sa rnams dus gcig non pas gzi brjid che
nga yis nyi zla gdan du bting bas brjid po che
nga la 'khor 'das dus gcig rdzogs pas bya dang bral
nga la snang ba thogs med shar bas rang shar nyid
nga la rtogs dang ma rtogs med pas ye sangs rgyas
nga la re dang dogs pa med pas 'khor 'das dus gcig rdzogs
486
nga la ye nga bag tsha med pas 'jigs pa kun dang bral
nga la 'chos pa'i mkhan po med pas ye nas lhug pa nyid
nga la gzung 'dzin yul du med pas ye nas rang gnas nyid
nga la snod bcud gnyis su med pas thams cad nga rang nyid
nga la chos can chos nyid med pas thams cad gcig ba'o
rdo rje 'dzin pas yang gsol pa
de ltar 'jig rten 'khor 'das chos
thams cad ngo bo gcig nyid na
sems can gis bcings pa lags
de dag 'ching bar mi rigs na
yang na ma bcings de nyid dam
'on te gzhan dag gis bcings sam
bcom ldan 'das kyis bdag la sungs
bcom ldan 'das kyis bka' stsal pa
sems can nyon mongs lnga nyid ni
487
nam mkha' la ni sprin bzhin du
glo bur rkyen dang bcas pa nyid
sprin de nam mkha'i ngang las byung
de bzhin nam mkhar thim pa na
dbyer med gcig gi ngang zhes bya
de bzhin nyon mongs dri ma med
rang byung rang bzhin nyid shes na
sems can 'ching bar ga la 'gyur
de nyid la ni bden bzung na
sangs rgyas nyid kyang 'ching bar 'gyur
sems can rnams ni cis mi 'ching
bden med rang bzhin med shes na
dri ma rnams ni rang sar dag
chu yi rnyog ma rang dangs ltar
chos kun rang bzhin med gcig
de ltar dngos med ma shes na
phung po khams dang skye mched la
gzung 'dzin dag gis bzung na ni
488
'khor ba nyid la yun ring gnas
khams gsum pa yi khang pa ru
ming dang gzugs kyi btson par tshud
ma rig las kyi lcags kyis bsdams
rang byung sgron ma nyid dang bral
'khor ba'i mun nag stug pos g.yogs
'dod chags lan tsha'i rol chags
gti mug zhags pas dam du bcings
zhe sdang me yi tshad pas gdungs
nga rgyal dag gis mgo gtums te
phrag dog nyid kyi sgo mos bsgribs
khong khro la sogs dmag gis bskor
dran nyid kyis g.yas g.yon brtan
gzung 'dzin zhags pas ske nas btags
489
snga phyi bag chags 'dam du bying
rnam smin nyid dang lag sprel te
las kyis ma bu bar do dang
las kyis ma bu mtshams sbyar nas
gcig nas gcig tu zo chu bzhin
bzang ngan rim pa'i lus blangs te
so so'i rigs su skye bar 'gyur
ngar 'dzin rabs la 'bogs nas ni
sdug bsngal rgya mtsho'i gting du bying
ngan song lcags kyus snying nas bzung
rang gis rang bcing nyon mongs dgra
dmyal ba par ni me chur snang
yi dags rnams la bkres dang skom
byol song rnams lan bun ltar
mi rnams phung po khams dang ni
skye mched 'byung ba lnga ru snang
de yang bde sdug btang snyoms so
lha min rnams la go mtshon du snang te
lha rnams 'dod pa'i yon tan no
490
gsang ba'i bdag po rdo rje 'dzin
sems can 'khor ba de dag ni
rang gi rnam rtog gis bcings kyang
rang bzhin med pas grol bar nges
chos kyi dbyings su mnyam pa'i phyir
phung po lnga khams dang skye mched ni
rigs dang rigs kyi bdag por grol
gzung dang 'dzin pa'i chos can ni
thabs dang shes krab nyid du grol
'khor ba chos kyi dbyings su grol
chos nyid gzhal yas zang thal nyid
don dam nges med yangs pa che
ye shes 'phrul gyi lde mig mnga'
'od gsal stong pa'i mar me gsal
rig pa rang snang 'od po che
chags pas ma bcings sbrul mdud bzhin
491
nyams myong bde ba'i ro la chags
thugs rje'i zhags pas rang lus bcings
shes rab me yis nyon mongs bsreg
'od gsal chen po'i gos kyang gyon
chos nyid mdzod kyi sgo phye sde
rang rig mtshon thogs dmag gi dpung
lta spyod gnyis la lus brten te
rtog pa'i zhags pas 'khor bar bcings
chags pa'i rang rig snga phyi snang
rtog med chos dang lag pa sgrel
chos nyid ma bu gnyis su 'phrad
rang rig ye shes gcig pu nyid
stong gsal chen po'i yul rnyed nas
'dzin pa med pa'i chos sku thob
ting nge 'dzin rgyun chags rab las brgal
sdug bsngal rgya mtsho'i klong las thar
gsang sngags thabs kyi dgongs pa gcig
ye shes nyid la ye shes rdzogs
492
ma rig pa nyid rnam dag pas
chos sku 'od gsal chen por gnas
bde ba chen po'i rang bzhin la
dngos dang dngos med mya ngan 'das
stong pa ye shes ngo bos stong
rang bzhin kun khyab ye shes ni
sgra dang dri ro mya ngan 'das
spros pa med pa'i chos sku ni
gzugs dang rnam shes mya ngan 'das
rig pa'i ye shes khyab gdal bas
stong gsum thams cad mya ngan 'das
chos dbyings ye nas rnam dag pas
'byung ba lnga nyid mya ngang 'das
sangs rgyas sku gcig kun khyab pas
ming dang yi ge mya ngan 'das
493
mi shigs rdo rje ye shes pas
sa rdo ri brag mya ngan 'das
chos nyid spros dang bral ba la
tha snyad nyid ni mya ngan 'das
e ma ho
'di ni rdzogs pa'i sangs rgyas kyi
ngo bo nyid las ma g.yos pa'i
mi 'gyur chos nyid rab tu brtan
rang snang rang grol rang gi yul
rang bzhin rang dag rang gi gdangs
cog bzhag bzhag rang bzhag go
de nas rdo rje can rnams kyis
bcom ldan 'das la 'di skad gsol
kye ma bcom ldan rdo rje 'chang
'jig rten sems can 'di kun gyi
gnas pa'i sa ni ji lta bu
'gro ba'i lam ni gang ltar lags
'bras bu ji lta bu zhig thob
rdo rje 'chang gis bdag la gsungs
bcom ldan 'das kyis bka' stsal pa
rdo rje 'dzin pa legs nyon cig
rtog bcas 'khrul pa'i lus 'di la
494
dri med dag pa chos kyi sku
ma btsal bzhag pa'i tshul du gnas
sangs rgyas rnams kyi sku nyid ni
thugs kyi dkyil 'khor ma bskyed rdzogs
'gyur ba med pa'i sku gcig ni
kun tu khyab pa'i tshul du gnas
yongs la khyab pa'i sems gcig po
rang bzhin gnyug ma'i ngang la gnas
rdo rje lu gu rgyud kyi sku
rgyun ni chad pa med par gnas
lu gu rgyud ni grangs mang bas
cha shas sku ni bsam mi khyab
yod pa gcig las med pa la
snang ba thams cad yongs la snang
stong dang gsal ba'i bdag nyid can
495
de ni ye shes snang ba'o
sku yi ngo bo de bzhin no
rtsa rnams nas ni thig le ste
phra dang 'khyug pa'i bdag nyid can
'od zer nyid kyis mdzes pa'o
de yang cha ni gsum po ste
g.yas dang g.yon dang dbus ma'o
g.yas pa ro ma kun rdzob thig le ste
bde ba chen po'i yan lag ca
bde ba 'dus pa'i 'byung gnas ni
sangs rgyas kun gyi gsang chen yin
thabs kyis mtshon pa'i rang bzhin no
don dam chos sku'i rang bzhin can
stong gsal thig le gcig tu gnas
496
dbus nang gnas shing rang bzhin gsal
spro bsdu smra bsam yul las 'das
bags kyis rnam par rtog pa bral
yod med mtha' gnyis rnam par gsal
rtag chad mu la gnas pa med
rnam par rtog med lhun gyis grub
brjod pa med cing ngang gis stong
don dam dngos po'i thig le'o
g.yon na rang bzhin thig le gnas
bde bas zung 'jug gnyis khyab ste
rab tu gnas pa ma yin par
kha sbyar nyid kyis bde ba thob
phyag rgya chen po nyid kyi rgyu
bde chen ye shes chen po'i lam
gsang sngags kun bdag dkyil 'khor yin
497
'khor ba bskyab pa'i thabs chen po
gsang ba'i ye gdangs 'bar ba'i 'od
de ni bde chen ngo bo'o
'gro ba'i lam ni mthong byed sgo
de nyid g.yas gnyis g.yon gnyis dbus
sgron ma 'bar ba'i tshul du gnas
thig le stong pa'i sgron ma dang
dag pa dbyings kyi sgron ma dang
shes rab rang byung nyid dang ni
rgyang zhags chu yi sgron ma ni
mthong byed yul la snang ba'o
rig pa rtog med lu gu rgyud
bde chen tshangs pa'i sgo nas snang
dper na rma bya'i mdangs lta bu
thig ni 'gyur ba yod ma yin
498
le ni khyab cing yul la snang
sgron mas mun pa snang bar bsgyur
dper na nam mkha'i 'ja' tshon ltar
dag pas nyon mongs dri ma zad
dbyings ni yangs shing rgya ma chad
chos nyid yul la rnam dag pas
gnyis ka'i zur nas 'char bar byed
khyab byed mthing ga 'gyur ba med
snang ba dag pa'i rkyen phrad na
kha dog lnga dang ldan par 'gyur
dper na sreg byed me sgron ltar
shes pas chos rnams gcig char rtogs
rab kun gyi rtse mor gyur
rang ni gzhan ltos chos dang bral
byung ba ma bkag lhug par snang
g.yon nas 'char byed sgo ma 'gags
499
dper 'dzin byed lcags kyu ltar
rgyad ni sgo lnga'i rta pho la
yid kyi rnam shes zhon nas 'gyu
yul rnams kun la 'jug cing sdud
zhags ni gzung ba'i yul nyid la
'dzin pa'i sems kyis rnam par gzung
chu ni dangs snyigs 'byed par byed
de yang gnyis na cha mnyam ste
mdor na dbang po'i dangs ma yin
dper na gser gyi lu gu rgyud
bzo mkhas legs par brgyus pa ltar
rig pas thams cad shes shing rig
rtog med 'khor bas gos pa med
lu gu rgyud ni 'brel chags so
bde chen bu ga rtog med lam
'bras bu rnal ba gnyis zhes te
ma smin 'khor ba nyid dang ni
grol byed sku dang ye shes so
de yang skye bzhis bsdus pa yi
500
lha dang lha min mi rnams dang
byol song rnams dang yi dwags dang
de bzhin dmyal ba'i 'jig rten ni
ma smin pa las gzugs su snang
de dag 'dod chags zhe sdang dang
nga rgyal gti mug phrag dog sogs
nyon mongs dri ma'i rtsa ba can
stong phrag du mas bsdus pa'o
de yang sems la sogs pa yi
gzung 'dzin yid la sogs pas bcings
mngon snang yul ni 'di ltar ro
sku gsum dang ni ye shes lnga
stong pa nyid dang gsal bas khyab
thig le 'du 'bral med pa'i phyir
tshig med nyid dang rjod byed bral
ka dag dri ma bral ba yi
gnas su thams cad mngon sangs rgyas
de la dri med rdul dang bral
501
spros pa rnams kyis ma spros pa'o
sna tshogs snang ba lhun grub tu
'bring la sogs pa lam du grol
'char byed sgo rnams so so nas
bden pa'i khyad par re re las
yul gyi shes pa re re yis
rtogs pa'i tshad ni re re rnyed
de nas snang ba brtas nas ni
rim gyis chos nyid ka dag mthong
des kyang 'bras bu bde chen thob
sangs rgyas kun gyi gsang ba gcig
'bras bu nyid ni de dag la
dri ma dang ni dag pa gnyis
rang bzhin du ni rnam par gnas
de ni de yi 'bras bu la
dngos po nyid dang dngos med kyang
de nyid 'bras bu la gnas pa'o
stong gsal rig cing 'gyur ba med
ngo bo de yi mtshan nyid yin
502
ka dag khyab dang gcig pu ni
ngo bo nyid kyi rang lus yin
cog bzhag dang ni rang so nyid
ngo bo nyid kyi bsam gtan yin
zhes mu tig phreng ba rin po che gsang ba'i rgyud las
sems can gyi snang ba thabs la mkhas pa bstan pa'i le'u ste drug pa'o
@7
de nas rdo rje 'dzin pa yis
rdo rje 'chang la 'di skad gsol
sems can rnams dang 'khor 'das chos
gcig gam 'on te tha dad lags
de la bdag ni the tshom mchis
bcom ldan 'das kyis bdag la gsung
de nas rdo rje 'chang chen des
bde ba'i stan las bzhengs nas ni
'di skad ched du brjod pa'o
'khor ba'i chos ni 'di lta bu
thog ma nyid ni 'di med pas
yul la 'khrul pas brtags pa ltar
sems can yul la snang ba'o
de la yang ni 'di lta ste
sa dang chu dang me dang rlung
503
nam mkha' dang ni nyi zla dang
skyes pa bud med dag gi gzungs
gza' dang skar ma sprin dang ni
shing dang ri dang brag rnams dang
rtsa ba sdong po yal ga dang
'dab ma me tog 'bras bu dang
dri dang rol dang sgra dang reg
rol mo rnams dang 'phan gdugs dang
rgyal mtshan dang ni bla re sogs
de dag 'khor te snang ba'i chos
rnal 'byor nyid kyi lus tshang ngo
sa ni sha ste dngos po nyid
chu ni khrag ste sdud pa nyid
me ni drod de lus kun smin
rlung ni dbugs te lus zungs 'dzin
nam mkha' sems te lus dngos 'dzin
nyi zla mig ste gsal bar byed
skyes pa dag ni skye ba nyid
bud med dag ni 'tsho par snang
gza' ni kha la skar ma so
sprin ni skra la shing ni rtsa
504
ri ni lus la brag ni rus
rtsa ba snying la sdong po rkang
yal ga dag ni yan lag la
me tog nyid ni dbang po lnga
'bras bu lus su grub pa'o
dri ni ba spu ro ni lpags
sgra ni skad la reg ni nad
rol mo nang khrol 'phan ni chu
gdugs ni rkang pa rgyal mtshan ming
bla re dag ni rlangs pa'o
rnal 'byor lus la de dag rdzogs
rig pa nyid ni 'di lta ste
'byung ba lnga ni 'od lnga ste
nyi dang zla ba shes rab thabs
skyes pa gzhi la bud med pas
gza' ni rtogs tshad skar ma chos
505
sprin ni thugs rje kun la khyab
shing ni chos nyid rgyas pa'i lam
ri ni lta ba 'gyur ba med
brag ni chos sku 'jig dang bral
rtsa ba chos sku rgyu gcig pa
yal ga byang chub yan lag nyid
sdong po stong par ro gcig ste
'dab ma khyab byed chos kyi dbyings
me tog ye shes sgron ma nyid
'bras bu sku gsum rang rdzogs so
sgra ni chos nyid yul gyi sgra
dri ni sangs rgyas gsung du grags
ro ni nyams myong bde ba'i ro
reg ni bsam gtan chen po'i gos
rol mo 'od lnga'i dkyil 'khor rdzogs
'phan ni kha dog gsal bas dangs
gdugs ni skyob pa shes rab gdangs
bla re man ngag che ba'i gnad
rgyal mtshan rtogs pa mngon sangs rgyas
506
sems nyid ngo bo'i chos rnams ni
ye nas lhun grub tshul du gnas
de phyir bla dang dngos bo yi
chos ni brgags pa nyid du'o
kye rdo rje 'dzin pa legs nyon cig
'das pa dkar po'i chos rnams ni
lus dang sems la thams cad rdzogs
'khor ba'i chos ni 'das stong phyir
dkyil 'khor lha dang mchod pa dang
sngags dang phyag rgya ting 'dzin dang
dbang bskur ba dang dam tshig dang
man ngag 'bogs dang nyams myong dang
de bzhin bskyed pa'i rim pa dang
thos dang bsam dang sgom pa dang
507
lta ba spyod pa bsgom pa dang
sbyin dang tshul khrims bzod pa dang
brtson 'grus bsam gtan shes rab dang
stobs dang smin lam ye shes dang
de bzhin thabs kyi pha rol phyin
dge bcu spyod pa la sogs pa
thabs dang shes rab nyid la yang
dbyings dang rig pa snang ba dang
sku dang ye shes 'dug tshul dang
gzhi dang lam dang 'bras bu dang
rtogs pa dang ni rtogs tshul dang
'od lnga dang kha dog yul nyid dang
508
stong pa nyid dang spros pa med
ngo bo rang bzhin thugs rje dang
ngang dangs rang bzhin bdag nyid che
ka dag nyid dang lhun grub dang
spyi sa'i gzhi dang 'khrul gzhi'o
e ma ho
'di kun shes bya'i yul du snang
sangs rgyas chos dang dge 'dun dang
bstan pa gnas dang 'khor dang dus
chos sku longs sku sprul sku dang
mdo sde 'dul ba mngon pa che
nyan thos rang rgyal byang chub sems
nyan thos phal chen sde pa dang
thams cad yod smra kun gyis bkur
gnas bstan nyid dang rtsa sde bzhi
sdug bsngal kun 'byung 'gog pa dang
lam gyi bden pa la sogs phye
brag pa bcas dang zag med dang
sa las 'das dang gnas pa'o
509
rdo rje 'dzin pas yang gsol ba
mkha' dang mnyam pa'i chos dbyings la
rig pa'i ye shes rnam snang ba
myang 'das mtshon pa'i chos de rnams
lus dang sems la ji ltar gnas
don nyid ngo la ji ltar 'char
bcom ldan 'das kyis bdag la gsung
rdo rje 'chang gis bka' stsal pa
gzhi dang dngos po'i khyad par las
thams cad chos kyi dbyings su dag
lus sems stong pa nyid kyi rgya
dngos po nyid ni zag pas stong
rang snang rig pa ngo gang la
'di ltar snang ba'i chos rnams rdzogs
tshom bu lnga ni rnam dag pas
chos nyid dkyil dang ye shes 'khor
rang rig mchod pa'i gnas 'gyur phyir
rang gi lhar ni rang nyid che
bsti gnas chen por rang gnas pas
rang gi dkyil 'khor rang nyid mchod
brjod cing smra bsam yul med pas
510
thams cad rang gi sngags kyi tshig
bskyod cing bsgyur ba rang yin pas
yan lag ma bsgyur phyag rgya rdzogs
bsam pas chos nyid stong nyid rang sangs pas
rdzogs pas ting 'dzin bsgom du med
rig pa'i rtsal dbang gzhir gnas pas
rdzas ni mi dgos dbang bskur thob
bsrung ba'i mtshams med 'da' nyams bral
tshig brjod dam tshig bsrung las 'das
snang ba nyid ni rang grol pas
tshig mtshon man ngag rang rig klong
rang las byung bas rang grol bas
nyams su myong ba'i ye nas gdings
sku gsum ma bskyed ye rdzogs pas
bskyed pa'i rim pa rang byung ba'o
'di ltar rang bzhin snang ba yi
chos nyid rnam par brtag par bya
sna tshogs snang ba'i sgra rnams ni
chos nyid brjod dang bral ba'i phyir
brjod med rang rig bde chen po
rang rig bsam pas mi mthong phyir
bsam bzhig brtag pa'i yul las 'das
511
rig pa'i ye shes ye gdangs pas
bsgom zhing bcos pa'i tshig las grol
'khor 'das gnyis ni rang rdzogs pas
rig stong rang grol lta ba che
snang ba rnams ni cer bzhag pas
ma bcos rang byung spyod pa che
ye nas ting 'dzin rang gsal nas
yengs pa med pa bsgoms pa'i gdings
rig pa'i ngo bo dmigs med pas
btang gzhag med pa'i sbyin pa rdzogs
rang rig rnam rtog dri med phyir
ma bsgribs tshul khrims rang lus yin
chos sku gdangs dang bral bas na
bsgom pa'i rgyu med bzod pa nyid
'bral ma myong ba'i rig pa la
'gyur ba med pa'i brtson 'grus so
ye nas rig cing bsam bral bas
512
yon tan rdzogs sems nyid bstan
lu gu rgyud ni thogs med pas
thogs med gsal ba'i shes rab nyid
zil gyis mi gnon rig pa la
chos sku rang rdzogs stobs dang ldan
ye nas rang bzhin lhun grub pas
ma btab rang rdzogs smon lam nyid
stong pa'i ye shes rang gnas phyir
'dzin med gsal ba'i ye shes rang
rig pas snang ba dbang bsgyur bas
sems nyid stong pa'i thabs dang ldan
'das pa ye shes ngo bo bcu
bya dang byed pa'i chos rnams rdzogs
thabs ni rang gsang ye shes la
shes rab stong pa nyid kyi sku
dbyings ni khyab chen ye shes yul
513
rig pa shes bya snang bar grol
sku gsum sangs rgyas nyag gcig po
ye shes mtshan nyid lnga ldan nyid
'dug tshul shes bya babs kyis grub
gzhi ni kun gyi byung khungs nyid
lam ni rang snang bar do'i yul
'bras bu sku gsum ye shes lnga
rtogs pa ye shes zang thal nyid
rtogs tshul snang ba gting rdzogs te
'od ni ye shes lnga yi gdangs
kha dog lnga nyid 'byung ba'i gdangs
yul ni chos nyid stong pa'o
dngos po las log stong pa nyid
brjod pas stong phyir spros pa med
ngo bo ka dag brjod gzhi bral
rang bzhin lhun grub cir snang rdzogs
thugs rjes kun khyab rang shar ba'o
nga ni ma byas par shugs las byung ba ste
514
rang bzhin ma bcos kun snang ba
bdag nyid khyab gdal kun chub po
ka dag dri ma rang dag ste
lhun grub sna tshogs 'byung ba'i phyir
spyi sa'i gzhi ni 'khrul par snang
'di kun gnas lugs rang rdzogs phyir
gzhan nas btsal bas rnyed mi 'gyur
sprul pa'i sku ni rang lus la
chos sku rang rig sems nyid stong
longs sku sna tshogs snang ba nyid
mdo sde chos nyid zab mo rtos la
'dul ba rang gi 'khrul snang 'dul
mngon pa sems nyid rtogs par mngon
phal cher snang rdzogs rang rig pa
sems nyid brjod pa'i gzhir gyur thams cad yod
kun las 'phags phyir kun gyis bkur
gzhi las ma g.yos gnas brtan nyid
bde ba bskyed phyir sdug bsngal nyid
515
ma lus rdzogs pas kun 'byung pa
'gyur ba med pas lam zhes bya
rkyen dang bral bas 'gog pa nyid
rang byung yin phyir zag bcas dang
spros dang bral bas zag med nyid
chos sku thob phyir sa las 'das
dri ma dang bcas pa gnas so
brjod pa'i gzhi yin ston pa dang
mi 'gyur gnas dang 'byung tshogs 'khor
khyad par rtogs phyir dus kyang yin
rig sems lus la thams cad rdzogs
de nyid rdzogs phyir gzhan nas ni
btsal bas rnyed pa'i gnas med do
de nas sems med rig pa yis
chos med lus la 'di skad gsol
'di ltar snang ba'i chos rnams kun
rang la thams cad ye rdzogs pas
516
tshig dang yi ge brdar bkod pa'i
chos la dgos pa yod ma yin
de phyir chos med lus 'di la
sems de ji ltar dgos pa 'gyur
sems de med na bem pos ni
bskyed par nus pa ma yin te
ma bskyed don rnams ji ltar 'byung
de nyid dran bsam sems med na
dur khrod ro dang khyad ci yod
yang na nam mkha' ji bzhin no
de nyid yin na stong pas ni
sems can don ni ji ltar 'byung
de nyid rigs pa ma lgas na
bdag la gtso bos bka' stsol cig
de nas yul med snang ba nas
chos med ston pas bka' stsal pa
sems med dran bsam 'khor gyis nyon
sems ni 'dus tshogs 'byung ba'i phyir
dri ma nyid dang yang sngags pas
kun gzhi sdud pa'i sems la sogs
517
dri ma'i grangs su gyur pas na
sems dang ye shes dbye ba ni
mkhas pa rnams kyis shes par bya
sems ni bag chags kun gyi gzhi
lus can rnams kyi dri ma yin
gzung ba yin la 'dzin pa yin
de phyir 'khor ba'i chos nyid do
sems de bral na sangs rgyas sa
lus can kun gyi dri ma zad
'gro ba rnams ni sems des 'gro
de med 'gro bar nus med de
de phyir 'gro rnams 'khrul 'khor bzhin
thugs ni bskyod pa kun bral bas
bem po lta bu ma yin te
shes zhing rig la gsal byed snang
rnam par rtog pa kun bsregs te
ye shes nyid ni me bzhin za
nam mkha' nyid dang mtshungs pa
518
stong gsal rig bcas nyid yin no
de phyir ye shes snang bar ston
'bad med thugs rje rang shar bas
khyab cing kun 'brel chos kun rdzogs
dran pa nyid ni dran med pas
ye shes dran gzhi nyid dang bral
ye shes nyid ni 'di lta ste
gzhi nas dag pa'i ye shes dang
mtshan nyid 'dzin dang yul khyab po
kun gzhi nyid ni bsag pa'i phyir
chos kyi sku ni zag pa zad
stong zhing gsal ba gsal zhing khyab
bsam pas ma sbags dran pa sangs
spros pa nyid dang bral ba ste
nam mkha' lta bur kun tu khyab cing stong
519
rang mtshon pa kun dang bral
rgyu rkyen bcas kun gzhi la
bag chag bsog phyir rdzing dang 'dra
chos kyi sku ni bag chag bral
yid dang sems sogs 'dus pa las
lus can kun gzhi du mar snang
chos sku yid sogs bral bas na
dum gzugs snang lus med pa'o
'byung chen lnga bo lus snang bas
dangs ma'i 'od lnga dri mas bsgribs
phra rags lnga ni yul snang bas
kha dog lnga yang rdul dang bcas
'byung ba'i mdud pa rang grol bas
chen po lnga yang 'od lngar gsal
phra rags dri ma rang log pas
520
kha dog lnga po ma 'dres gsal
bag rdul nam mkhar rang dengs pas
ye shes lnga ni 'od du shar
dmigs pa'i yul lnga rang grol bas
'byung ba'i rtsal lnga ma la thim
yul dang shes pa rang yal bas
'byung ba'i dngos ma 'od du thim
de phyir 'byung ba dangs snyigs dbye
zhes mu tig phreng ba rin po che'i rgyud las
'khor 'das kyi chos thams cad rang la rdzogs par bstan pa'i le'u ste bdun pa'o
@8
de nas rdo rje 'dzin pa des
rdo rje 'chang la 'di skad gsol
kye kye ston pa rdo rje sems
gsang ba'i rgyud kyi thabs dang ni
rang bzhin ji lta bu zhig lags
bcom ldan 'das kyis bdag la gsung
ston pas gsungs pa rdo rje 'dzin
sangs rgyas kun gyi thabs kyi rgyud
gzhi gcig ngo bo'i khyad par las
521
mtshon bya dang ni mtshon byed do
mtshon bya rgyud gcig kun khyab pas
thams cad de yi rjes su 'brang
khyab pa rnam pa nyis yin te
stong pas khyab dang gsal bas khyab
stong pa rgyu gcig dngos med phyir
dngos po kun gyi chos las 'das
dngos te snang med khyab gcig pas
kun gyi gzhir gyur ngo bo gcig
khyab bdag nyid dang byang chub po
skye med dran pa zad pa yis
ka dag nyid khyad par las
stong zhing snang la snang zhing stong
dngos te dngos med nyid kyang yin
zad phyir ye nas stong par gnas
rgyu rkyen bral bas stong pa'i yul
522
khyab brdal dngos med ngo bos stong
dri ma med cing ma 'dres rdzogs
rtog med stong pa'i rang bzhin te
stong pas khyab phyir rgyud ces so
gsal te rang bzhin ma 'gags pas
sgron byed snang dang kun khyab pa
gsal dang dro dang bsil ba dang
yang zhing g.yo ba'i bdag nyid 'dzin
khyab dang ye gdangs rang gsal dang
grol byed smin pa'i sa bon nyid
stong las log phyir gsal bas khyab
cig char ba dang rang grol dang
rang shar gsal bas lus dang 'brel
dri ma med dang so sor dangs
'dzin med gsal ba'i yul snang la
sgo lnga'i shes pa rang gsal rdzogs
lus la gsal bas khyab phyir rgyud
523
de dag mngon par rtogs pas ni
thabs zhes khyad par nyid kyang ngo
gang zag blo yi bye brag gis
rim pa ji ltar bshad bya ba
'bad rtsol med par rang grol dang
'bad bcas nyams su blang pa'o
'bad med rnams ni rang dag yin
gnad ni rnam pa gsum dag gis
de yi don nyid nyams su blangs
lus dang dang yul nyid do
lus kyi gnad ni rnam gsum ste
seng ge'i tshul dang glang chen tshul
drang srong lta bur zhes par bya
524
sgo ni de nyid ma 'khrul dang
gsal byed rnam gnyis ma 'gul bas
nam mkha' nyid kyang 'gul ba med
yul gyi gnad kyang rnam pa gsum
dag pa'i dbyings ni sdod pa dang
de bzhin rig pa'i ngo bo sdod
snang ba thams cad sdod pa'o
yid ni 'gyu med rang sar gnas
sems ni 'gyu med dran sangs pa
rig pa mi 'gyu sku gsum gsal
yid sems dal bas dran rgyun 'gags
lus ngag dal bas sdug bsngal bral
rig pa dal bas sku lngar shar
525
rig pa shar bas 'byung rkyen 'gags
'od gsal shar bas phra rags 'gags
dbyings rig shar bas yul sems 'gags
de ltar mtshon byed thabs kyi rgyud
rang gi rgyud la ma bskyed rdzogs
mtshon par byed pa thabs yin te
rgyun du gnas pa rgyud ces bya
de bzhin gshegs pa'i rang bzhin gyi
rgyud kyi snying po rab tu phye
'khor dang 'das pa gang gis kyang
'di nyid shes pa ma yin te
mi phyed rdo rje'i rang bzhin can
rang gi mtshon pa'i gzhi gcig pa'i
rang bzhin stong pa nyid du gcig
rdzogs pa'i sangs rgyas bskyed pa'i yul
526
rgyud kyi snying po gsum zhes bya
rang bzhin rgyud ni 'di lta se
gzhi dang snying po bcud nyid do
gzhi ni ngo bo rang bzhin dang
thugs rje kun la khyab cing 'char
ye shes gsum gyi bdag nyid can
ye nas dri ma ka nas dag
'du 'bral med pa'i nyag gcig nyid
sangs rgyas rnams kyi gsang chen yin
sku ni snying po rdzogs pa'i rigs
sku yi rgyud ni stong pas khyab
gsal ba nyid kyang rang snang ngo
mi snang gsal ba'i rang bzhin can
snying po rdzogs pa'i rang bzhin rgyad
527
snang ba thams cad rgyud yin te
thams cad thams cad 'brel zhing chags
rang bzhin cit ta'i dkyil 'khor du
ma bskyed rdzogs pa'i snying po che
de phyir dril bas snying po ste
kun gyi srog tu gyur pa'i phyir
snying po'i rgyud ces rab tu bshad
sangs rgyas thams cad kun gcig bsdus pa'i
ngo bo thams cad bcud phyung ba'i
snying po bsdus pas bcud ces bya
stong gsal rig pa'i bcud du dril
sangs rgyas kun gyi bde gsang chen
gzhi dang snying po me tog can
rang rig rnams kyi ngo bo ni
rdzogs pa chen po'i bcud ces ni
rgyud gzhan las kyang rab tu grags
528
gsang ba'i rgyud ni rnam bshad pa
nges pas gzung du yod pa'i lung
rang bzhin stong pa kun khyab po
de yang bcud kyi rang bzhin ni
snying po bsdus pas dangs ma gsum
gsal ba gsum dang shes pas khyab
gding gsum mi rtog gsum gyis ni
bcud mi 'gyur ba'i nges pa thob
snang ba gsum dang stong pa gsum
bcud ni rang bzhin dag pa yis
rgyud du gtan la phab pa'o
gzhi dang lam drang po dang 'bras bu yis
bzung bar nges par rang bzhin rgyud
529
de phyir rgyud ces 'brel bas 'grub
rang bzhin babs kyis grub pas na
rang bzhin nyid kyi rgyud ces bya
gzhi gcig ngo bo'i khyad par las
thabs dang rang bzhin rgyud ces ni
btags pa tsam du der snang yang
ngo bo gzhi gcig rang bzhin stong
tha dad ma yin 'gyur ba med
dper na skyes bu gang zhig la
ming ni mang po yod gyur na
gang nas bos kyang der snang ltar
'gyur med don yang de bzhin no
de nas rdo rje 'dzin pa yis
rdo rje 'chang la 'di skad gsol
kye ma ston pa sems dpa' che
sangs rgyas rnams kyi don gyi rgyud
530
thabs dang rang bzhin de ltar na
'di ltar gsang ba'i rgyud rnams kyi
dbye ba'i mtha' ni ji ltar lags
gtso bo nyid kyis sngar ma gsung
rim pa ji ltar bdag la gsung
de nas rdo rje 'chang chen des
rgyud rnams rab tu 'byed pa yi
ting nge 'dzin las bzhengs nas ni
rdo rje can la 'di skad gsungs
e ma rdo rje 'dzin pa nyon
de nyid rnam par bshad par bya
don rgyud dang ni tshig gi rgyud
don ni sngar bstan rim pa'o
tshig rgyud rim pa gsal bar dbye
spros pa gcod byed 'khor ba yi
don rnams rgyud kyis 'grol bar 'gyur
rgya mtsho dang ni nyi ma dang
seng ge dang ni ri rgyal dang
531
'khor lo dang ni lde mig dang
ral gri dang ni gsal shing dang
gser zhun dang ni ma bu 'brel
me long dang ni mu tig brgyus
sbrul mdud dang ni khyung chen dang
chu rgyun dang ni spu gri dang
rgyal pos dang ni bang mdzod dang
de ltar rnam par phye bas ni
tshig rgyud gsal bar byed pa'o
de yi don rnams rnam phye bas
ngo bo nyid kyang mthong bar 'gyur
rdo rje 'dzin pa nges zungs shig
532
rgyud kyi snying po gsum shes na
rgyal blon 'bangs gsum 'dzom pa 'dra
rgyud kyi dangs ma gsum shes na
ri gsum rtse mor phyin pa 'dra
rgyud kyi me tog gsum shes na
mkha' la nyi ma gsum shar 'dra
rgyud kun sdoms gcig shes pa na
mkhar gyi 'gram rdo legs btsugs 'dra
snang ba gting rdzogs rgyud shes na
rtse mo 'byongs pa'i mkhar dang 'dra
ye shes gsum zlog rgyud shes na
phyogs bzhir skar khung btod pa 'dra
yan lag rgyud chen gnyis shes na
ngos bzhir ba gam btags pa 'dra
rnal 'byor grol ba'i rgyud shes na
rgyal po mkhar gyi rtser bzhag 'dra
snying dang 'dra ba'i rgyud shes na
533
de la sgo mo dam bsgrigs 'dra
gsang ba rang gzhung rgyud shes na
mtha' ma lcags ris bskor ba 'dra
mtshon cha lta bu'i rgyud shes na
go zhub ldan pa'i sgo bsrung 'dra
e ma de ltar rgyud kun ni
ngo mtshar mchog tu che bas na
de yi don kun rnam bshad bya
de yang rgyud kyi rim pa ni
rtsa ba'i rgyud ni gnyis kyis ni
chos kun gcig pa nyid du bshad
bshad rgyud ma bu gnyis kyis ni
lo 'dab rgyas pa'i tshul du bshad
yan lag rgyud ni gnyis dag gis
rgya mtshor gza' skar shar bzhin bshad
lung rig gsal ba'i rgyud gnyis kyis
me tog kha bye'i tshul du bshad
man ngag rgyud sde bzhi yis ni
534
'bras bu smin pa'i tshul du bshad
dgongs pa rang gnas rgyud gsum gyis
mthong byed mig gi tshul du bshad
'jug pa rang grol rgyud gnyis kyis
dran gzhi snying gi tshul du bshad
mkhas pa cho ga'i rgyud kyis ni
me la tshe byed pa'i khye ltar bshad
de ltar rgyud kun thams cad kyis
don rab shin tu gsal bar bshad
sdom pa'i ngo bo rnam phye bas
sangs rgyas kun gyi rang bzhin thob
de ltar tshig tu bya ba'o
de nas rdo rje 'dzin pa rnams
gsang ba'i rgyud ni rnam phye bas
dga' mgu rangs pa'i sems skyes te
rdo rje 'chang la thal sbyar nas
tshig ni 'di skad rab tu gsol
535
kye ma drug pa rdo rje 'chang
rgyud kun rim pa de ltar na
ma 'ongs sems can rnams la yang
rgyud kun bsdoms pas gcig gyur pa'i
snying po thams cad dril nas ni
sems can rnams la ji ltar bstan
rdo rje 'chang gis bdag la gsungs
de nas ston pas bka' stsal pa
ji ltar brjod bya thams cad kun
bgrangs pa tsam du zad mod kyang
mdo ni brab mo'i don du bsdu
gnas lugs bsam gyis mi khyab kyang
ye shes rnam pa gsum yin no
'khrul gzhi rnam pa mang bshad kyang
lhun grub dang ni thugs rje'o
rang gnas sku rig ye shes so
gnas pa thus te cit ta'i dkyil
lam ni rtsa bzhi 'gyu byed rlung
'char byed sgo bzhi mig sogs so
nam mkha' rkyen bral yul du 'dus
nyams blangs khregs chod thod rgal lo
tshad ni gding bzhi'i rnal 'byor nyid
bar do ma bu gnyis sbyor bas
grol sa nyid ni thog ma'o
zhes mu tig phreng ba rin po che'i rgyud las
rgyud thams cad bsdoms te bstan pa'i le'u ste brgyad pa'o
de skad ces sems med pa'i rig pas bka' stsal pa dang
rig pa rdo rje rnon po la sogs pa
rigs lnga'i de bzhin gshegs pa dang
537
rigs gsum gyi khro bo dang
sangs rgyas chos dang dge 'dun dang
lha dang lha ma yin dang
mkha' 'gro ma dpag tu med pa dang
dri zar bcas pa'i 'jig rten yi rang ste
bcom ldan 'das kyis gsungs pa la mngon par bstod do
mu tig phreng ba rin po che gsang ba'i rgyud ces bya ba
rang bzhin rdzogs pa chen po'i rgyud 'bum phrag drug cu rtsa bzhi'i khyad par du phyung ba'o
rdzogs so
mu tig phreng ba'i rgyud kyi 'grel pa gsal byed ces bya ba yod
mu tig phreng ba'i rgyud la ma bu gsum
dge'o
dge'o
dge'o